വസന്തം പോയതറിയാതെ -12 [ദാസൻ] 469

എന്റെ ജീവിതം ഇങ്ങനെ ആയത് ഈ മഹതി കാരണമാണല്ലോ, എന്തെല്ലാം അനുഭവിച്ചു. അതൊന്നും ഓർക്കാതിരിക്കുന്നതാണ് നല്ലത്. ഞാൻ ഒഴിച്ച് മറ്റുള്ളവരും ആയിട്ട് നല്ല അടുപ്പമാണ്, എപ്പോഴും ഏട്ടത്തിയുടെ പുറകെ ഉണ്ട്. പഴയ സ്വഭാവത്തിൽ എന്തൊക്കെയോ മാറ്റങ്ങൾ സംഭവിച്ചിട്ടുണ്ട്, ഗർവ്വോ അഹങ്കാരമോ ഇപ്പോൾ ഇല്ല എന്ന് തോന്നുന്നു. പാചകത്തിലൊക്കെ നല്ല തന്മയത്വത്തോടെ പെരുമാറുന്നു, അമ്മയുടെ പുറകെ മോളും ഉണ്ട്. മോളോടുള്ള പെരുമാറ്റം ഒരു അമ്മയുടെ കരുതലുണ്ട്. അടുത്ത തന്ത്രവുമായി ഇറങ്ങിയിരിക്കുകയാണോ എന്തോ, എന്റെ മോളെ എന്നിൽ നിന്നും അകറ്റാൻ മെനയുന്ന തന്ത്രങ്ങൾ ആണോ ഇതൊക്കെ. അവസാനം ആളെ വിട്ട് തല്ലി റോഡിൽ ഇട്ടിട്ടു പോകുമ്പോൾ ആ കണ്ണിൽ അപ്പോഴും ഒരു പക എരിയുന്നുണ്ടായിരുന്നു. എന്തായാലും സൂക്ഷിക്കണം അന്നും, മറ്റുള്ളവരോട് സ്നേഹം നടിച്ചു നിന്നുകൊണ്ട് ഞങ്ങളെ ട്രാപ്പിൽ പെടുത്തുകയായിരുന്നു. അതുകൊണ്ട് ഈ സ്നേഹം വിശ്വസിക്കാൻ കഴിയുന്നില്ല. പാചകത്തിൽ സഹായിക്കാൻ എട്ടത്തിയോടും മോളോടും ഒപ്പം എപ്പോഴും കളക്ടർ സാർ ഉണ്ടായിരുന്നു. രാത്രി ഒരുപാട് വൈകിയാണ് ശരിക്ക് പറഞ്ഞാൽ നേരം വെളുത്ത് തുടങ്ങുമ്പോഴാണ് ഒന്നു നടുവ് നിവർത്താൻ പോയി കിടന്നത്. ഇനിയും രണ്ടുമൂന്ന് കൂട്ടംകൂടി പാചകം ചെയ്യാനുണ്ട് അതുകൊണ്ട്, പരപര വെളുക്കുന്നതിന് മുൻപ് ഏട്ടത്തി വന്നു വിളിച്ചു. കളക്ടറും അമ്മയും മോളും ഒരേ മുറിയിലാണ് കിടന്നത്. ഏട്ടത്തി വിളിക്കുന്നത് കേട്ട് കളക്ടർ ഓടിയെത്തി എന്നാലും, ഞാനാണ് വാതിൽ തുറന്നത്. ഞാൻ മുഖമൊക്കെ കഴുകി ഇറങ്ങിയപ്പോൾ പുറകെ ഏട്ടത്തിയോടൊപ്പം കളക്ടർ സാറും കൂടി. ചേട്ടത്തി പലപ്പോഴും ഞങ്ങൾക്കുവേണ്ടി ഒഴിഞ്ഞുതന്നിരുന്നു. ഞാൻ അപ്പോഴും അവിടെനിന്ന് എങ്ങനെയെങ്കിലും തെന്നി മാറുമായിരുന്നു. എല്ലാവർക്കും, ഞങ്ങളെ ഇപ്പോൾ കൂട്ടിയോജിപ്പിച്ചാൽ കൊള്ളാമെന്നുണ്ട് എന്ന് തോന്നിപ്പിക്കുന്ന തരത്തിലുള്ള പ്രവർത്തികളാണ്. ഓണം ആയതു കൊണ്ട് രാവിലെ എല്ലാവരും കുളിച്ചു വന്നപ്പോൾ ഞങ്ങൾ മൂന്നു പേരും കുളിക്കാൻ ആയിപ്പോയി. ഞങ്ങൾ പോന്നതിന് പുറകെ മോളും വന്നു, അമ്മയുടെ പുറകെ പോയി. കുളി കഴിഞ്ഞുവന്ന് അജിത്ത് ചോദിച്ച പേപ്പർ ഹാളിലെ ഷെൽഫിൽ തിരഞ്ഞു കൊണ്ടിരിക്കുമ്പോൾ പെട്ടെന്നാണ് എന്റെ കണ്ണ്, മോളുടെയൊക്കെ മുറിയുടെ വാതിൽക്കലേക്ക് തിരിഞ്ഞത്. അതിശയിച്ചു പോയി ഞാൻ, ഏതോ അപ്സരസ്സ് ഭൂമിയിലേക്ക് ഇറങ്ങിവന്നതുപോലെ, കളക്ടർ സർ. ഒരു നിമിഷം എന്റെ വായ് തുറന്നു പോയോ? പെട്ടെന്ന് സ്ഥലകാലം വീണ്ടെടുത്തു. ആ പഴയ സൗന്ദര്യത്തിന് ഇപ്പോഴും ഒരു കുറവും തട്ടിയിട്ടില്ല. അവർ അമ്മയും മകളും പുറത്തേക്ക് പോകുന്നവഴി എന്നെ ഒന്ന് തിരിഞ്ഞു നോക്കി, ഞാൻ അപ്പോഴും നോക്കി നിൽക്കുകയായിരുന്നു.മോൾക്ക് നല്ല സെലക്ഷൻ ഉണ്ട്, അമ്മക്ക് സെലക്ട് ചെയ്ത സാരി നല്ല ചേർച്ചയുണ്ട്, ശരീരത്തോട് ഇഴുകി ചേർന്നു കിടക്കുന്നു. കുറച്ചുകഴിഞ്ഞ് എല്ലാവരും ഡൈനിങ് റൂമിൽ ഒത്തുചേർന്നു ബ്രേക്ക് ഫാസ്റ്റ് കഴിച്ചു. രണ്ട് അമ്മമാർക്കും അച്ഛനും അമ്പലത്തിൽ പോകണമെന്നുണ്ടായിരുന്നു അതിനുള്ള സൗകര്യം, അടുത്തൊന്നും ഇല്ലാത്തതിനാൽ ആ ഉദ്യമം വേണ്ടെന്നുവച്ചു. എല്ലാവരും ഒരുമിച്ചിരുന്നു കളിയും തമാശയുമായി ഞാൻ, അണ്ണന്മാരുടെ കൂടെ സദ്യക്കുള്ള ചുറ്റുവട്ടങ്ങൾ ഒരുക്കുന്ന കാര്യങ്ങൾ നോക്കി നടന്നു, ഞാൻ അങ്ങോട്ടുമിങ്ങോട്ടും നടക്കുമ്പോൾ കളക്ടർ നോക്കുന്നുണ്ട്. ഭക്ഷണം കഴിക്കുന്നതുവരെ ആ സദസ്സ് തുടർന്നു. ഭക്ഷണത്തിനു മുമ്പായി കൈകൊട്ടിക്കളിയുടെ ആളുകൾ എത്തി. സദ്യക്ക് എന്നെയും കലക്ടറെയും ഒരുമിച്ചിരുത്തൻ നോക്കി ഞാൻ തന്ത്രത്തിൽ വലിഞ്ഞു.