ഹൃദയരാഗം 16 [Achu Siva] 867

എനിക്ക് ഒരു ഐസ് ഒരതി വാങ്ങി തരുമോ ?

ഇടതു കണ്ണ് അടച്ചു പിടിച്ചു ചെറിയ പിള്ളേരെ പോലെ കെഞ്ചിക്കൊണ്ടു  “ഒരെണ്ണം പ്ലീസ് ” എന്ന ഭാവത്തിൽ അവൾ നിന്നു …

അവളുടെ നിൽപ്പും ഭാവവും കണ്ടു പൊട്ടി വന്ന ചിരി അയാൾ കടിച്ചു പിടിച്ചു …

ടീ ,നിനക്ക് ഈ ഒറ്റ ചിന്ത മാത്രേ ഉള്ളോ …കുറച്ചു മുൻപല്ലേ ഒരു വലിയ യുദ്ധം കഴിഞ്ഞത് ..

ഓ പിന്നെ ..വാങ്ങി തരാൻ വയ്യെങ്കിൽ അത് പറഞ്ഞാൽ പോരെ …ഒരു പെൺകുട്ടി മുന്നിൽ നിന്നു ഇത്രയൊക്കെ കെഞ്ചിയിട്ടും വാങ്ങി തരാൻ കാണിക്കാത്ത ആ മനസ്സുണ്ടാലോ …ഹോ ദൈവദോഷം കിട്ടും …നോക്കിക്കോ …

കിട്ടിക്കോട്ടേ ,ഞാൻ സഹിച്ചു …

ഹും എന്തൊരു മനുഷ്യൻ ഇത് ….ചോദിച്ച എന്നെ പറഞ്ഞ മതിയല്ലോ …അവൾ കെറുവോടെ മുഖം തിരിച്ചു അവിടെ തന്നെ നിന്നു …

വിനയ് തന്റെ ചിരി അടക്കാൻ പ്രയാസപ്പെട്ട് അവിടെ നിന്നു  പോയി ..വാസു അവിടെ തന്നെ കൈ കെട്ടി തിരിഞ്ഞു നിന്നു ….

വാസുകി …

അവൾ തിരിഞ്ഞു നോക്കി …

ഇനി ഇതിന്റെ പേരിൽ എനിക്ക് ഒരു ദൈവകോപം കൂടെ താങ്ങാൻ വയ്യാ …ദാ കഴിച്ചോ …വിനയ് അയാളുടെ കൈയിലിരുന്ന ഐസ് ഒരതി അവൾക്കു നേരെ നീട്ടി …

അവളുടെ മുഖം സന്തോഷം കൊണ്ടു വിടർന്നു …അവൾ അത് കൈ നീട്ടി വാങ്ങി …

ആ പിന്നെ വേഗം കഴിച്ചിട്ട് വാ …ഞാൻ കാറിൽ വെയിറ്റ് ചെയ്യാം …

ആ കാര്യം ഞാൻ ഏറ്റു …മാഷ് വിട്ടോ …അവള് കൈ കൊണ്ടു പൊയ്ക്കോ എന്ന് കാണിച്ചു കൊണ്ടു പറഞ്ഞു ..

എടി ….

അല്ല വിനയേട്ടൻ പൊയ്ക്കോളൂ ,ഞാൻ ദാ വരണു …

വിനയ്  ഒരു ചെറു പുഞ്ചിരിയോടെ അവിടെ നിന്നും നടന്നു പോയി …

അയാളെ പിന്തുടർന്ന് പോയ അവളുടെ കണ്ണുകൾ ചെറുതായി ഈറനണിഞ്ഞു ..

തിരികെ വരും വഴി അവർ പുറത്തു നിന്നും ഭക്ഷണവും കഴിച്ചു ….അതും വാസുകിയുടെ നിർബന്ധം ..

രാവിലെ മുതൽ എല്ലാം അവളുടെ ഇഷ്ടത്തിനാണല്ലോ നടക്കുന്നത് …അപ്പൊ പിന്നെ അതായിട്ട് കുറയ്‌ക്കേണ്ട എന്ന് കരുതി  വിനയ് കമ എന്നൊരക്ഷരം എതിർത്തു പറഞ്ഞില്ല ….പറഞ്ഞിട്ട് ഒരു കാര്യോം ഇല്ല എന്നത് മറ്റൊരു സത്യം …..