ഹൃദയരാഗം 17 [Achu Siva] 663

നിനക്ക് അത് വേണം …നിന്നേ ഒന്നു മര്യാദ പഠിപ്പിക്കാൻ നിന്റെ വിനയേട്ടൻ വിചാരിച്ചാലേ  നടക്കു …ഗീതുവും അഞ്ജനയും അവളെ കളിയാക്കി ചിരിച്ചു …

അവൾ കെറുവോടെ ബാഗും എടുത്തു ക്ലാസ്സിലേക്ക് നടന്നു …ഇത് കണ്ട അവർ പുറകെ പോയി അവളുടെ രണ്ടു സൈഡിലായി നിന്നു അവളുടെ തോളത്തു കൂടി കൈ ഇട്ടു …

ഞങ്ങൾ വെറുതെ പറഞ്ഞതല്ലെടി പെണ്ണെ …ഞങ്ങടെ വാസുകി നല്ല കുട്ടിയല്ലേ ..അല്ലേടി ഗീതു?

പിന്നല്ലാതെ …നമ്മുടെ വാസുകി  മുത്താണ് ..

ഇനി വിനയേട്ടന്റെ വാസൂട്ടി  ഒന്നു ചിരിച്ചേ …..അഞ്ജന അവളുടെ കവിളിൽ പിടിച്ചു വലിച്ചു …

മതി മതി …കൂടുതൽ സുഖിപ്പിക്കല്ലേ …നിക്ക് പിണക്കം ഒന്നൂല്ല ….അവൾ അവരെ നോക്കി ചിരിയോടെ പറഞ്ഞു .

അവർ മൂന്നുപേരും സന്തോഷത്തോടെ ക്ലാസ്സിലേക്ക് ചെന്നു …വാസുകിയെ കണ്ടു എല്ലാവരും അത്ഭുതത്തോടെ നോക്കി ….അപ്പോഴേക്കും സർ ക്ലാസ്സിലേക്ക് വന്നതിനാൽ ആർക്കും വിശേഷം ഒന്നും ചോദിക്കാൻ കഴിഞ്ഞില്ല …

ഉച്ചയ്ക്ക് ലഞ്ച് ബ്രേക്ക്‌ ആയപ്പോൾ എല്ലാ എണ്ണങ്ങളും കൂടെ അവളെ വളഞ്ഞിട്ട് പിടിച്ചു ….പിന്നെ ചോദ്യം ചെയ്യലായി പരിഭവം പറച്ചിലായി ,ആകെ ബഹളമായി …അവളുടെ ദയനീയാവസ്ഥ കണ്ടു പാവം തോന്നിയ ഗീതുവും അഞ്ജനയും അവളുടെ സഹായത്തിനെത്തി …

വീട്ടുകാരുടെ നിർബന്ധത്തിനു വഴങ്ങി ഒരു പ്രേത്യേക സാഹചര്യത്തിൽ വാസുകിക്ക് അവളുടെ മുറച്ചെറുക്കനെ കല്യാണം കഴിക്കേണ്ടി വന്നെന്നും ,ഈ വിവാഹത്തിൽ ആദ്യം ഒന്നും തീരെ താല്പര്യാമില്ലാതിരുന്നത് കൊണ്ടാണ് കോളേജിൽ ഇതേ പറ്റി മറച്ചു വെച്ചതെന്നും അവർ എല്ലാരേയും പറഞ്ഞു മനസ്സിലാക്കി …

കണ്ടിട്ട് ഇപ്പൊ മഞ്ഞുരുകിയെന്നു തോന്നുന്നല്ലോ ?കൂട്ടത്തിൽ ഒരുത്തി വാസുകിയെ കളിയാക്കി ചോദിച്ചു …

അതേ പിള്ളേരെ ,മഞ്ഞുരുകി അത് ഒലിച്ചു പോയി  …ഇപ്പോ അവൾക്ക് അവളുടെ വിനയേട്ടൻ കഴിഞ്ഞേ ഉള്ളൂ മറ്റെന്തും …പ്രണയത്തിന്റെ പേമാരിയിൽ നനഞ്ഞു കുതിർന്നു നിൽക്കുകയാണ് നമ്മുടെ ഈ കൊച്ചു  സുന്ദരി ….അല്ലേടി ?അതും പറഞ്ഞു ഗീതു അവളെ തോളു കൊണ്ടൊന്നു തട്ടി …

പോടീ പട്ടി ……..വാസു ഗീതുനെ നോക്കി വിളിച്ചു …

ഓ പിന്നേ ,അവളുടെ വിനയേട്ടനെ പറ്റി പറഞ്ഞപ്പോ അവളുടെ ഒരു നാണം കണ്ടില്ലേ ..ദേ പിള്ളേരെ ശെരിക്കും കണ്ടോ …ഇതൊന്നും എപ്പഴും അങ്ങനെ കാണാൻ കിട്ടില്ല …അഞ്ജനയും അവളെ കളിയാക്കി …

പിന്നേ എല്ലാരും കൂടെ അവളെ വിശേഷങ്ങൾ ചോദിച്ചു കഴുത്തറപ്പു തുടങ്ങി …അവളുടെ വിനയേട്ടനെ നാളെ തന്നെ  അവർക്കെല്ലാം പരിചയപ്പെടുത്തി കൊടുക്കാമെന്നു അവൾ അവർക്ക് വാക്കും കൊടുത്തു ….

എങ്കിലും ഇതൊന്നും ഇഷ്ടപ്പെടാതെ ഒരാൾ മാത്രം അവളെ പുച്ഛത്തോടെ നോക്കി .