ഹൃദയരാഗം 16 [Achu Siva] 867

അല്ല രാവിലെ ഇവിടെ ചിലർ വഴക്ക് പറഞ്ഞുന്നും പറഞ്ഞു കരയുന്നു കെട്ടിപ്പിടിക്കുന്നു ആഹാരം പോലും കഴിക്കാതെ മുറിയിൽ പോയി കിടക്കുന്നു …എന്തൊക്കെ ആയിരുന്നു …ദാ ഇപ്പൊ നോക്കുമ്പോ ….

നോക്കുമ്പോ ….

ഒന്നൂല്ലേ ……അവർ ഒരു കള്ള ചിരിയോടെ പറഞ്ഞു ..

ദേ അമ്മേ ,വെറുതെ എന്നെ കളിയാക്കല്ലേ …എന്താ ഇപ്പൊ ഇത്ര ചിരിക്കാൻ …അവൾ കെറുവോടെ മുഖം തിരിച്ചു …

മോളെ അമ്മ കളിയാക്കിയതല്ല …സന്തോഷം കൊണ്ടു പറഞ്ഞു പോയ …പണ്ട് എനിക്ക് വിനയൻ കുഞ്ഞിനോടുള്ള മോളുടെ പെരുമാറ്റം കണ്ടു ഒരുപാട് സങ്കടം തോന്നിയിട്ടുണ്ട് …ഇടക്കൊക്കെ ദേഷ്യവും ..ഈ വിവാഹം തന്നെ ഒരു അബദ്ധമായി പോയല്ലോ  എന്ന് വരെ ചിന്തിച്ചു ….പക്ഷേ എനിക്കിപ്പോ ഒരു കാര്യം ഉറപ്പായി …മോന്റെ തീരുമാനം തെറ്റിയിട്ടില്ല ….ഇതിലും കൂടുതലായി മോനെ സ്നേഹിക്കാനും പരിചരിക്കാനും മറ്റൊരു പെണ്ണിനും കഴിയുമെന്നും അമ്മക്ക് തോന്നണില്ല ….

എനിക്ക് ഒരുപാട് തെറ്റുകൾ പറ്റി പോയിട്ടുണ്ട് അമ്മേ ….എല്ലാം ഞാൻ ഇന്ന് തിരിച്ചറിയുന്നു ….ഇനി ഈ വാസുകിക്ക്  ആ പഴയ കാലത്തിലേക്ക് ഒരു മടക്കം ഉണ്ടാവില്ല …ആ പിന്നെ ഇപ്പൊ എന്റെ കൂടൊന്നു വന്നേ …

എങ്ങോട്ട് ?എന്താ മോളെ കാര്യം

അതൊക്കെ പറയാം ..ഇപ്പോ എന്റെ കൂടെ വാ …അവൾ അവരുടെ കൈയിൽ പിടിച്ചു വലിച്ചു കൊണ്ടു ഡൈനിങ്ങ് ഹാളിലേക് പോയി …

ഈ കുട്ടീടെ ഒരു കാര്യം …വിട് മോളെ ഞാൻ വന്നോളാം …

അവൾ അതൊന്നും കേൾക്കാതെ അവരെ കൈയിൽ പിടിച്ചു കൊണ്ടു പോയി ഡൈനിങ്ങ് ടേബിളിലെ ചെയറിൽ   ഇരുത്തി …

മോളിതെന്താ ഈ കാണിക്കുന്നേ …

കാണിക്കാൻ പോണേ ഉള്ളൂ …തൽക്കാലം എന്റെ ശാരദ കുട്ടി അവിടെ ഇരിക്കു..അവൾ അവർക്കു മുന്നിൽ ഇലയൊക്കെ ഇട്ട് അതിൽ ചോറും കറികളും വിളമ്പി …അവർ അവളുടെ മുഖത്തേക്ക് നോക്കി …

എന്താ ഇങ്ങനെ നോക്കുന്നെ ?

ഹേയ്യ് ഒന്നൂല്ല …അവരുടെ കണ്ണിൽ നനവ് പടർന്നു …

വാസുകി അവരുടെ അടുത്തായി വന്നിരുന്നു …അവരുടെ രണ്ടു കൈകളും അവളുടെ രണ്ടു കൈകൾ കൊണ്ടു കൂട്ടി പിടിച്ചു ..

ഞാൻ ഈ വീട്ടിൽ വന്നു ആദ്യമായി ചെയ്ത തെറ്റ് ….അതെനിക്ക് തിരുത്തണം ..അമ്മ എന്നോട് ഷെമിക്കില്ലേ ?

എന്താ മോളെ ഇത് …ഇതൊക്കെ ഇപ്പോഴും ഓർത്തു വെച്ചിരിക്കുകയാണോ ?ഞാൻ അതൊക്കെ അപ്പഴേ മറന്നു കഴിഞ്ഞ കാര്യമാ …എനിക്ക് അതിൽ മോളോട്  ഒരു ദേഷ്യവും തോന്നിട്ടില്ല …അത് ഓർത്തു കുട്ടിക്ക് ഒരു തരത്തിലുള്ള സങ്കടവും വേണ്ട …അവർ അവളുടെ നെറുകിൽ തലോടി കൊണ്ടു പറഞ്ഞു …