രുധിരാഖ്യം-7 [ചെമ്പരത്തി] 357

അതിന്റെ കാഴ്ചയിൽ പെടാതെ എങ്ങോട്ടെങ്കിലും മറഞ്ഞു നിൽക്കാൻ കഴിയുന്ന സ്ഥലം ഉണ്ടോ എന്ന് ഏഥൻ ചുറ്റോടു ചുറ്റും നോക്കി കൊണ്ടിരിക്കുന്നതിനിടയിൽ തന്നെ ചുറ്റുമുള്ള സ്ഥലങ്ങളെ വ്യക്തമായി കാണാൻ വേണ്ടി ഇന്ദു പതിയെ എഴുന്നേറ്റ് നിന്നതോടെ  ഇരുവരും വ്യാളിയുടെ കണ്ണിൽപെട്ടു.

ഒന്ന് തലനീട്ടി മണം പിടിച്ച ആ ജന്തു അടുത്ത നിമിഷം അവർക്ക് നേരെ പാഞ്ഞടുത്തു. കടുത്ത പുകമഞ്ഞിനുള്ളിൽ നിന്ന് അത് പുറത്ത് എത്തിയതോടെ അവർ കണ്ടു അതിന്റെ നിറം ചുവപ്പ് ആയിരുന്നു എന്നത്. തലയിൽ രണ്ട് വെളുത്ത കൊമ്പുകളും അടിത്താട മുതൽ നെഞ്ചോളം എത്തുന്ന ഭാഗത്ത് സ്വർണ്ണ നിറവും ആയിരുന്നു അതിന് ഉണ്ടായിരുന്നത്.

അവർ, തങ്ങൾക്ക് നേരെ പാഞ്ഞടുക്കുന്ന ആ മൃഗം തന്റെ വലിയ ചിറകുകൾ വിരിക്കുന്നത് കണ്ടതോടെ ഏഥൻ ഇന്ദുവിനെയും കൊണ്ട് തണുത്തുറഞ്ഞ ജലത്തിലേക്ക് കുതിച്ചു.

ഞൊടിയിടയിൽ അവർ കിടന്ന പാറക്കല്ലിലേക്ക് വന്നിരുന്ന വ്യാളി തന്റെ നീണ്ട തലയും കഴുത്തും കൂടി വെള്ളത്തിനടിയിലേക്ക് താഴ്ത്തി. ഒരു തിളക്കം താഴ്ന്നു വരുന്നത് കണ്ട ഏഥൻ അപകടം മനസ്സിലാക്കി ഇന്ദുവിനെയും കൊണ്ട് ആകും പോലെ വേഗത്തിൽ അടിയിലേക്ക് ഊളിയിട്ടു.

വെള്ളത്തിനടിയിൽ ഒരു മേൽക്കൂര പോലെ പുറത്തേക്ക് തള്ളി നിന്നിരുന്ന പാറക്കല്ലിന് അടിയിലേക്ക് ഏഥൻ കയറി നിന്നശേഷം ഇന്ദുവിനെ, അവളുടെ അരക്കെട്ടിനു ചുറ്റും ചുറ്റിപ്പിടിച്ചു തന്നോട് ചേർത്ത് നിർത്തി. അവന്റെ ഇരുകൈകളിൻമേലും