ഭ്രാന്തിക്കുട്ടി (അവസാന ഭാഗം )[Hope] 618

“…. സെൽഫിഷ്!!! ആരാടാ സെൽഫിഷല്ലാത്തത്???….

അവൾടെ ലൈഫിലൊരു ട്രാജഡി നടന്നെന്നറിഞ്ഞപ്പോ

കളഞ്ഞിട്ടു പോവാൻ നോക്കിയ ഞാനുമപ്പോ സെൽഫിഷല്ലേ???

സാഹചര്യം വരുമ്പോ എല്ലാരും സെൽഫിഷാടാ…..

അല്ല നിന്നോടവളു പോവാൻ തീരുമാനിച്ചതിന്റെ റീസണെന്തേലും പറഞ്ഞോ???….”

“…… വീട്ടുകാരുടെ നിർബന്ധം കാരണമാന്നു പറഞ്ഞു…..”

“…. നിങ്ങക്ക് തോന്നുന്നുണ്ടോ അത്രേമവളെ കഷ്ട്ടപ്പെടുത്തിയ വീട്ടുകാരുടെ നിർബന്ധം കാരണം മാത്രം അവളെന്നെയിട്ടിട്ടു പോവൂന്ന്???…”

എന്റെ ചോദ്യത്തിന് അവന്മാര് രണ്ടു പേരുമില്ലേന്നു കണ്ണുകാണിച്ചതും ഞാൻ തുടർന്നു….

“…..അവളെറ്റോം കൂടുതലാശിച്ചിരുന്നതെന്താണെന്നറിയോ???…

അവളുടമ്മേമച്ഛനും അവളെ സ്നേഹിക്കുന്ന കാലം വരണമെന്ന്….

ചേച്ചിടെ കല്യാണത്തിന്റെയന്നവളെന്റെ കൂടെയാരുന്നല്ലോ മുഴുവൻ സമയവും അന്ന് ഞാനവളോട് ചോദിച്ചു നിന്റെ ജീവിതത്തിൽ നീയേറ്റോം കൂടുതലാഗ്രഹിക്കുന്നതെന്താന്ന് അന്നവളു പറഞ്ഞയാ ഉത്തരമിതായിരുന്നു ‘ ഒരു ടേബിളിനു ചുറ്റും ഞാനും അവളുടെയമ്മേം അച്ഛനും അവളും ഒരുമിച്ചിരുന്ന് അങ്ങോട്ടുമിങ്ങോട്ടും വർത്താനമൊക്കെ പറഞ്ഞ് ഫുഡ്‌ കഴിക്കണം….’

അന്നതു കേട്ടപ്പോ ഞാൻ വല്ലാതെ അത്ഭുതപ്പെട്ടുപ്പോയി….

കാരണം അവളുടെ ഓരോ കുഞ്ഞു കുഞ്ഞു സ്വപ്നത്തിലും ഞാനില്ലെങ്കിൽ പോലും അവരുണ്ടായിരുന്നു….പിന്നെ പിന്നെയവളുടെ ഓരോ വാക്കിൽ നിന്നും അന്നവള് പറഞ്ഞതിന്റെ അർഥമെനിക്കു മനസ്സിലായി…..

ഇപ്പൊ അവൾക്കാ ഭാഗ്യമുണ്ട്

ടേബിളിനൊരു സൈഡിൽ ഞാനില്ലെങ്കിൽ പോലും ചിരിച്ചും കളിച്ചും അവളുടെ അമ്മയും അച്ഛനും കാണും…..അപ്പൊ പെട്ടെന്നാ ഭാഗ്യമവളുപേക്ഷിക്കാൻ തയാറാകുവോ????

അവരു നിർബന്ധിച്ചാലവൾക്കെന്തായാലും അവരെയേതിർത്തു നിക്കാനുംമ്പറ്റില്ല അതുകൊണ്ടാ അവളിപ്പോ പോകുന്നത്…..