ദൗത്യം 16 {ഫൈനൽപാർട്ട്‌}[ശിവശങ്കരൻ] 201

“മേ ഐ കം ഇൻ ഡോക്ടർ…” ഡോർ തുറന്നു മര്യാദാപൂർവ്വം അരുൺ അത് ചോദിച്ചപ്പോൾ ഒരു പുഞ്ചിരിയോടെ ഡോക്ടർ അവരെ അകത്തേക്ക് ക്ഷണിച്ചു…

” പറയൂ അരുൺ… ഹൌ ക്യാൻ ഐ ഹെല്പ് യൂ, ജന്റിൽമെൻ…?” ഡോക്ടർ ആന്റോ ജോസഫ് രണ്ടു പേരോടുമായി ചോദിച്ചു…

“ഡോക്ടർ എന്നെ ഒന്ന് സഹായിക്കണം… എന്നെ ഒന്ന് ഹിപ്നോട്ടിസം ചെയ്യണം…”

അരുണിന്റെ ദയനീയസ്വരം ഡോക്ടറിൽ അമ്പരപ്പുണ്ടാക്കി എന്ന് ഡോക്ടറുടെ മുഖഭാവത്തിൽ നിന്നും അറിയാനാകുമായിരുന്നു…

“താനെന്താടോ ഈ പറയുന്നേ, ഓടിവന്നു പറഞ്ഞു ചെയ്യാൻ ഇത് X-ray സ്കാനിങ് ഒന്നുമല്ല… വ്യക്തമായ കാരണമുണ്ടെങ്കിൽ മാത്രേ ഒരാളെ ഹിപ്നോറ്റൈസ് ചെയ്യാൻ പാടൊള്ളൂ…”

“കാരണമുണ്ട് ഡോക്ടർ…” അത്ര നേരം മിണ്ടാതിരുന്ന വരുണും സംസാരിച്ചു തുടങ്ങി…

“ഡോക്ടർ, ഞാൻ ഡോ. വരുൺ രാഘവ്, പീഡിയാട്രിഷ്യൻ ആണ്, ഇവൻ എന്റെ ബ്രദർ ആണ്, കൂടാതെ ഇവിടെ സിറ്റിയിൽ ഉള്ള വി കെയർ ഹോസ്പിറ്റൽ ഓണർ കൂടിയാണ് ഞാൻ… അവിടെ സൈക്കാട്രിക് സെക്ഷൻ തുടങ്ങിയിട്ടില്ലാത്തത് കൊണ്ടാണ് ഇങ്ങോട്ട് വന്നത്…”

“ഓഹ്… താങ്കളെപ്പറ്റി ഞാൻ കേട്ടിട്ടുണ്ട് ഡോക്ടർ… എങ്കിലും ബ്രദർനെ ഹിപ്നോട്ടയ്‌സ് ചെയ്യണം എന്ന് പറയാൻ… യൂ നോ…. നമുക്കൊരു മെഡിക്കൽ എത്തിക്സ് ഓക്കെ ഇല്ലേ…”

വരുൺ ഡോക്ടറെ ബഹുമാനപൂർവം നോക്കി…

“ഡോക്ടർ പറഞ്ഞത് ശരിയാണ്… പക്ഷേ ഇവന്റെ കാര്യത്തിൽ ഡോക്ടർ എത്തിക്സ് തെറ്റിക്കേണ്ട, ഇന്ന് മുതൽ ഇവൻ ഡോക്ടറുടെ പേഷ്യന്റ് ആണ്… കഴിഞ്ഞ കുറച്ചു ദിവസങ്ങൾ ആയി, ഇവന്റെ സ്വഭാവത്തിൽ കുറെ മാറ്റങ്ങൾ… സത്യം പറഞ്ഞാൽ അവനും പേടിച്ചിരിക്കാണ്… അതുകൊണ്ട് തന്നെയാണ് അവൻ നേരെ ഹിപ്നോറ്റൈസ് ചെയ്യാൻ പറഞ്ഞത്…”

Dr. ആന്റോ ജോസഫ്, അരുണിനെ ശരിക്കും നിരീക്ഷിച്ചു… അവന്റെ കൃഷ്ണമണികൾ വിറക്കുന്നത് ഡോക്ടർ കണ്ടു…

*********************