പ്രേമം ❤️ 7 [ Vishnu ] 395

“വിശ്വാസം എന്ന ഒരു സാധനം ഉണ്ട് ഹൃഷി..അത് നിന്നോട് എനിക്ക് ഉണ്ടായിരുന്നു..ഇന്ന് എനിക്ക് ഇല്ല..വിശ്വാസം പോയാൽ പിന്നെ തിരിച്ചുവരാൻ പാടാണ്… അത് നീ മനസ്സിലാക്കണം..”

അവളുടെ ഒറ്റ ഡയലോഗിൽ എന്റെ ഫ്യൂസ് പോയിരുന്നു..ഇത് നടപടി ആവില്ല…

“പിന്നെ ഒരു കാര്യം കൂടി..കൊച്ചിയിൽ പോയാൽ ഞാൻ വേറെ നീ വേറെ..നമ്മൾ തമ്മിൽ ഒരു ബന്ധവും ഇല്ല..അത് ഓർത്തു വച്ചോ..”

അവൾ പറഞ്ഞതിന്റെ മുന്നിൽ വേറെയൊന്നും എനിക്ക് പറയാൻ ഇല്ലായിരുന്നു…

ഞാൻ മുറിയിൽ നിന്നും ഇറങ്ങി പോയി..ഞാൻ നേരെ പോയത് നമ്മുടെ ആ പഴയ സ്കൂളിലേക്ക് ആയിരുന്നു..അവിടെ പണ്ട് ഉണ്ടായിരുന്ന കുളം ഇന്ന് വലുതാക്കി ഒപ്പം നല്ല വൃത്തിയുമാക്കിയിരുന്നു..

ഞാൻ അതിന്റെ കരയിൽ പോയിരുന്നു…എനിക്ക് അറിയില്ലായിരുന്നു എന്താണ് ഇനി ചെയ്യണ്ടതെന്ന്…

കാരണം അവൾക്ക് എന്നോട് ഇത്രയും ദേഷ്യം ഉണ്ടാകണമെങ്കിൽ അത് സ്കൂളിൽ വച്ചു ഉണ്ടായ കാര്യം മാത്രം അല്ല..