ഭ്രാന്തിക്കുട്ടി (അവസാന ഭാഗം )[Hope] 618

“…. അതിന്റെ വീട്ടുകാരുടെ പ്രഷറ് കാരണാടാ…. ഇവിടെ നിന്നാ അവളുടെ ഭാവി പോകും പോലും….”

“…. ആ സാരമില്ല പോട്ടെ…. നിനക്കൊരു ജോലിയായാ തീരാവുന്ന സീനല്ലേ ഉള്ളൂ….”

റോഹനവളു പോയ കാരണം പറഞ്ഞപ്പോ അശ്വിനെന്നെ ആശ്വസിപ്പിക്കാനുള്ള ശ്രമത്തിലായിരുന്നു…..

“…. എന്നാലും എല്ലാമറിഞ്ഞിട്ടും നീയെന്താടാ റോഹാ എന്നോടൊരു വാക്കു പറയാതിരുന്നത്???…. അവളെന്തായാലും പറയില്ലെന്നറിയാ നിനക്കെങ്കിലുംമെന്നോടൊന്നു പറഞ്ഞൂടാരുന്നോ!!…”

“…. മിനിഞ്ഞാന്നു വൈകുന്നേരം വിളിച്ചിട്ടാ അവളിങ്ങനൊരു കാര്യമുണ്ടെന്നു പറഞ്ഞത് അതുകൊണ്ടാ ഞാനിങ്ങോട്ടു തിരിച്ചു വന്നതു പോലും….

വേറെയൊന്നും വേണ്ട പോണേനും മുൻപു നിന്നെയൊന്നു കാണണംന്നു മാത്രമവളു പറഞ്ഞു പിന്നെ അവള് പോയിക്കഴിഞ്ഞേ എല്ലാം നിന്നോടു പറയാനെന്നും പറഞ്ഞു…..

ഇനിയിതൊക്കെ അറിഞ്ഞാ തന്നെ നീയെങ്ങനെ പ്രതികരിക്കൂന്നെനിക്കറിയാരുന്നു അതുംക്കൂടെ കൊണ്ടാ ഞാൻ നിന്നോടൊന്നും പറയാതിരുന്നത്…..

….. പിന്നെ നീയിത്രോമിഷ്ട്ടപ്പെട്ടിട്ടും അവളെ കണ്ടകാലം മൊത്തം

വെറുത്തവരുടെ കൂടെപ്പോവാനവള് തീരുമാനിച്ചപ്പോഴേ ഞാൻ തീരുമാനിച്ചതാ നിന്നോടു പറയില്ലെന്ന്….”

“….. അവളെന്തു സെൽഫിഷാടാ…. അത്രേം വല്യ ഡയലോഗും കൊണയുമൊക്കെയടിച്ചിട്ട് അവസാനംമിവനേമിട്ടു പോയി….”

റോഹൻ പറഞ്ഞതിന് വാല് പിടിച്ചു അശ്വിനതു പറഞ്ഞതും ഞാനവന്മാരെ നോക്കിയൊരു പുച്ഛച്ചിരി ചിരിച്ചു പണ്ടവള് ചിരിച്ചിരുന്നതിൽ നിന്നും കടമെടുത്തതിലൊരെണ്ണം….