ശ്രീധരന്റെ ശ്രീദേവി – Part 1 (Santhosh Nair) 1010

————- പൊതു വിജ്ഞാനത്തിലേയ്ക്കായി —-

നാട്ടിൽ നല്ല പേരും വിലയും ധനസ്ഥിതിയും ഒക്കെയുള്ള ശ്രീധരൻ എല്ലാവര്ക്കും പ്രിയപ്പെട്ടവനാണ്. മാതാപിതാക്കൾക്ക് ഒറ്റമകൻ. ഏക്കറുകളോളം കൃഷി സ്ഥലമുണ്ട്. നെൽപ്പാടം കുറച്ചേയുള്ളൂ – നല്ല നെല്ലുകുത്തരി കഴിയ്ക്കണം എന്ന ആഗ്രഹം ഉള്ളതിനാൽ വാങ്ങിയതാണ്. പിന്നെ നിറയെ എരുമകളും പശുക്കളുമൊക്കെ യുള്ള ഒരു വലിയ പറമ്പ് (ഫാം എന്നു വിളിച്ചോളൂ) വേറെയുണ്ട്.

CA കമ്പ്ലീറ്റ് ചെയ്തിട്ടു CMA CS രണ്ടും ചെയ്തു. കൂടാതെ ഒരു ബിസിനസ് സ്കൂളിൽ നിന്നും MBA ഫിനാൻസ് റാങ്കോടെ പാസ്സായി. കൂട്ടത്തിൽ അഞ്ചു വർഷത്തോളം ഒരു MNC ബാങ്കിന്റെ CFO ആയിട്ടു ചെന്നൈയിൽ ജോലിചെയ്തു. ജോലി സംബന്ധമായി നിരവധി വിദേശയാത്രകളും നടത്തിയിട്ടുണ്ട്. അസൂയാവഹമായ ക്യാരീർ.

എട്ടക്ക ശമ്പളം ശമ്പളം വാങ്ങി ചെന്നൈയിൽ താമസിച്ചു ജോലി ചെയ്യുമ്പോൾ ആണ് അച്ഛന് സുഖമില്ലാതെ ആയത്. അതുകൊണ്ടു ജോലി മതിയാക്കി കഴിഞ്ഞ ആറു മാസങ്ങളായി പ്രൊഫെഷൻ പാഷൻ ഇവരണ്ടും ഫിനാൻസിൽ നിന്നും കൃഷിയാക്കി.

തിരികെ നാട്ടിൽ വന്നയുടനെ കുറച്ചു കൂടി സ്ഥലം വാങ്ങി കൃഷി വിപുലീകരിച്ചു. കൊക്കോ, റബര്, കാപ്പി, കപ്പ, കുരുമുളക്, മഞ്ഞൾ, ഇഞ്ചി, കൂവ, വാഴ, പിന്നെ പലവക പച്ചക്കറികൾ അങ്ങനെ മിശ്ര / കടും കൃഷിയാണ്.

കൃഷി ഭവനിൽ നിന്നും വന്നവർ കുളത്തിൽ മത്സ്യം താറാവ് ഒക്കെ വളർത്താൻ പറഞ്ഞു – നാടൻ കോഴിയും. നല്ല സ്കോപ്പ് ഉള്ളതാണത്രേ. ഇറച്ചിയ്ക്കായും മുട്ടയ്ക്കായും വളർത്തൽ ഉള്ള വേണ്ടാ എന്നു വെച്ചു. നാലഞ്ചു പോരുകോഴികൾ (പൂവങ്കോഴികൾ), ഖൽഗങ്ങൾ ഒക്കെ ഉണ്ട്, കൃഷി സ്ഥലത്തെ പുഴു ശല്യം ഒരു പരിധിവരെ കുറയ്ക്കാൻ അവ സഹായിയ്ക്കും. കുളത്തിൽ മീനുകളും ഉണ്ട് – ഒരു രസത്തിനായി വളർത്തുന്നു.

പിന്നെ ഫാമിന്റെ സംരക്ഷണത്തിനൊക്കെയായി നല്ല അഞ്ചു നാടൻ നായ്ക്കളെ വളർത്തുന്നുണ്ട്. ഒത്തിരി മരങ്ങൾ, കുറ്റിക്കാടുകൾ, പുല്ലു വളർത്തൽ ഒക്കെ ഉള്ളതുകൊണ്ട് കുറുക്കന്മാർ, കീരി ഇവയുടെ ശല്യം ഉണ്ട്. നായകൾ എപ്പോഴും ഫാമിനു ചുറ്റും റോന്തു ചുറ്റിക്കൊള്ളും. മറ്റു ശല്യങ്ങൾ ഇല്ല.

മുണ്ടക്കയത്തുള്ള കർഷക ഫ്രണ്ട് ജോർജു മത്തായിയുടെ ഫാർമിൽ ഉള്ള ഒരു നായകളുടെ കുട്ടികൾ ആണിവ. കൊമ്പ, ചിപ്പിപ്പാറ ഇനത്തിലുള്ള നാടൻ വേട്ട നായകളും നാടൻ നായയും. ഇവർ കോട്ടയത്ത് വെച്ച് നടന്ന ഒരു കാർഷിക സമ്മേളനത്തിൽ വെച്ചു പരിചയപ്പെട്ടവർ ആണ്.

——————– Reference:

https://en.wikipedia.org/wiki/Kombai_dog

https://en.wikipedia.org/wiki/Chippiparai

https://en.wikipedia.org/wiki/Indian_pariah_dog

————–

നടപ്പു പെട്ടെന്നു തീർത്തു തിരികെ വന്നു പ്രാഥമിക കൃത്യങ്ങൾ നിർവഹിച്ചു കുളിച്ചു റെഡിയായി വന്നു. പണ്ട് മുതലേ മുണ്ടാണ് കൂടുതൽ ഇഷ്ടം. ജീൻസ്‌ ധരിക്കാറേയില്ല. ജോലി ചെയ്യുമ്പോൾ ഒക്കെ സ്യൂട് പാന്റ്സ് ഒക്കെ ധരിക്കുമായിരുന്നു. ഇപ്പോൾ അതൊന്നും വേണ്ടല്ലോ.

ക്രീം കളർ ഷർട്ടും അതെ കളർ വേഷ്ടിയും കെട്ടി താഴേയ്ക്കിറങ്ങി വന്നപ്പോൾ മുൻപിൽ അമ്മ.