ഹൃദയരാഗം 16 [Achu Siva] 867

നോക്ക്  ദേവിക ഇയാളോട് ഞാൻ പലതവണ പറഞ്ഞിട്ടുണ്ട് എന്നെ സർ എന്ന് വിളിക്കരുത് എന്ന് …

അയ്യോ  സോറി സർ …അല്ല ഏട്ടാ ….

അത് കേട്ട് വിനയ് ചിരിച്ചു ,,ഒപ്പം അവളും ..

ഇപ്പൊ എങ്ങനുണ്ട് വിനയേട്ടാ …വേദന എന്തെങ്കിലും ഉണ്ടോ ,കൈ അധികം അനക്കിയൊന്നുമില്ലല്ലോ അല്ലേ …അവൾ വിനയ്ടെ കൈയിൽ ഒക്കെ കയറി പിടിച്ചു നോക്കികൊണ്ട്‌ ചോദിച്ചു …

ദേവി ,എന്റെ പ്രോപ്പർട്ടിയിലല്ലേ അവളു  കയറി ടച്ചണത് ….വാസുകിയുടെ സർവ നിയന്ത്രണവും വിട്ടു ….ഡോക്ടർ ആണെന്ന് കരുതി എന്തും ആകാം എന്നാരിക്കും ഭാവം …അല്ലെങ്കിൽ തന്നെ എല്ലാം കഴിഞ്ഞിട്ട് പോകാൻ നിൽകുമ്പോൾ ഇവൾക്കെന്താ പിന്നെയും  ഇത്ര പരിശോധിക്കാൻ ..അവൾടെ നിൽപ്പ് കണ്ടാൽ അറിയാം ഉദ്ദേശം ശെരി അല്ലെന്നു ….

വാസുകി തന്റെ ദേഷ്യം കടിച്ചമർത്തി അവരുടെ അടുത്തേക്ക് ചെന്നു …ദേവികയോട് സംസാരിച്ചു കൊണ്ടു നിന്ന വിനയ്ടെ ഇടതു കൈയിലൂടെ അവൾ രണ്ടു കൈയും ചേർത്ത് ചുറ്റി പിടിച്ചു …വിനയ് തിരിഞ്ഞു നോക്കി …

വിനയേട്ടാ എന്റെ കൂടെ ഒന്നു വേഗം വന്നേ ,ഞാൻ ഒരാളെ കാണിച്ചു തരാം …പ്ലീസ്  ഒന്നു വന്നേ …

വിനയ് ഇവൾ ഇത് എന്താണ് കാണിക്കുന്നത് എന്ന ഭാവത്തിൽ അയാളുടെ കൈയിലേക്കും വാസുകിടെ മുഖത്തേക്കും മാറി മാറി നോക്കി …പക്ഷേ അവൾ പിടി വിടാതെ അയാളെ അവളുടെ അടുത്തേക്ക് പിടിച്ചു വലിച്ചു …

ദേവിക ,ഞാൻ എങ്കിൽ  ഇറങ്ങട്ടെ …തന്റെ ഡ്യൂട്ടി നടക്കട്ടെ …ശെരി എന്നാൽ …പിന്നെ കാണാം …വാസുകിയുടെ ശല്യം സഹിക്ക വയ്യാതെ വിനയ് അവിടെ നിന്നും അവളുടെ കൂടെ ചെന്നു ….

പോകുന്ന വഴിയിൽ വാസുകി ദേവികയെ ഒന്നു രൂക്ഷമായി തിരിഞ്ഞു നോക്കി ,പക്ഷേ ദേവികയുടെ മുഖത്ത് ഒരു ഭാവമാറ്റവും ഉണ്ടായില്ല …

അവർ ഹോസ്പിറ്റലിനു വെളിയിലേക്ക് ഇറങ്ങി പോയി …

അവരുടെ പോക്ക് നോക്കി നിൽക്കുകയായിരുന്ന ദേവിക ചിരിച്ചു കൊണ്ടു അവിടെ നിന്നും ഉള്ളിലേക്ക് കയറി പോയി ……..

വാസു വിനയ്നെയും കൊണ്ടു ഹോസ്പിറ്റൽ മുറ്റത്തേക്ക് ഇറങ്ങി …എന്നിട്ട് അയാളുടെ  കൈയ്യിലെ പിടിത്തം വിട്ട് കുറച്ചു മുന്നിലേക്ക് മാറി കൈ കെട്ടി നിന്നു …