ഹൃദയരാഗം 16 [Achu Siva] 867

…വാസു രാവിലെ തന്നെ വിനയ്നെ തപ്പി നടന്നു  . അയാൾ മുകളിൽ ഓഫീസ് റൂമിൽ കാര്യമായ വർക്കിലാണ് …അവൾ പതിയെ ഡോർ തുറന്നു നോക്കി …വീഡിയോ കോൺഫെറെൻസിങ്ങിൽ ആണെന്ന് മനസ്സിലായ അവൾ ഡിസ്റ്റർബ് ചെയ്യാതെ അവിടെ നിന്നു പോയി ….ഉച്ച കഴിഞ്ഞു ഹോസ്പിറ്റലിൽ പോകാം എന്ന് കണക്കു കൂട്ടി അവൾ തന്റെ ജോലികളിൽ മുഴുകി …

വിനയ് പുറത്തിറങ്ങിയപ്പോൾ ഏകദേശം ഉച്ച ആയിട്ടുണ്ടായിരുന്നു …അവൾ അയാളുടെ അടുത്തേക്ക് ചെന്നു ..അവൾ വരുന്നത് കണ്ടു വിനയ് ഒഴിഞ്ഞു മാറി പോകാൻ തുടങ്ങി …

അതേ സർ ഒന്നു നിന്നേ …

ഉം …എന്താ ..?

അല്ല ഇന്നല്ലേ ഹോസ്പിറ്റലിൽ പോകേണ്ടത് ..മറന്നു പോയോ ?നമുക്കു പോകണ്ടേ ?

നമുക്കോ ?

അതേ നമ്മൾ രണ്ടു പേരും കൂടി പോകുന്നു …അതല്ലേ അതിന്റെ ശെരി …

എന്നാ മോളു വല്ലാണ്ടങ് കഴ്ടപ്പെടണ്ട .അവിടുന്ന് ആളു ഇങ്ങോട്ട്  വന്നോളും .ഞാൻ വിളിച്ചു പറഞ്ഞിട്ടുണ്ട് …പോയി വേറെ വെല്ല പണിയും ഉണ്ടേൽ ചെയ്യാൻ നോക്ക് …

ശെടാ ,ഇത് വല്ലാത്ത ചതി ആയി പോയി .. അങ്ങനാണെങ്കിൽ എന്റെ പ്ലാനിങ് ഒക്കെ ചീറ്റി പോകുമല്ലോ ….അവൾ തന്റെ ഇടതു കൈ വെള്ളയിലേക്ക് വലതു കൈ ചുരുട്ടി പിടിച്ചു ഇടിച്ചു കൊണ്ടു മുകളിലേക്ക് നോക്കി പറഞ്ഞു ….

ഇപ്പൊ ശെരിയാക്കി തരാം …അവൾ തന്റെ മൊബൈലും എടുത്ത് താഴേക്കു ഇറങ്ങി പോയി …

ഫുഡ്‌ ഒക്കെ കഴിച്ചതിനു ശേഷം വാസുകി പുറത്ത് എവിടെയോ പോകാൻ ഉള്ള മട്ടിൽ വേഷം മാറി വന്നു …വിനയ് മൊബൈലിൽ നോക്കി കൊണ്ടു ടിവിയുടെ മുന്നിൽ ഇരിപ്പുണ്ട് ….

അവളെ കണ്ടു വിനയ് അടിമുടി നോക്കി …അല്ല എങ്ങോട്ടാ ?

ഹോസ്പിറ്റലിലേക്ക് ?

എന്ത് പറ്റി ?അയാൾ  അവിടെ നിന്നും എഴുനേറ്റു …

എനിക്കൊന്നും പറ്റിയില്ല …വിനയ് സർന്റെ മുറിവ് ഡ്രസ്സ് ചെയ്യാൻ പോകുന്നു …

അതിനു ഞാൻ വരണ്ടേ ?

വരുമല്ലോ .

ടി ,നിന്റെ ചെവി പൊട്ടിയതൊന്നും അല്ലല്ലോ …ഞാൻ ഉച്ചക്ക് പറഞ്ഞതൊന്നും കേട്ടില്ല എന്നുണ്ടോ …

കേട്ടു …നല്ല വ്യക്തമായിട്ട് കേട്ടു …എന്നാ ഇതും കൂടി കേട്ടോ …അവരു വരില്ല …ഞാൻ ഹോസ്പിറ്റലിൽ വിളിച്ചു പറഞ്ഞിട്ടുണ്ട് ഇങ്ങോട്ട് വരണ്ട നമ്മൾ അങ്ങോട്ട് ചെന്നോളം  എന്ന് .

ദേ പെണ്ണെ , വേണ്ട വേണ്ട എന്ന് വെക്കുമ്പോ ..എന്റെ പഴയ സ്വഭാവം എടുപ്പിക്കരുത് …നീ ആരാടി ഇതൊക്കെ തീരുമാനിക്കാൻ ?എന്റെ ഇഷ്ടമില്ലാതെ എന്റെ കാര്യങ്ങളിൽ കയറി ഇടപെടാൻ നിനക്ക് എന്ത് അവകാശമാടി ഉള്ളത് ?