പ്രേമം ❤️ 3 [ Vishnu ] 355

ശത്രു ആണ്….അറിയാത്ത കാര്യത്തിന് വേറെ ആളുടെ വാക്കും കേട്ടു എന്നെ ഒരുപാട് ദ്രോഹിച്ചിട്ടുണ്ട്…എന്നാലും പ്രേമിച്ചു പോയതല്ലേ…അതുകൊണ്ടു നാളെ അവളുടെ കല്യാണം കഴിഞ്ഞു പോകും എന്നത് മനസ്സിൽ ഒരു സങ്കടം ഉണ്ടാക്കി..

നേരെ വീട്ടിലേക്ക് പോയപ്പോൾ പതിവിനു വിപരീതമായി കുറെ ആള്കരെ കണ്ടു..ബന്ധുക്കൾ ഒക്കെ വന്നിട്ടുണ്ട്…എന്താണാവോ ഈശ്വര…വല്യമ്മയും ഉണ്ട്..ആ പട്ടി പാക്കരൻ ഇല്ല..

ഞാൻ നേരെ ബാഗും എടുത്തു വീട്ടിലേക്ക് കയറി…അപ്പോഴേക്കും ചിന്നു വന്നു എന്നെ കെട്ടിപ്പിടിച്ചു..

“ഏട്ടാ…”

അതും വിളിച്ചുകൊണ്ടു ഉടുമ്പുപിടിക്കുന്നതുപോലെ എന്നെ പിടിച്ചു…പിന്നെ ഒന്നും നോക്കിയില്ല.

അവളെയും എടുത്തുകൊണ്ട് നേരെ മുറിയിലേക് പോയി നേരെ കട്ടിലിലേക്ക് ഇട്ടു..

ആൾ ഇപ്പോൾ ഒൻപതാം ക്ലാസ്സിൽ ആണ് പടുത്തം.. എന്നേക്കാൾ 11 വയസു കുറവുണ്ട്..എന്നാലും നാട്ടിൽ വന്നാൽ എന്റെ സന്തത സഹചാരി ഇവൾ ആണ്..

അപ്പോഴേക്ക് അച്ഛനും അമ്മയും മുറിയിലേക്ക് വന്നു..പുലർച്ചെ 5 മണിക്ക് തന്നെ എല്ലാരും എഴുന്നേറ്റു നിൽക്കുന്നത് എന്നെ ഞെട്ടിച്ചു..

അച്ഛനും അമ്മയും വന്നതും അവൾ എന്നെ നോക്കി ചിരിച്ചുകൊണ്ട് മുറിയില്നിന്നും ഇറങ്ങിപ്പോയി…

“ഡാ ഇനി കുറെ പരുപാടി ഉള്ളതാ..ഒന്നു നന്നായി ഉറങ്ങിക്കോ..”

അതും പറഞ്ഞു അവർ ഇറങ്ങിപ്പോയി…അവർക്ക് എന്നോട് എന്തോ പറയാൻ ഉണ്ട്..എന്നാൽ അത് പറയാൻ എന്തോ മടിയും ഉണ്ട്..

2