ഹൃദയരാഗം 17 [Achu Siva] 663

എന്ത് ന്യൂസ്‌ ?

നമ്മുടെ നവീൻ ചേട്ടനും  ഫ്രണ്ട്സും ആക്‌സിഡന്റ് പറ്റി ഹോസ്പിറ്റലിൽ ആണെന്ന്   ..ഇനി കുറെകാലത്തേക്ക് ഇങ്ങോട്ടേക്കു നോക്കണ്ട ..മൊത്തത്തിൽ പഞ്ചർ ആയെന്നാണ് കേട്ടത് ….കഷ്ടായി പോയി …

എന്നാലും ആ പാവം ചേട്ടനോട് ദൈവം ഇങ്ങനൊരു ക്രൂരത കാട്ടിയല്ലോ ..ഒന്നാമതെ നിന്റെ സ്നേഹം നഷ്ടപ്പെട്ടതിന്റെ വിഷമം ആവോളം ഉണ്ടാകും ,അതിനു പുറകെ ഇങ്ങനെ ഒരു അവസ്ഥ കൂടി ..ഞങ്ങൾക്കാണെൽ ഇത് കേട്ടപ്പോൾ മുതൽ സങ്കടം സഹിക്കാൻ വയ്യാ …അതാണ് നിന്നേ കൂടെ കൂടെ ഫോൺ വിളിച്ചത് …നീ പെട്ടന്നു കട്ട്‌ ചെയ്തിട്ടും പോകുകയും ചെയ്യും  …ഗീതുവും അഞ്ജനയും മാറി മാറി നവീന്റെ അവസ്ഥയിൽ പരിതപിച്ചു …

നവീൻ എന്ന പേര് കേട്ടപ്പോൾ തന്നെ അവനോടുള്ള  ദേഷ്യവും വെറുപ്പും പുച്ഛവും കാരണം അവളുടെ മുഖം ചുവന്നു …

ഇനി ആ വൃത്തികെട്ടവന്റെ പേര് പോലും നീ ഒന്നും ഇവിടെ പറഞ്ഞു പോകരുത് .. വാസുകി ദേഷ്യത്തിൽ അവരെ നോക്കി പറഞ്ഞു ..

ഗീതുവും അഞ്ജുവും അവളുടെ ഇങ്ങനെ ഒരു ഭാവം കണ്ടു ഒന്നും മനസ്സിലാകാതെ പരസ്പരം നോക്കി ..

വൃത്തികെട്ടവനോ ?നീ ആരെ പറ്റിയ ഈ പറയണേ …നവീൻ ചേട്ടനെ പറ്റി തന്നെയാണോ …

അതേ ആ നെറി കെട്ടവനെ തന്നെയാണ് വിളിച്ചത് …ആക്‌സിഡന്റ് പോലും ആക്‌സിഡന്റ് ..അവൾ പുച്ഛത്തോടെ തല വെട്ടിച്ചു …ആണൊരുത്തന്റെ കൈയിൽ നിന്നു നല്ല തട്ട് കിട്ടിയിട്ടാണ് ആ മനസാക്ഷി ഇല്ലാത്തവനും കൂട്ടരും ഹോസ്പിറ്റലിൽ ആയത് ..

നീ എന്തൊക്കെയാടി ഈ പറയുന്നത് ?ഗീതു ചോദിച്ചു

ഞാൻ എല്ലാം പറയാം ……………………………..

വിനയ്നോട് കള്ളം പറഞ്ഞു ബീച്ചിലേക്  നവീനെ കാണാൻ പോയത് മുതൽ വിനയ് അവരുടെ പിടിയിൽ നിന്നു അവളെ  രക്ഷപെടുത്തി കൊണ്ടു വന്നത് വരെയുള്ള എല്ലാ കാര്യങ്ങളും അവൾ അവരോടു വള്ളി പുള്ളി തെറ്റാതെ വിവരിച്ചു കൊടുത്തു …

എല്ലാം കേട്ട് വിശ്വസിക്കാൻ ആകാതെ വല്ലാത്തൊരു അവസ്ഥയിലേക്ക് മാറിയിട്ടുണ്ടായിരുന്നു അവർ രണ്ടു പേരും …

ഛെ …എന്നാലും എനിക്കിതൊക്കെ കേട്ടിട്ടു ഒരു തലകറക്കം പോലെ ….ആരെങ്കിലും പറയുമോ അവൻ ഇത്രക്ക് ദുഷ്ടനായിരുന്നെന്നു …അവനെ കൊല്ലുക ആയിരുന്നു വേണ്ടിയിരുന്നത് …ഗീതുനു ദേഷ്യം നിയന്ത്രിക്കാൻ കഴിഞ്ഞില്ല …

എന്നാലും മോളെ നീ എത്ര വലിയ ഒരു ആപത്തിൽ നിന്ന രക്ഷപെട്ടു വന്നത് …അവന്റെ മട്ടും  ഭാവവും കണ്ടാൽ ഇത്രയും വലിയ ചതി ഉള്ളിൽ ഒളിപ്പിച്ചു നടന്നതാണെന്നു ആരെങ്കിലും പറയുമോ ..എന്ത് തന്ത്രപരമായിട്ടാ അവൻ കരുക്കൾ നീക്കിയത് …അഞ്ജനയും പൊട്ടിത്തെറിച്ചു …

എന്നാലും എന്റെ അഞ്ജു ആ കാലന് ആക്‌സിഡന്റ് പറ്റി എന്നറിഞ്ഞു ഇത്രയും ദിവസം നമ്മൾ എന്ത് സങ്കടപ്പെട്ടു …അയ്യോ അത് ഓർത്തിട്ട് എനിക്ക് തന്നെ എന്നെ കത്തിക്കാൻ തോന്നുന്നു ..

വിനയേട്ടൻ അവനു ശെരിക്കും കൊടുത്തിട്ടുണ്ട് ഗീതു ..ഏതായാലും അടുത്ത കാലത്തെങ്ങും രണ്ടു കാലിൽ നിവർന്നു നിൽക്കില്ല …..വാസുകി ദേഷ്യം കൊണ്ടു പല്ലു കടിച്ചു …

ശേ എന്നാലും നിന്റെ വിനയേട്ടൻ ആ വൃത്തികെട്ടവന്മാരെ ഇടിച്ചു ഇഞ്ച പരുവമാക്കുന്നത് എനിക്കൊന്നു നേരിട്ട് കാണാൻ പറ്റിയില്ലല്ലോ …ഹോ ഓർത്തിട്ട് തന്നെ രോമാഞ്ചം വരുന്നു .. ദേ നോക്കിക്കേ …അവള് സന്തോഷത്തോടെ കൈ ഒക്കെ പൊക്കി വാസൂനെ കാണിച്ചു ..