ഭ്രാന്തിക്കുട്ടി (അവസാന ഭാഗം )[Hope] 618

അമ്മയോടും ചേച്ചിയോടും യാത്രയും പറഞ്ഞു ഞാനാവീട്ടിൽ നിന്നിറങ്ങി…..

അശ്വിന്റെ ബൈക്കിൽ നിന്നും പെട്രോളൂറ്റി റോഹന്റെ ബൈക്കിലോഴിച്ചു ഞാനുമവളുമാ ബൈക്കെടുത്തു….

അവന്മാരശ്വിന്റെ ബൈക്കു മെടുത്തു…..

രാത്രി നല്ല തണുപ്പത്തവളെയും പുറകിൽ വെച്ചു നല്ല സ്മൂത്തായ റോഡിലൂടെയുള്ള റൈഡോന്നാസ്വദിച്ചു വന്നപ്പോഴേക്കുമേതോ ഒരു കാറ് വന്നു വട്ടം വെച്ചു…..

 

“….. എവിടെ നോക്കിയാടാ നായിന്റെ മോനെ വണ്ടിയോടിക്കുന്നത്…..”

 

ഒരു നിമിഷം പഴക്കാതെ റോഹൻ വട്ടം വെച്ച വണ്ടിക്കാരനെ തെറിയും തുടങ്ങി….

ആ അവനെയും തെറ്റു പറയാൻ പറ്റില്ല ഹൈയിലിട്ടു കണ്ണീ തന്നെ വെട്ടവുമടിച്ചോണ്ടു വന്നതും പോരാ വണ്ടിക്കു വട്ടം കൂടി വെച്ചാ പിന്നെയെങ്ങാനാ തെറി പറയാതെയിരിക്കുന്നെ…..

 

തെറി കേട്ടിട്ടാണോ വണ്ടിയിൽ നിന്നുമാരോ ഇറങ്ങുന്നതും കണ്ടു…..

ഞങ്ങൾക്കു നേരെ നടന്നു വന്നെയാ രൂപമാരാണെന്നു മനസ്സിലായതു കുറച്ചും കൂടെ അടുത്തു വന്നപ്പോഴായിരുന്നു….

 

“… അച്ഛൻ…”

 

കാറ്റടിക്കുന്നപോലെയവളതു പറഞ്ഞതുമെന്റെ ശരീരത്തിലുമെവിടെയോക്കെയോ വിറക്കാൻ തുടങ്ങിയിരുന്നു….

 

വണ്ടിയിൽ വന്നതവളുടെ അച്ഛനാണെന്നു മനസ്സിലായിയതും വണ്ടി സ്റ്റാൻഡിലിട്ട് അവന്മാരുമിറങ്ങി വന്നു…..

 

പുള്ളിയെനിക്കു തൊട്ടു മുന്നിൽ വന്നതുമവള് ചാടിയിറങ്ങി

 

“… അച്ഛാ… ഞാൻ….”

അച്ഛനെനെന്തെങ്കിലും പറയുന്നതിനും മുൻപേ അവളവളുടെ അച്ഛന്റെ കൈയിൽ കേറിപ്പിടിച്ചു….

 

അപ്പോഴേക്കും അവളുടെ അമ്മയും ഇറങ്ങി വന്നിരുന്നു…

പക്ഷെ അവളുടെ കൈയും തട്ടി തെറുപ്പിച്ചവളുടെ അച്ഛൻ വന്നതെന്റെ നേരെയായിരുന്നു….

 

ഞാൻ പ്രതീക്ഷിച്ചിരുന്നതു പോലെ തന്നെ കവിളും ചെവിയും കഴുത്തിന്റെയൊരു ഭാഗവും ചേർത്തോരടി കിട്ടി ബൈക്കിലിരുന്നതു കൊണ്ട് ഞാനൊന്നു വേച്ചു പോയെങ്കിലും വലത്തേ കാല് കൊണ്ടു ബാലൻസു ചെയ്തു ബൈക്കും സ്റ്റാൻഡിലിട്ടിറങ്ങിയതും അവന്മാരും ഓടിയെനിക്കരികിലെത്തിയിരുന്നു……