രുധിരാഖ്യം-7 [ചെമ്പരത്തി] 357

കൈവെച്ചു കൊണ്ട് അവൾ അവന്റെ മുഖത്തേക്ക് തന്നെ മിഴി നട്ട് നിന്നെങ്കിലും  ഏഥൻ അതൊന്നും ശ്രദ്ധിക്കാതെ വ്യാളി തന്റെ തല പിൻവലിക്കുന്നുണ്ടോ എന്ന് മാത്രമായിരുന്നു നോക്കിക്കൊണ്ടിരുന്നത്.

ഇടയ്ക്കെപ്പോഴോ അവരെക്കാൾ വലിപ്പമേറിയ ഒരു മത്സ്യം മിന്നൽപോലെ അവളുടെ തൊട്ടടുത്തു കൂടെ മുകളിലേക്ക് പോയതോടെ അവൾ ഒന്ന് ഞെട്ടി കൊണ്ട് അവനിലേക്ക് ഒന്നുകൂടി ചേർന്നുനിന്നു. ഞൊടിയിടയിൽ ആ മീനിനെ വായിൽ ആക്കിയ വ്യാളി തന്റെ തല ഉയർത്തിയതോടെ ഏഥൻ പതിയെ ഇന്ദുവിന്റെ മേലുള്ള തന്റെ പിടുത്തം അയച്ചെങ്കിലും അവൾ തന്റെ പിടിവിടാൻ  മടിച്ചു നിന്നു.

മാവികയിലൂടെ അവളിലേക്ക് പകർന്നു കിട്ടിയ പ്രത്യേകത മൂലം ആയിരിക്കണം,ഇന്ദുവിന് ശ്വാസം  വലിക്കാതെയും നിൽക്കാൻ പറ്റുന്നുണ്ടായിരുന്നുവെങ്കിലും ഏഥന്റെ അവസാന പിടുത്തവും വിട്ടിരുന്നു. നെഞ്ച് പൊട്ടി പോകും പോലെ തോന്നിയ അവൻ അവളുടെ കൈ തട്ടി മാറ്റി പതിയെ മുകളിലേക്ക് ഉയരാൻ തുടങ്ങുമ്പോഴേക്കും വ്യാളി വീണ്ടും വെള്ളത്തിനടിയിലേക്ക് തന്റെ തലതാഴ്ത്തി.

ഒന്ന് ഞെട്ടിയ ഏഥൻ വീണ്ടും പഴയതുപോലെ തന്നെ നിന്നെങ്കിലും അവന്റെ കണ്ണുകൾ ശ്വാസംമുട്ടി മിഴിഞ്ഞു തുടങ്ങിയിരുന്നു. ഇന്ദുവിനെ പിടിച്ചിരുന്ന അവന്റെ കൈകൾ പതിയെ അയഞ്ഞു തുടങ്ങി.

അത് ഞൊടിയിടയിൽ മനസ്സിലാക്കിയ ഇന്ദു വീണ്ടും തന്റെ അധരങ്ങളെ അവന്റെ അധരങ്ങളുമായി കോർത്തുകൊണ്ട് തന്നിൽ നിറഞ്ഞിരുന്ന ശ്വാസം