ഹൃദയരാഗം 16

Author : അച്ചു ശിവ | Previous Part

മോളെ വാസുകി ………….
അടുക്കളയിൽ നിന്നും അവളോട്‌ എന്തോ പറയാൻ വേണ്ടി ഇറങ്ങി വന്ന ശാരദാമ്മ ഈ കാഴ്ച കണ്ടു അവിടെ തന്നെ നിന്നു …അവരുടെ മനസ്സ് നിറഞ്ഞു …അവർ പുഞ്ചിരിച്ചു കൊണ്ടു തിരികെ കയറി പോയി ….

അമ്മമാർ തന്റെ കുഞ്ഞു മക്കളേ ഊട്ടുന്നത് പോലെ വാസുകി   അത് മുഴുവൻ അയാളെ കഴിപ്പിച്ചു .പായസം അടക്കം …വിനയ് ഒരു അനുസരണ ഉള്ള കുട്ടിയെപ്പോലെ  അവളുടെ അടുത്തിരുന്നു .. ഏതോ ഒരു മായാലോകത്തിൽ അകപ്പെട്ട പ്രതീതിയായിരുന്നു ആ മുഖത്ത് …

അങ്ങനെ ഇല മുഴുവൻ കാലിയായി .. തോളിൽ ആരോ തട്ടി വിളിക്കുന്നത് കേട്ടാണ് വിനയ് തിരികെ  ബോധത്തിലേക്ക് വരുന്നത്    …

വാസുകി അയാളെ നോക്കി ചിരിച്ചു കൊണ്ടു നിൽക്കുന്നു …

അയാൾ അവളുടെ മുഖത്തേക്ക് നോക്കി …

അല്ല എഴുനേൽക്കുന്നില്ലേ ??കഴിഞ്ഞു …അവൾ ഇലയിലേക്ക്  കൈ ചൂണ്ടി കാട്ടികൊണ്ടു പറഞ്ഞു ..

അമളി പറ്റിയത് പോലെ വിനയ്ടെ മുഖം മാറി …ചിരിക്കണോ വേണ്ടയോ എന്ന് അറിയാത്ത അവസ്ഥ …പതിയെ അവിടെ നിന്നും എഴുന്നേറ്റു എന്നിട്ട് അവളുടെ മുഖത്ത് നോക്കാതെ വാഷ്ബേസിന്റെ അടുത്തേക്ക് നടന്നു .വീണ്ടും ഒരു ഉൾപ്രേരണ എന്നോണം വിനയ് അവളെ തിരിഞ്ഞു നോക്കി . …അത് കണ്ടു അവളും നോക്കി ചിരിച്ചു ..അയാൾ പെട്ടന്ന് നോട്ടം മാറ്റി മുകളിലേക്ക് കയറി പോകാൻ തുടങ്ങി

വിനയ് സർ ……

വാസുകിയുടെ വിളി കേട്ടു അയാൾ തിരിഞ്ഞു  നോക്കി …

ഇതെങ്ങോട്ടാ ഈ പോകുന്നത് …അവിടെ അല്ല ഇവിടെ …

സോറി .  ..അത് ….ഞാൻ പെട്ടന്ന്  എന്തോ ഓർത്തപ്പോ  .വിനയ്  നിന്നു തപ്പി തടഞ്ഞു . …വീണ്ടും വാഷ്ബേസിന്റെ അടുത്തേക്ക് പോയി

ദൈവമേ ഇങ്ങേരുടെ ഫ്യൂസ് അടിച്ചു പോയാ ??അവൾ മനസ്സിൽ ചിന്തിച്ചു …

ഞാൻ ഹെല്പ് ചെയ്യണോ ?അവൾ അയാളോട് ചോദിച്ചു …

അതിനു അവൻ അവളെ ദേഷ്യത്തിൽ ഒന്നു നോക്കി ….

എന്നെ വെറും രോഗി ആക്കരുത് …ചെറിയൊരു കലിപ്പോടെ അവളെ നോക്കി പറഞ്ഞു അയാൾ കയറി പോയി …

ഓ പിന്നെ ….നിങ്ങള് രോഗി തന്നെയാ ..ഈ വാസുകി നിങ്ങളെ ചികിൽസിക്കുന്ന ഡോക്ടറും …ആ ഹാർട്ടിൽ ഒരു സർജറി നടത്തി അതിനുള്ളിൽ കിടക്കുന്ന സ്നേഹം എല്ലാം കൂടെ തോണ്ടി പുറത്തിട്ടിട്ട്  അതിൽ ഒരു കുടിലു കെട്ടി താമസിക്കും ഞാൻ നോക്കിക്കോ ….

വാസു നേരെ അടുക്കളയിലേക്കു ചെന്നു …

അമ്മേ ….

കഴിഞ്ഞോ ???

എന്ത് ?