പ്രേമം ❤️ 4 [ Vishnu ] 397

കുറച്ചു നേരം പേടികൊണ്ടും ടെൻഷൻ കൊണ്ടും എന്റെ സ്ഥല കാല ബോധം പോയിരുന്നു..പെട്ടെന്ന് അച്ഛൻ വിളിച്ചപ്പോൾ ആണ് ബോധത്തിലേക്ക് വന്നത്..

അപ്പോഴാണ് ഞാൻ നന്ദുവിനെ കണ്ടത്..ഒരു ചുകന്ന സാരിയും ഉടുത്തു കുറെ ആഭരണവും ഒക്കെ ആയി ആള് നല്ല സുന്ദരി ആണ്..ആൾ വന്നു  മണ്ഡപവും വലം വച്ചു എന്റെ അപ്പുറത്ത് വന്നിരുന്നു .. 

ഞാൻ ഒന്ന് പാളി നോക്കി..ഒരു സമയം എന്നും അവളുടെ കൂടെ ഉണ്ടാകണം എന്നു ആഗ്രഹിച്ചു…പിന്നീട് കുറെ അധികം വെറുത്തു..ഇനി ഒരിക്കലും അവളെ കാണരുത് എന്ന ശപഥം എടുത്തു..

എന്നാൽ അവളെ കണ്ടതും എല്ലാം ഒലിച്ചു പോയി..അവളോട്‌ എനിക്ക് എന്ത് ദേഷ്യം ഉണ്ടായാലും ഒന്നു കണ്ടാൽ എല്ലാം ഒലിച്ചുപോകും…

ആളുടെ വലത്തുകയ്യിലെ കെട്ടു കണ്ടതും മനസ്സ് ഒന്നു ഇടറി.. അച്ഛനെ പറഞ്ഞിട്ട് കാര്യമില്ല… അച്ഛനും ഒരു മകൾ ഇല്ലേ..

ആളുടെ മുഖം വാടി ആയിരുന്നു ഇരുന്നത്..അവൾ എന്നെ നോക്കി..ഞാൻ ഒന്ന് ചിരിച്ചു കാണിച്ചതും അവൾ എന്നെ ദേഷ്യത്തോടെ ഒന്ന് നോക്കി..

അപ്പോൾ തന്നെ ഞാൻ നോട്ടം പിൻവലിച്ചു…ആൾ നല്ല ദേഷ്യത്തിൽ ആണ്…അപ്പോൾ ഇപ്പോഴും എന്നോടുള്ള ആ ദേഷ്യം ഉണ്ടായിരിക്കണം..

അച്ഛനും അമ്മയ്ക്കും അവളുടെ അച്ഛനും അമ്മയ്ക്കും ദക്ഷിണയും അവിടെ വച്ചു കൊടുത്തു..താലി കയ്യിൽ തന്നു..തൊഴുതു  നിന്ന അവളുടെ കഴുത്തിൽ ഞാൻ ആ താലി കെട്ടി..നെറുകയിൽ സിന്ധുരം തൊട്ടു…