ഹൃദയരാഗം 16 [Achu Siva] 867

അയാൾ അവിടെ ചുറ്റിലുമൊന്നു കണ്ണോടിച്ചു നോക്കി …എന്നിട്ട് അവളുടെ മുന്നിൽ ചെന്നു നിന്നു …

എവിടെ ?

എന്ത് ?

അല്ല ആരെയോ കാണിക്കാമെന്നു പറഞ്ഞു …

അതിനു അവൾ ദേഷ്യത്തോടെ ഒന്നു മുഖം വെട്ടി തിരിച്ചു …

അത് ഞാൻ വെറുതെ പറഞ്ഞതാ …അങ്ങനിപ്പോ രണ്ടും കൂടെ നിന്നു കുറുകണ്ട …..

ശ്ശേ  …..നിന്നെ ഒക്കെ ….ഞാൻ ഒന്നും പറയുന്നില്ല ….ഏത് നേരത്താണാവോ എനിക്ക് ഇതിനെ. …….നെറ്റിയിൽ  സ്വയം ഒരു തട്ട് കൊടുത്തു കൊണ്ടു വിനയ് അവിടെ നിന്നും നടന്നു പോയി   ….

അതൊക്കെ ഒരു മാസം മുൻപ് ആലോചിക്കണമായിരുന്നു മിഷ്ടർ ….അവൾ വിനയ് കേൾക്കാതെ അതും പറഞ്ഞു  പുറകെ ചെന്നു …

വിനയ്  ദേഷ്യത്തോടെ പോയി കാറിൽ  കയറി …അവൾ പതിയെ നടന്നു ചെന്നു ഡ്രൈവിംഗ് സീറ്റിൽ ഇരുന്നു …

വണ്ടി ഒന്നെടുക്കുമോ …മനുഷ്യനെ ഡ്രൈവ് ചെയ്യാൻ ഒട്ടു സമ്മതിക്കത്തുമില്ല …അവളുടെ ഒരു സ്ലോ മോഷൻ …

ഡോക്ടർ പറഞ്ഞത് കേട്ടില്ലേ ,കൈ അധികം അനക്കരുതെന്നു ..എന്നോടുള്ള ദേഷ്യം അതിൻമേൽ തീർക്കരുത് …ഞാൻ കാരണമല്ലേ ഇങ്ങനെയൊക്കെ …അല്ലാതെ ഞാൻ കൂടുതൽ അധികാരം കാണിക്കുന്നതായി ദയവു ചെയ്ത് കരുതരുത് …

അത് കേട്ട് അയാളുടെ മുഖത്തെ ദേഷ്യത്തിന് അല്പം ഒരു മങ്ങൽ ഉണ്ടായി …
അയാൾ പിന്നെ ഒന്നും മിണ്ടാതെ വെളിയിലേക്ക് നോക്കി ഇരുന്നു …

അതേ വിനയ്  സർ ,ഞാൻ ഒരു കാര്യം പറഞ്ഞാൽ ദേഷ്യപ്പെടുമോ …?

അവളുടെ ഒരു വിനയ് സർ ,വിനയ് സർ …ഞാൻ ഏത് ക്ലാസ്സിലാടി നിന്നേ പഠിപ്പിച്ചത് …നീ എന്താ എന്നെ കളിയാക്കാ ? ..കുറെ ദിവസം ആയി അവള് തുടങ്ങിയിട്ട്….

ഞാൻ പിന്നെ എന്താണ് വിളിക്കേണ്ടത് …ആ മനസ്സിൽ നിന്നും എന്നെ ഇറക്കി വിട്ടു കഴിഞ്ഞില്ലേ …ഇന്ന് എന്റെ സ്ഥാനം എന്താണ് ?ഇറങ്ങി പൊടി എന്ന് നിങ്ങൾ  പറഞ്ഞാൽ ആ നിമിഷം പോകേണ്ടവൾ …ആരോരുമില്ലാത്ത വെറുമൊരു അനാഥ …അവളുടെ തൊണ്ട ഇടറി …

അയാളുടെ നെഞ്ചിലും ആ വാക്കുകൾ കുത്തി കൊണ്ടത് പോലെ ഒരു നീറ്റൽ അനുഭവപ്പെട്ടു …എങ്കിലും തൊട്ടടുത്ത നിമിഷം തന്നെ മറ്റു ചില ഓർമ്മകൾ അതിനെ വന്നു മൂടി  . ..ശരിയും തെറ്റും തമ്മിലുള്ള ഒരു പിടിവലി തന്നെ അവന്റെ ചിന്തയിൽ അരങ്ങേറി …