ഭ്രാന്തിക്കുട്ടി (അവസാന ഭാഗം )[Hope] 618

… ഓ അതൊന്നുമല്ല ചെക്കൻ കഞ്ചാവാ…..

അല്ല അതൊക്കെ വിട്…. ഞാൻ നിന്നോട് കുറെ നാളായിട്ടു ചോദിക്കുന്നൊയാ ചോദ്യത്തിനു നീയെനിക്കിപ്പോ ഉത്തരംതാ……”

 

“…. എത് ചോദ്യം???….”

 

“…. അന്നു നീ ബാംഗ്ലൂർക്കു പോകാനിറങ്ങിയിട്ടും എന്താ തിരിച്ചു വന്നേ???…..”

 

“…. ആ അപ്പൊ ഇത്രേം നേരം ഇതും ഓർത്തു കിടക്കുവാരുന്നല്ലേ???….”

 

“…. ഹ്മ്…”

 

“…. ആ ഉത്തരം വേണോ???…”

 

“…. വേണം…. നിനക്കെന്നെക്കാളും ഇഷ്ട്ടം അമ്മയോടും അച്ഛനോടുംമാരുന്നില്ലേ എന്നിട്ടും നീയെന്താ തിരിച്ചെനിക്കു വേണ്ടി വന്നതെന്നെനിക്കറിയണം….

നാല് കൊല്ലമായിട്ടു ചോദിക്കണതല്ലേ ഇനിയെങ്കിലും പറ…”

 

“…ഉം…. പറയാം…. അന്ന് ഞാനാ കാറിലിരുന്നപ്പോ കൊറേ ചിന്തിച്ചു…. എനിക്കെറ്റോം ഇഷ്ട്ടമുള്ളതച്ഛനേമമ്മയെയും തന്നെയാണ് പക്ഷെ എന്നെ ഏറ്റോം സങ്കടപ്പെടുത്തിയിട്ടുള്ളതും അവരു തന്നെയല്ലേ എന്ന്….”

 

“…. അങ്ങനെയാണേ ഞാനും നിന്നെ കൊറേ സങ്കടപ്പെടുത്തിയിട്ടില്ലേ???…

അന്നു നീ ചാവാൻ നോക്കിയതു പോലും ഞാൻ കാരണമല്ലാരുന്നോ????…”

 

“… അങ്ങനെ ചോദിച്ചാ അതും ഒരു കാരണമാരുന്നു എന്നാലും മെയിൻ കാരണമെനിക്കാരുമില്ലെന്നുള്ള തോന്നലായിരുന്നു…… പിന്നെ പന്ത്രണ്ടു കൊല്ലം കരയിപ്പിച്ചു പിന്നെ സ്നേഹിച്ചതാണോ വലുത് അതോ ഒന്നോ രണ്ടോ ദിവസം കരയിപ്പിച്ചിട്ട് പിന്നെയുള്ള നാല് കൊല്ലവുമെന്നെ സന്തോഷിപ്പിച്ചവനാണോ വലുതെന്നോടുതന്നെ ചോദിച്ചപ്പോ ഉത്തരം കിട്ടിയതേട്ടന്റെ പേരായിരുന്നു…. അന്നേരോം കുറെ ഞാനമ്മയോടും അച്ഛനോടും പറഞ്ഞു നോക്കി കേട്ടില്ല….

നമ്മളൊരുമിച്ചു ജീവിക്കാൻ തുടങ്ങിയാ അവര് സമ്മതിക്കുമെന്നെനിക്കു തോന്നിയപ്പോഴാ ഞാനിറങ്ങി വന്നത് പക്ഷെ അപ്പോഴുമെനിക്കു തെറ്റിപ്പോയി…..”

 

“…എന്തു തെറ്റിപ്പോയെന്നു???..

ആദ്യത്തെ കുറച്ചു ദിവസമല്ലേ അവർക്കും പ്രശ്നമുണ്ടായിരുന്നുള്ളു പിന്നെ വാശിമുഴുവൻ നിനക്കല്ലായിരുന്നോ???…

എന്നിട്ടാണോലോ രാത്രി മുഴുവനവരുടെ പേരും പറഞ്ഞു കരച്ചിലും…. ”

 

“….. മതി മതി….അതൊക്കെ മറന്നു കളയാന്നെത്ര വട്ടം പറഞ്ഞതാ…. പിന്നേമതോർത്തോണ്ടിരിക്കുവാണോ….”

 

“…. അല്ലാതെ പിന്നെ???…. നിനക്കങ്ങു മറക്കാൻ പറഞ്ഞാമതി ഒന്നാം ക്ലാസ്സിൽ കൊണ്ടേയാക്കിയ പിള്ളേരമ്മേനെ കാണണംന്നു പറഞ്ഞു കരയുമ്പോലെ രാത്രി മൊത്തമിരുന്നു കരഞ്ഞപ്പോഴൊക്കെ ഉറക്കമൊഴിച്ചിരുന്നതെല്ലാം കണ്ടിരുന്നതു ഞാനാ….”