ദേവലോകം 3 [പ്രിൻസ് വ്ളാഡ്] 214

ദേവൻ മുന്നിലേക്ക് നീങ്ങും തോറും അതിനനുസരിച്ച് ശങ്കർ പേടിച്ച് പിന്നിലേക്ക് പൊയ്ക്കൊണ്ടിരുന്നു , ഒടുവിൽ ജീപ്പിൽ തട്ടി ശങ്കർ നിന്നും ..
ചിരിച്ചുകൊണ്ട് ദേവൻ : ചേട്ടൻ പേടിക്കണ്ട ഒരു മൂന്ന് ചോദ്യത്തിന് ഉത്തരം…. അത് തന്നാൽ ചേട്ടന് പോകാം. ഈ കണ്ടെയ്നർ ……ഇത് ആരുടേത് ?ഇതിനകത്ത് എന്താണ് ? ഇതെങ്ങോട്ട് പോകുന്നു ? വെറും3 ചോദ്യങ്ങൾ…. പെട്ടെന്ന് പറ ….നമുക്ക് പോണ്ടേ?????

പെട്ടെന്ന് ദേവൻറെ ചെവിയിലെ റിസീവറിലേക്ക് സമറിൻെറ ശബ്ദം എത്തി.

      ദേവേട്ടാ ….വി ഗോട്ട് കമ്പനി.. ഒരു ഓംനി വാൻ പോർട്ടിനകത്തേക്ക് കയറിവരുന്നുണ്ട്.

  ദേവൻ തിരിഞ്ഞു നോക്കിയപ്പോൾ അതിവേഗത്തിൽ ആ വാൻ അവരുടെ അടുത്തേക്ക് എത്തിയിരുന്നു , അതിൻറെ സ്ലൈഡിങ് ഡോർ തുറന്നു രണ്ട് എ കെ 47 റൈഫുള്ളുകൾ പുറത്തേക്ക് നീണ്ടു വന്നു. ദേവൻ സമയം പാഴാക്കാതെ അടുത്തു കിടന്ന കണ്ടെയ്നറിന്റെ പിന്നിലേക്ക് ചാടി ഉരുണ്ടു മാറി …..അപ്പോഴേക്കും എ കെ 47 ശബ്ദിച്ചു തുടങ്ങിയിരുന്നു…. ശങ്കറിന്റെയും നിലത്ത് കിടന്ന് അവന്റെ കൂട്ടാളികളുടെയും ശരീരത്തിലേക്ക് വെടിയുണ്ടകൾ തുളഞ്ഞു കയറി …
ദേവൻ തൻറെ ഇന്റർകോമിലൂടെ സമറിനോട് ….സമർ …ടേക്ക് ദം ഔട്ട് …

സമറിൻെറ സ്നൈപ്പർ റൈഫിൾ തീ തുപ്പി എ കെ 47 പിടിച്ചുനിന്ന രണ്ടുപേരും നിലത്തേക്ക് പിടഞ്ഞു വീണു ..ദേവൻ പെട്ടെന്ന് തന്നെ അതിലൊരാളിൻെറ എ കെ 47 റാഞ്ചിയെടുത്ത് വാനിന്റെ ഡ്രൈവിംഗ് സീറ്റിലേക്ക് എയിം ചെയ്തു നടന്നു …..അവൻ ഡ്രൈവിംഗ് ഡോർ വലിച്ചു തുറന്നു .
…….ഫക്ക് ……

സമർ : എന്തുപറ്റി ദേവേട്ടാ?

ഡ്രൈവർ ….അവൻ തീർന്നു… പൊട്ടാസ്യം സയനൈഡ്‌… നീ റഹീമിനെയും കൂട്ടി ഇങ്ങോട്ട് വാ.

      5 മിനിറ്റിനുള്ളിൽ സമറും റഹീമും ദേവൻറെ അടുത്തെത്തി.

സമർ താഴെ വീണു കിടക്കുന്ന എ കെ 47 കയ്യിലെടുത്തു പരിശോധിച്ചു , പിന്നീട് അതുമായി വന്ന രണ്ടുപേരുടെ പോക്കറ്റും പരിശോധിച്ചു , അവൻ അതുമായി ദേവൻറെ അടുത്തേക്ക് എത്തി

    ദേവേയേട്ടാ …ഈ എ കെ 47 …സയനൈഡ് …ഇതൊന്നും അങ്ങോട്ട് സിങ്ക് ആവുന്നില്ലല്ലോ ….

    …അതെ സാധാരണ ഗുണ്ടകൾക്കൊക്കെ ഇതെങ്ങനെയാ കിട്ടുന്നത് ?

      അതുമാത്രമല്ല ദേവേട്ടാ…. ദേവേട്ടന് ഇത് ഒരെണ്ണത്തിന്റെ വില എത്രയാണെന്ന് അറിയാമോ അവൻ എ കെ 47 റൈഫിൾ ഉയർത്തിക്കാട്ടി ചോദിച്ചു ….

     ഇതിന് പല രാജ്യങ്ങളിലും പല വിലയല്ല എന്നാലും രണ്ടു ലക്ഷത്തിനും മുകളിൽ വില വരും.

….. അതെ ദേവേട്ടാ ഒറിജിനൽ റഷ്യൻ മെയ്ഡ് എ കെ 47ന് ഒന്നര മുതൽ രണ്ടര ലക്ഷം രൂപ വരെ മോഡൽ അനുസരിച്ച് വില വരാം പക്ഷേ….. ഈ കാണുന്നതിന് ഒരു പതിനായിരം കൂടിപ്പോയാൽ 15000 രൂപ മാത്രമേ വില വരൂ…
ദേവൻ : അതെങ്ങനെ…
സമർ : ദേവേട്ടാ ഇതെല്ലാം പാക്കിസ്ഥാനിൽ നിർമ്മിക്കുന്ന ഡ്യൂപ്ലിക്കേറ്റ് തോക്കുകൾ ആണ്..
ദേവൻ : അത് നിനക്ക് എങ്ങനെ അറിയാം??

       … ദേവേട്ടാ ഒന്നുമില്ലെങ്കിലും മൂന്ന് വർഷം ഞാൻ NSG ൽ ഉണ്ടായിരുന്നതല്ലേ ഒരു ജനുവിൻ എ കെ 47 കണ്ടാൽ എനിക്ക് തിരിച്ചറിയാം…… ഇത് നോക്ക് ഈ ഫയറിങ് പിൻ ….അയൺ സൈറ്റ് …അതുപോലെ യൂസ് ചെയ്തിരിക്കുന്ന മെറ്റീരിയൽസ് ഇതൊന്നും ജെനുവിൻ അല്ല….
ദേവൻ : അപ്പൊ നീ പറഞ്ഞു വരുന്നത് ഇവർ പാകിസ്ഥാനികൾ ആണെന്നാണോ???
സമർ : അതുമാത്രമല്ല ദേവേട്ടാ അവരുടെ പോക്കറ്റിൽ നിന്ന് കിട്ടിയതാണ്.. അവൻ ഒരു പേപ്പർ ഉയർത്തി കാണിച്ചു.
റഹീം ആ പേപ്പറിലേക്ക് മിഴിച്ചു നോക്കി ഇതെന്താ ചന്ദ്രക്കലയും , നക്ഷത്രവും പിന്നെ ആട്ടിന്റെ തലയും , ഓ….ഇപ്പൊ മനസ്സിലായി…… ഇവർ ഏതോ പള്ളിയിൽ മട്ടൻ കറി വെക്കാൻ വന്ന ടീംസ് ആണ്…. റഹീം തൻറെ അപാരമായ ജ്ഞാനം പുറത്തെടുത്തു….
… എൻറെ റഹീം ഇക്കാ… നിങ്ങൾ ഇങ്ങനെ ആയി പോയല്ലോ ..സമർപറഞ്ഞു .

അല്ല സമറേ ??? ഈ കാറ്ററിംഗ് കാർക്ക് ഒക്കെ ഇതുപോലുള്ള തോക്കൊക്കെ കൊടുക്കുമോ???? റഹീം തൻറെ അടുത്ത സംശയം പുറത്തുവിട്ടു.

     ……ഇങ്ങേരുടെ അടുത്ത് പറഞ്ഞിട്ട് കാര്യമില്ല സമർ ആ പേപ്പർ ദേവന്‌ നേരെ തിരിച്ചു കാട്ടി…..

” Inter-Services Intelligence”… ദേവൻ പറഞ്ഞു.