ഭ്രാന്തിക്കുട്ടി (അവസാന ഭാഗം )

Author :Hope

[ Previous Part ]

 

ഇത്രയും വൈകിയതിലാദ്യമേ എല്ലാരോടുമൊരു സോറി പറയുന്നു….

ഇതെഴുതാനെന്നെയൊരുപാട് സഹായിച്ച മണവാളനൊരു നന്ദിയും ❤…..

 

________________________________

 

 

എന്റെ നെഞ്ചിൽ ചാരിയിരുന്നു മുഖമെന്റെ നേരെ വെച്ചു കൊഞ്ചുന്ന ഭാവത്തിൽ അവളതു പറഞ്ഞപ്പോ പിന്നെയൊന്നും ചോദിക്കാൻ തോന്നിയില്ല പകരം അവളെയെന്നിൽ നിന്നും അടർത്തിമാറ്റി നേരെയിരുത്തി അവളുടെ മടിയിലേക്ക് കിടന്നു…..

 

വയലിനെ തഴുകി കടന്നു പോകുന്ന കാറ്റുമേറ്റെന്റെ പെണ്ണിന്റെ മടിയിൽ കിടന്നാവീടിന്റെ ഭംഗി ആസ്വദിച്ചിരിക്കുമ്പോഴും എന്റെ മനസ്സ് രണ്ടു വർഷം പിന്നിലുള്ള ഓർമകളിലൂടെ സഞ്ചാരിച്ചു കൊണ്ടിരിക്കുകയായിരുന്നു,

അവളെതിരക്കിയാ വീട്ടിലേക്കു ചെന്നയാ ദിവസത്തിലുണ്ടായ

സങ്കടത്തിലൂടെയും സന്തോഷത്തിലൂടെയുമൊരു റോളർകോസ്റ്റർ റൈഡിലെന്ന പോലെ…..

 

( തുടരുന്നു )

 

________________________________

 

പതിവുപോലെ കോളേജിനടുത്തുള്ള ചായക്കടയിൽ അശ്വിന്റെയും ബാക്കി കമ്പനിക്കാരുടെയും കൂടെ ചായയും പരിപ്പുവടയും കഴിച്ചിരുന്നപ്പോഴാണ് അത്ര പതിവില്ലാതെ റോഹന്റെ കോളു വരുന്നത്…..

 

“….റോഹാ പറയടാ….”

 

“…. എടാ നീയെവിടേ????…..”

 

“….. ഞാൻ ദേടാ കോളേജിന്റെ മുന്നിലുള്ള ചായക്കടേൽ….”

 

“…. ആ നീയിങ്ങനെ ചായ കുടിച്ചിരുന്നോ നിന്റെ പെണ്ണുമ്പിള്ള നിന്നെ കാണണംന്നു പറഞ്ഞവടേക്കെടന്നു കയറുപൊട്ടിക്കുന്നുണ്ടായിരുന്നു …..”

 

“…. ആര്????..”

 

“….എടാ നിന്റെ പെണ്ണ്…. നീയങ്ങോട്ടു ചെല്ലുന്നില്ല കാണുന്നില്ല മിണ്ടുന്നില്ലന്നൊക്കെ പറഞ്ഞു കരച്ചിലാരുന്നു……”