ഹൃദയരാഗം 17 [Achu Siva] 663

കണ്ടില്ലേ ,നീ ഒരിക്കൽ നിന്റെ ശാപമായി കണ്ടിരുന്ന ആ മനുഷ്യൻ തന്നെ വേണ്ടി വന്നു നിന്റെ ജീവൻ രക്ഷിക്കാൻ ….അത് കൊണ്ടല്ലേ നീ ഇപ്പോ ഇങ്ങനെ ഞങ്ങടെ മുന്നിൽ നിൽക്കുന്നത് …ശെരിക്കും വിനയ് മേനോൻ എന്ന വ്യക്തി നിന്റെ ഭാഗ്യമാണെടി . . .അത്രമേൽ നിന്നേ സ്നേഹിക്കുന്നുണ്ട് ..നീ ആയിട്ട്  അത്  ഇല്ലാതാക്കരുത് ..അഞ്ജന വാസൂനെ ഉപദേശിച്ചു …

ഇത് കേട്ട വാസുകി ,വിനയ്ടെ പിറന്നാൾ ദിവസം നടന്ന സംഭവങ്ങൾ ഒന്നൊന്നായി പറഞ്ഞു കരയാൻ തുടങ്ങി …

അത് കണ്ടു എങ്ങനെ അവളെ ആശ്വസിപ്പിക്കുമെന്നു അറിയാതെ അവരും കുഴങ്ങി .

അഞ്ജന അവളുടെ അടുത്തേക്ക് നീങ്ങി  ഇരുന്നു …വാസു അവളുടെ തോളിലേക്ക് വീണു കരഞ്ഞു …അവൾ അവളുടെ തലമുടിയിൽ സ്നേഹത്തോടെ തലോടി …

മോളെ കണ്ണ് തുടയ്ക്കു  ..ആരെങ്കിലും കണ്ടാൽ എന്ത് വിചാരിക്കും  .നമുക്ക് എല്ലാത്തിനും ഒരു പരിഹാരം കാണാം ..നീ ഇങ്ങനെ വിഷമിക്കാതെ …ഞാൻ അല്ലേ പറയണേ …

വാസുകി അവളുടെ കണ്ണൊക്കെ തുടച്ചു ,ഒരു ചിരി വരുത്താൻ ശ്രെമിച്ചു …ഗീതു അവളുടെ മുഖത്തേക്ക്  വിഷമത്തോടെ  നോക്കി …

ഞാൻ ഒരു കാര്യം പറഞ്ഞാൽ വിഷമം തോന്നരുത് നിനക്ക് …ഇനി കരയാനും പാടില്ല കേട്ടല്ലോ …അഞ്ജന വാസുനോടായി പറഞ്ഞു …

ഇല്ല ഞാനിനി കരയില്ല  ..പെട്ടന്ന് അതൊക്കെ ഓർത്തപ്പോ പിടിച്ചു നിർത്താൻ കഴിഞ്ഞില്ല …നീ പറഞ്ഞോളൂ ..

ടീ ,ഇപ്പോ വിനയ് സർ നിന്നോട് കാണിക്കുന്ന അകൽച്ചക്കു  കാരണം നീ തന്നെയാ …അല്ലെന്നു നിനക്ക് പറയാൻ കഴിയുമോ ?

വാസു അതിനു മറുപടിയായി ഇല്ല എന്ന അർത്ഥത്തിൽ തല ആട്ടി കാണിച്ചു …

അഞ്ജന തുടർന്നു ….

ഈ വിവാഹം കഴിഞ്ഞ അന്ന് മുതൽ നീ ആ മനുഷ്യനെ വെറുപ്പോടെയല്ലാതെ സ്നേഹത്തോടെ സമീപിച്ചിട്ടില്ല …ഒരാൾക്ക് മുന്നിൽ പോലും സ്വന്തം ഭർത്താവായി പരിചയപെടുത്തിയിട്ടുമില്ല …

നിന്റെ മനസ്സിൽ ഉടലെടുത്ത പ്രണയം നമുക്ക് മൂന്ന് പേർക്കും മാത്രം അറിയാവുന്ന കാര്യമാണ് …

നീ കോളേജിൽ വന്നിട്ട് പോലും ഈ വിവാഹ കാര്യം മറച്ചു വെച്ചു …നിന്നെയും നവീനെയും ഒരിക്കൽ വെളിയിൽ വെച്ചു വിനയ് സർ കണ്ടു എന്നല്ലേ പറഞ്ഞത് ?

അതേ …….വാസുകി മറുപടി നൽകി ..

ആ അപ്പൊ സ്വാഭാവികമായും ആ മനുഷ്യൻ എന്താണ് കരുതിയിട്ടുണ്ടാവുക …
ഒരു ഭർത്താവ് എന്ന പരിഗണന ഒരിക്കലും നൽകാത്ത പെണ്ണ് ,മറ്റുള്ളവർക്ക് മുന്നിൽ അയാളെ അംഗീകരിക്കാൻ മനസ്സ് കാട്ടാത്ത പെണ്ണ് …ഏതോ ഒരു പയ്യന്റെ ഒപ്പം  ചുറ്റി കറങ്ങി നടക്കുന്നത് കാണുന്നു …