ഭ്രാന്തിക്കുട്ടി (അവസാന ഭാഗം )[Hope] 618

!!!… അവള് പോകാമെന്നു സമ്മതിച്ചോ???… ഏയ്‌ ഇല്ല അവരെന്നെ പറ്റിക്കാൻ പറഞ്ഞതാ…..

പക്ഷെ ഇത്തിരി മുൻപവളുടേ മുന്നിൽ ചെന്നപ്പോ അവളുടെ കണ്ണിൽ കണ്ട പേടി….

പതിവില്ലാതെയുള്ള സോറി….

എന്തോ പറയാൻ വെമ്പിയ മുഖം….!!!

മനസ്സിൽ നിറഞ്ഞ ചിന്തകളൊല്ലാം വിരൽ ചൂണ്ടിയതൊന്നിലേക്കായിരുന്നു…. ”

 

“…. ടാ എന്നാ ആലോചിച്ചോണ്ട് നിക്കുവാ… വാ പോവാം….”

 

അവനെന്റെ തോളിൽ കൈയിട്ടു മുന്നോട്ടു നടന്നതും ഞാനുമൊപ്പം നടന്നു

നിമിഷ നേരം കൊണ്ടു ചിന്തിച്ചു കൂട്ടിയതൊക്കെ മനസ്സിന് തോന്നിയ മണ്ടത്തരങ്ങൾ മാത്രമാണെന്നു സ്വയം വിശ്വസിപ്പിക്കുവാൻ ശ്രമിച്ചു കൊണ്ട്…..

തിരിച്ചു കോളേജിലേക്കശ്വിന്റെ വണ്ടിയോടിക്കുമ്പോഴും മനസ്സിൽ കെട്ടികിടന്ന ചോദ്യങ്ങളിലൊന്നായിരുന്നു

റോഹനെന്താ അവൾടമ്മ എന്നോടെന്താ പറഞ്ഞതെന്നു ചോദിക്കാത്തേന്നു…. അതും മനസ്സിലിട്ടത്യാവശ്യം സ്പീഡിൽ തന്നെ ബൈക്കോടിക്കുമ്പോഴായിരുന്നു അവളെ കാണുന്നതിനും മുൻപേ അവൻ പറഞ്ഞ വാക്കുകളെന്റെ കാതിലേക്കടിച്ചു കയറിയത്….

“ഇനിയിപ്പോ അങ്ങനെയൊക്കെ നോക്കിയിരുന്നാ നോക്കിയിരിക്കത്തെ ഉള്ളൂ”

 

അടുത്ത സെക്കന്റിലെന്റെ കാലാ ബ്രേക്കിലമർന്നു വണ്ടിയൊന്നു പാളി നിന്നതുമെന്നെ ഓവർട്ടേക്കു ചെയ്തു പോയ റോഹനും വണ്ടി നിർത്തിയിറങ്ങി വന്നു….

 

“…. എന്തോന്നാടാ നീ ഇതുവരെ വണ്ടിയോടിക്കാൻ പഠിച്ചില്ലേ????..”

 

വണ്ടി പാളിയതു കണ്ടതും മുഖത്തത്യാവശ്യം പേടിയോടെ

അവനെന്റെയടുത്തു വന്നു ചോദിച്ചു…..

 

“…. നിനക്കെല്ലാമറിയാരുന്നല്ലേ???..”

 

എന്റെയാ ചോദ്യം കേട്ടതുംമവന്റെ മുഖമൊന്നു ചുളിഞ്ഞെങ്കിലുമതു തന്ത്ര പൂർവ്വമോളിപ്പിച്ചുവെച്ചവൻ ‘എന്തെന്നു’ ചോദിച്ചെങ്കിലും

ഞാൻ വീണ്ടുമൊന്നു നോക്കിയതും അവൻ തല വെട്ടിച്ചു…..

 

“…. എടാ…. അത് അതൊക്കെ പറയാ നീയിപ്പോ വാ….

അശ്വിനവിടെ നോക്കിയിരിക്കുവല്ലേ….”