ശ്രീരാമജയം 61

ഉദാത്തമായ ചിന്ത. പക്ഷേ പുരാണേതിഹാസങ്ങളെ അതിന്റെ പൗരാണിക അർത്ഥതലങ്ങളേയും കാലഘട്ടത്തേയും കൂടി മനസ്സിലാക്കി വായിച്ചാൽ രാമൻ ഉത്തമപുരുഷൻ തന്നെയാണ്. എന്നാൽ ആധുനിക കാലഘട്ടവുമായി താരതമ്യം ചെയ്താൽ അതായത് ഇന്നത്തെ നിയമ വ്യവസ്ഥിതിയുമായി തുലനം ചെയ്യുന്നതിനാലാണ് രാമൻ ഉത്തമ പുരുഷനല്ലാതാക്കുന്നത്. ആധുനിക ഇസങ്ങളുടേയും സെമറ്റിക് മത ചിന്തകളുടെ അതിപ്രസരണങ്ങൾ കൊണ്ടും ദലിത് പിന്നാക്ക പക്ഷ ചിന്തകരുടേയും ചില രാഷ്ട്രീയ ഗൂഡ ലക്ഷ്യങ്ങളാലും രാവണൻ ഉത്തമനാകുന്നു. ആകെ മൊത്തത്തിൽ നോക്കിയാൽ അതിലെ കഥാതന്തു മനുഷ്യ മനസ്സുകളുടെ വികാരവിചാരങ്ങൾ തന്നെയാണ്. രാവണൻ പണ്ഡിതേ ശ്രേഷ്ഠൻ തന്നെയാണ്. അസ്ത്ര ശസ്ത്ര ശാസ്ത്രങ്ങളുടെ മൂർദ്ധന്യ ഭാവം തന്നെയായിരുന്നു. രാവണൻ വീഴുന്നത് അതും സ്വസഹോദരന്റെ ചതിയിലൂടെ തന്നെ. ആ സമയവും രാമൻ സഹോദരൻ ലക്ഷ്മണനെ കൊണ്ട് രാവണന്റെ കാലടികളിൽ സാഷ്ടാംഗം പ്രണമിച്ച്‌ ശിഷ്യനാകാൻ പ്രേരിപ്പിച്ച് കല്പിക്കുകയും രാവണന്റെ അറിവുകൾ നേടുകയും ചെയ്തതായും പറഞ്ഞിട്ടുണ്ട്. പഠിക്കുന്നവന്റെയും പഠിതാവിന്റെയും വീക്ഷണ മനുസരിച്ചായിരിക്കും ആരാണ് ഉത്തമപുരുഷൻ എന്ന് നിർണ്ണയിക്കപ്പെടുക. ഈ കാലഘട്ടത്തിന്റെ ആവശ്യത്തിനനുസരിച്ച് പണ്ഡിതർ രാമായണത്തിന്റെ അന്തസത്ത വിശദീകരിക്കുന്നതും ഒക്കെ കേട്ടാൽ രാമൻ തന്നെയാണ് മാതൃക എന്ന് എന്റെ മതം. ഈ കള്ള കർക്കിടകത്തിൽ രാമായണ മാസം ആയി ആചരിക്കുന്ന സമയത്ത് ഇങ്ങനെയൊരു ചിന്തയ്ക്ക് പ്രസക്തിയുണ്ട്. എല്ലാ തലങ്ങളിലുമുള്ള ചിന്താധാരകളെ തുലനം ചെയ്ത് നല്ലത് മാത്രം എന്ന് അവനവന് തോന്നുന്നത് മറ്റൊരുവന് ഉപദ്രവമാകാതെ സ്വീകരിക്കുക. ഇതു പോലെയുള്ള ചിന്തകൾ പലർക്കും പലതും പഠിക്കുവാനുള്ള ഉത്തേജനം ആകും. വീണ്ടും വരിക ഇടയ്ക്കിടെ ഇത്തരം ചിന്താശകലങ്ങളുമായി ആശംസകൾ. ഈ രാമായണ മാസം മാനവന്റെ മനസ്സിലെ ദുഷിപ്പ് എന്ന “രാ ” അതായത് ഇരുട്ട് മാഞ്ഞു പോയി വെളിച്ചം ഉണ്ടാകട്ടെ എന്ന് കൂടി ആശംസിക്കുന്നു.