പ്രേമം ❤️ 4 [ Vishnu ] 398

അഖിൽ അതു പറഞ്ഞതും ഞാൻ അവനെ നോക്കി..

“നോക്കി പേടിപ്പിക്കാണ്ട് പോയി കുളിച്ചിട്ടു വാടാ…”

പിന്നെ ഒന്നും നോക്കിയില്ല…നേരെ പോയി കുളിച്ചു ഒരു നല്ല ഷർട്ടും മുണ്ടും ഇട്ടു നേരെ അഖിലിന്റെ കൂടെ അമ്പലത്തിലേക്ക് പോയി….

പോകുന്ന വഴിക്ക് ബന്ധുക്കൾ ഒക്കെ നോക്കുന്നുണ്ട്..എന്നാൽ ഞാൻ മൈൻഡ് ആക്കിയില്ല..എന്നാൽ അമ്മയിയെയും പാക്കരനെയും ഞാൻ കണ്ടില്ല…വിഷമം ഒന്നും ഇല്ല..സന്തോഷമേ ഉള്ളു..

അങ്ങനെ അമ്പലത്തിൽ എത്തിയപ്പോൾ അഖിൽ എന്തൊക്കെയോ വഴിപാടുകൾ കഴിപ്പിക്കുന്നത് കണ്ടു..

ഞാൻ പുറത്തുനിന്നും കൃഷ്ണനെ നോക്കി തൊഴുതു….

____________________________________

ഞാനും അഭിയും കൂടി അവിടേക്ക് എത്തിയപ്പോൾ ആണ് കണ്ടത് നമ്മുടെ സയൻസ് ഗ്യാങ് എല്ലാരും അവിടെ ഉണ്ട്..

“നീ ഏത് കാട്ടിൽ പോയി ഇരിക്കുവായിരുന്നു..അവന്മാർക്ക് ഉള്ളത് നമ്മൾ കൊടുത്തു…”

അഖിൽ അത് പറഞ്ഞതും അഭി നടന്ന കാര്യങ്ങൾ വള്ളി പുള്ളി തെറ്റാതെ പറഞ്ഞുകൊടുത്തു..

അത് കേട്ടപ്പോൾ ഹരീഷ് എന്നെത്തന്നെ നോക്കി…ഈ പട്ടി എന്നെയുംകൊണ്ടേ പോകു…

“എടാ അവൾക്ക് വേറെ പ്രശ്നം ഒന്നും ഇല്ലല്ലോ വാ..”