രാക്ഷസൻ?5[hasnuu] 321

രാത്രി ഫുഡ്‌ കഴിക്കാൻ വേണ്ടി അച്ഛനും അമ്മയും മാറി മാറി എന്നെ വിളിച്ചെങ്കിലും തലവേദന ആണെന്ന് പറഞ്ഞ് ഞാൻ ഒഴിഞ്ഞു മാറി……

ഓരോ നിമിഷവും അവന്റെ ഓർമകൾ എന്നെ വേട്ടയാടുകയാണ്……

ഇങ്ങനെ പോയാൽ മിക്കവാറും ഋഷി പറഞ്ഞത് പോലെ ഭ്രാന്തിനുള്ള ഗുളിക കുടിക്കേണ്ടി വരും…..

സമയം 10 മണി കഴിഞ്ഞു ഇതുവരെ ആ കോന്തൻ ഒന്ന് വിളിച്ചിട്ടു കൂടി ഇല്ല…..

ബ്ലഡി റാസ്കൽ കെട്ട്യോൻ….

തലക്കൊരു ഭാരം പോലെ തോന്നിയപ്പോൾ ഒന്ന് കുളിച്ചു ഫ്രഷ് ആവാൻ വേണ്ടി ബാത്റൂമിലേക്ക് കയറി…

കുളി കഴിഞ്ഞിറങ്ങിയപ്പോഴാണ്

അവന്റെ ആ രഹസ്യ റൂമിനെ കുറിച്ച് ഓർമ വന്നത്….

അത് തുറക്കണോ അതോ നാളെ എക്സാമിനുള്ളത് പഠിക്കണോ എന്നുള്ള കൺഫ്യൂഷനിൽ കുറച്ച് നേരം നിന്നെങ്കിലും,,,,, ആ റൂം തുറക്കാതെ എന്റെ തലയിലോട്ട് ഒന്നും കയറില്ല എന്ന് എനിക്ക് തന്നെ അറിയാവുന്നത് കൊണ്ട് മറ്റൊന്നും ചിന്തിക്കാതെ ഞാനാ റൂം ലക്ഷ്യമാക്കി നടന്നു…..

അതിന്റെ കീ അവിടെയാകെ തിരഞ്ഞെങ്കിലും അങ്ങനെയൊരു സാധനം അവിടെ എവിടെയും എനിക്ക് കാണാൻ സാധിച്ചില്ല…..

അവസാന പ്രതീക്ഷ എന്നോണം വാതിലിൽ ഒന്ന് തപ്പി നോക്കിയതും അതിന്റെ മേലെ ഭാഗത്ത് നിന്ന് എന്തോ ഒന്ന് കയ്യിൽ തടഞ്ഞതും അതെന്താണ് എന്ന് അറിയാനായി അതിൽ ഒന്ന് തൊട്ടു നോക്കിയതും ‘കൂ….’ എന്നൊരു ശബ്ദത്താൽ അവിടെ ഒരു ചെറിയ അറ പ്രത്യക്ഷപെട്ടു…..

അതിലെന്താണ് എന്നറിയാനായി കാലുയർത്തി അതിലേക്ക് എത്തിച്ചു നോക്കിയതും അതിൽ സിൽവർ കളറിലുള്ള കീ കണ്ടിട്ട് ഞാൻ പെട്ടന്ന് തന്നെ അത് കയ്യിലെടുത്തു…..

അവന്റെ ഫിംഗർ പ്രിന്റ് ഒന്നും ചോദിക്കരുതേ ദൈവമേ എന്നും പ്രാർത്ഥിച്ച്,,,,,ഞാൻ കീ ഹോളിൽ കീ ഇട്ട് തിരിച്ചതും….. ക്ര്ര്ര്…..

എന്ന ശബ്ദത്താൽ വാതിൽ മലർക്കെ തുറന്നു വന്നു……

ആകെ ഇരുട്ട് മൂടി കിടക്കുന്ന റൂം കണ്ടതും എന്നിലൊരു ചെറിയ ഭീതി ഉടലെടുത്തു…..മുന്നിലേക്ക് നടക്കണോ പിന്നിലേക്ക് പോവണോ എന്നുള്ള സംശയത്താൽ കുറച്ച് നേരം അവിടെങ്ങനെ നിന്നെങ്കിലും,,,,

ഇതിനുള്ളിൽ എന്താണ് എന്നറിയാനുള്ള ആകാംഷ എന്നിൽ ആകെ നിറഞ്ഞതു കൊണ്ട് അതൊന്നും കാര്യമാക്കാതെ ഞാൻ ഉള്ളിലേക്ക് നടന്ന് അവിടെ കണ്ട സ്വിച്ചിൽ കയ്യമർത്തി…..