വസന്തം പോയതറിയാതെ -12 [ദാസൻ] 470

എന്റെ മോളെ വേദനിപ്പിച്ചിട്ട് ഞങ്ങൾ എങ്ങും പോകുന്നില്ല. ”

ഇങ്ങനെ സംസാരിച്ചുകൊണ്ടിരിക്കുന്നതിനിടയിൽ മുരുകൻ അങ്കിൾ കാപ്പി റെഡിയായിട്ടുണ്ട് എന്ന് അറിയിച്ചു. ഞങ്ങളെല്ലാവരും കാപ്പി കുടിക്കാൻ താഴേക്ക് ചെന്നു. അതിനിടയിൽ വല്യച്ഛന്റെ ഫോണിൽ അച്ഛൻ വിളിച്ചു. അച്ഛൻ അവിടെയെത്തിയെന്നും ആ കുട്ടി അപകടനില തരണം ചെയ്തിട്ടില്ല എന്നും അറിയിച്ചു. അമ്മ അപ്പോൾ തന്നെ തൃശ്ശൂർ ജില്ലാ കളക്ടറെ വിളിച്ചു. അപ്പോൾ അവർക്ക് കുട്ടിയുടെ പേര് അറിയണമെന്ന് പറഞ്ഞു.

” ഏട്ടാ. ആ കുട്ടിയുടെ പേരൊന്നു ചോദിച്ചറിയു ”

വലിയച്ഛൻ ഉടൻതന്നെ അച്ഛനെ വിളിച്ച് കുട്ടിയുടെ പേര് ചോദിച്ചു, അത് അമ്മയോട് പറയുകയും ചെയ്തു. അമ്മ ഉടനെ തന്നെ തൃശ്ശൂർ കളക്ടർ വിളിച്ചു വിവരം പറഞ്ഞു. എന്ത് അടിയന്തര സഹായം ആണെങ്കിലും പെട്ടെന്ന് എത്തിക്കണമെന്നും പറഞ്ഞു. കുട്ടിയുടെ അവസ്ഥ അപ്പോഴപ്പോൾ അറിയിക്കണമെന്നും പറഞ്ഞു. പിന്നീടുള്ള ഓരോ മണിക്കൂറുകളിലും അമ്മയുടെ ഫോൺ ശബ്ദിച്ചുകൊണ്ടേയിരുന്നു. രാത്രി 11 മണിക്ക് ശേഷം അമ്മയുടെ ഫോൺ ബെല്ലടിച്ചു. ആമോൻ അപകടനില തരണം ചെയ്തു എന്നുള്ള സന്തോഷ വാർത്ത കിട്ടി. ഏകദേശം അരമണിക്കൂർ കഴിഞ്ഞപ്പോൾ ഞങ്ങളുടെ കോട്ടേജിന്റെ വാതിലിൽ മുട്ടുകേട്ടു, അച്ചുവാണ് വാതിൽ തുറന്നത്. അച്ഛൻ ഇല്ലാത്തതുകൊണ്ട് അച്ചു ഞങ്ങളുടെ കോളേജിലേക്ക് വന്നു. വല്യച്ഛൻ, ആ സന്തോഷവാർത്ത അറിയിക്കാനാണ് വന്നത്. അച്ഛൻ വിളിച്ചിട്ട് ഉണ്ടായിരുന്നു. വല്യച്ഛന് അറിയില്ലല്ലോ അമ്മയ്ക്ക് ഫോൺ വന്ന വിവരം. അതിരാവിലെ തന്നെ അമ്മയും അമ്മമ്മയും റെഡിയായി. അതുകണ്ടു അച്ഛമ്മ അമ്മയോട്

” നിങ്ങൾക്ക് ഇന്ന് തന്നെ പോണോ “