പ്രേമം ❤️ 3 [ Vishnu ] 355

“എന്നിട്ട്..”അറിയാതെ തന്നെ ഞാൻ അത് ചോദിച്ചു പോയി..

“പ്രശ്നം ഒന്നും ആയില്ല… കയ്യിലെ ഞരമ്പ് മുറിച്ചാണ് അവൾ ചെയ്യാൻ നോക്കിയത്…പെട്ടെന്ന് ആശുപത്രിയിൽ എത്തിച്ചതുകൊണ്ടു ഭാഗ്യത്തിന് ഒന്നും ഉണ്ടായില്ല…പക്ഷെ അവരുടെ വീട്ടുകാർ വല്ലാതെ പേടിച്ചു..പിന്നെ ബന്ധുക്കാരുടെയും ഒക്കെ പ്രശ്നം..നാളെ കല്യാണം പറഞ്ഞ പെണ്ണല്ലേ…ഇനി കല്യാണം മുടങ്ങി എന്നൊക്കെ പറഞ്ഞാൽ പ്രശ്നം ആവില്ലേ…”

ഞാൻ അച്ഛൻ എന്താണ് പറയാൻ പോകുന്നത് എന്നു ശ്രദ്ധിച്ചു..

“ഇതൊക്കെ നടക്കുമ്പോൾ ഞാൻ അവിടെ ഉണ്ടായിരുന്നു..നിന്റെ സുഹൃത്തു അഖിലും ഉണ്ടായിരുന്നു…പെട്ടെന്നാണ് ആ സുധി പറഞ്ഞത് എന്റെ മകന് കല്യാണം ഒന്നും ആയിട്ടില്ലലോ ഞാൻ വിചാരിച്ചാൽ ഈ നാണകേടിൽ നിന്നും അവരെ രക്ഷിക്കാൻ പറ്റില്ലേ എന്നു…പ്രഭാകരൻ അവസാനം എന്റെ കാലിൽ വീഴാൻ ഒക്കെ നോക്കിയപ്പോൾ ഞാൻ വേറെ ഒന്നും ആലോചിച്ചില്ല വാക്ക് കൊടുത്തുപോയി…”

അത് എനിക്കുള്ള പണി ആണെന് എനിക്ക് ഏറെക്കുറെ വക്തം ആയി..

“നാളെ നിന്റെ കല്യാണം ആണ് പ്രഭാകരന്റെ മോളും ആയിട്ട്..ബന്ധുകാർക്ക് ഒന്നും പ്രശ്നം ഇല്ല..നിന്റെ വല്യമ്മക്ക് മാത്രം എന്തോ വിഷമം.. അത്രേ ഉള്ളു..നിന്റെ അച്ഛൻ വാക്ക് കൊടുത്തുപോയി..”

“അച്ഛാ..എനിക്കും ഇല്ലേ ആഗ്രഹങ്ങൾ ഒക്കെ..”

“അവിടെ ആ മോൾ കിടക്കുന്നത് കണ്ടപ്പോൾ എനിക്ക് ചിന്നുവിനെയ ഓർമ വന്നത്..അതുകൊണ്ട് വേറെ ഒന്നും നോക്കിയില്ല..അച്ഛൻ വാക്ക് പറഞ്ഞു പോയി..നീ ഈ കല്യാണം കഴിച്ചേ പറ്റു..”

4