ഹൃദയരാഗം 16 [Achu Siva] 867

ഞാനോ  ….ഞാൻ നിങ്ങടെ ഭാ..

വിനയ് അവളെ തറപ്പിച്ചു ഒന്നു നോക്കി …അവൾ പറയാൻ വന്നത് പാതിക്ക് വെച്ച് നിർത്തി

അതേ ഇപ്പഴും നിയമപരമായി ഞാൻ സർന്റെ ഭാര്യ തന്നെ ..എല്ലാവരുടെ മുന്നിലും അങ്ങനെ തന്നെയാണ്  ….അപ്പൊ വിനയ് മേനോന്റെ വൈഫ്‌  അങ്ങോട്ട് വിളിച്ചു വരാം എന്ന് അറിയിച്ച സ്ഥിതിക് വാക്ക് മാറുന്നത് ശരിയാണോ സർ …

അതുമല്ല അതിന്റെ മുതലാളി ആണെന്ന് കരുതി അവരെ ഇങ്ങനെ ബുദ്ധിമുട്ടിക്കണോ ഹും …നമ്മുടെ ഹോസ്പിറ്റൽ സ്റ്റാഫിന്റെ  വിലപ്പെട്ട സമയം ഇതിനു വേണ്ടി കളയണോ ?വല്യ ദൂരം ഒന്നുമില്ലല്ലോ …

വിനയ് ഒന്നും മിണ്ടിയില്ല …

ഇവിടെ തന്നെ ഇരുന്നു എനിക്ക് വല്ലാണ്ട് ബോറടിക്കുന്നു ….അങ്ങനെയെങ്കിലും പുറത്തേക്കു ഒന്നു പോകാല്ലോ …അവൾ ചുരിദാറിന്റെ ഷാളിന്റെ അറ്റം കൈവിരലിൽ ഇട്ട് ചുറ്റി കൊണ്ടു പറഞ്ഞു ,ചെറിയ കുട്ടികൾ പരിഭവം പറയുന്നത് പോലെ .

നിന്നെ ആരാണ്ടു  നിർബന്ധിച്ചോ ഇവിടെ കയറി അട ഇരിക്കാൻ …നിനക്ക് കോളേജിൽ പോകാമായിരുന്നല്ലോ ….എങ്ങനെ പോകും ,പോയാൽ പിന്നെ ഈ സ്നേഹപ്രകടനങ്ങൾ ഒന്നും അഭിനയിച്ചു ഫലിപ്പിക്കാൻ കഴിയില്ലല്ലോ …

അത് കേട്ട് അവളുടെ മുഖം വാടി …
എന്താച്ചാ ചെയ്തോളു ….ഞാൻ ഇനി ഒരു ശല്യമായി  ഒന്നിനും വരുന്നില്ല   .വല്ലാത്ത നിഷ്കളങ്കതയോടെ പറഞ്ഞു    അവൾ പുറത്തേക്ക് നടന്നു …

നിൽക്കു ….

സെന്റി  ഏറ്റു ….ഉള്ളിൽ ചിരിച്ചു കൊണ്ടു മുഖത്ത് അതേ ദയനീയ ഭാവം മാക്സിമം വരുത്തി അവൾ തിരിഞ്ഞു നിന്നു …

ഞാൻ റെഡി ആയിട്ട് വരാം …നീ താഴേക്ക് പൊക്കൊളു .

അവൾ എന്തെന്നില്ലാത്ത സന്തോഷത്തോടെ മൂളിപ്പാട്ടൊക്കെ പാടി താഴേക്കു പോയി ….

കുറച്ചു സമയം കഴിഞ്ഞപ്പോ വിനയ് താഴേക്ക് ഇറങ്ങി വന്നു …

അവൾ അയാളെ ഒന്നു നോക്കി …

അയ്യടാ ഇത് ഹോസ്പിറ്റലിലേക്ക് തന്നെ അല്ലേ പോകുന്നത് ,കണ്ടാൽ തോന്നും കല്യാണത്തിനോ മറ്റോ പോകാൻ ഒരുങ്ങി ഇറങ്ങിയതാണെന്നു …എന്റെ മഹാദേവ ,ആ മൂദേവി ഡോക്ടർ ഇന്ന് ലീവ് ആയിരിക്കണേ …