താമര മോതിരം 12 [Dragon] 455

ആ  മുറിച്ചു വച്ച ശരീരത്തിന്റെ ഉള്ളിലേക്ക് കൈ ഇട്ടു ആ മന്ത്രവാദി, പിന്നെ ആ ഹോമ കുണ്ഡത്തിൽ നിന്നും മറ്റൊരു ചെറിയ കത്തി എടുത്തു ശരീരത്തിനെ ഉള്ള് നിന്നും എന്തോ ഒന്ന് മുറിച്ചെടുത്തു

ആ ചെറിയ ഇരുട്ടു നിറഞ്ഞ  മുറിയുടെ ഉള്ളിൽ നിന്നും ഇവർ രണ്ടും പേരും വളരെ വ്യക്തമായി കണ്ടു

മന്ത്രവാദിയുടെ  കയ്യിൽ നാല് വശത്തേക്കും ചുടു ചോര തെറിപ്പിച്ചു കൊണ്ട് – ഇപ്പോഴും നിർത്താതെ ഇടിച്ചു കൊണ്ടിരിക്കുന്ന ആ പതിനഞ്ചു  വയസുകാരിയുടെ ജീവനുള്ള ഹൃദയം.

അതിലെ അവസാന തുള്ളി ചോരയും തീയിലേക്ക് ഇട്ടിച്ചതിനു ശേഷം ആ ഹൃദയം മന്ത്രവാദി ആ ഉരുളിയിലേക്കു ഇട്ടു.

പിന്നെ തിരിഞ്ഞു പിന്നിൽ നിൽക്കുന്ന സഹായിയെ നോക്കി

അപ്പോൾ തന്നെ അയാൾ ആ പെൺകുട്ടിയുടെ മരിച്ചു കൊണ്ടിരിക്കുന്ന – ഇപ്പോഴും ജീവനുള്ള ആ ശരീരം വലിച്ചിഴച്ചു കൊണ്ട് അടുത്തുള്ളൊരു മുറിയിലേക്ക് കൊണ്ട് പോയി.

കുറച്ചു കഴിഞ്ഞു തിരികെ വന്നു – തറയിൽ ഉണ്ടായിരുന്ന രക്തവും മറ്റും തുടച്ചു മാറ്റി.

അടുത്ത ഉത്തരവിനായി കാത്തിരുന്നു.

അധികം താമസിക്കാതെ തന്നെ മന്ത്രവാദി അയാളെ നോക്കി കണ്ണുകൊണ്ടു എന്തോ  കാണിച്ചു.

ഉള്ളിലേക്ക് പോയ ആ സഹായി മടങ്ങി എത്തിയത് കയ്യിൽ ഒരു ചെറിയ തുണികെട്ടുമായി ആയിരുന്നു. ആ പെൺകുട്ടിയെ കിടത്തിയ അതെ സ്ഥലത്തു  ആ തുണി കെട്ടു വച്ച് അയാൾ –

പിന്നെ അതിന്റെ മൂടി അഴിച്ചു മാറ്റാൻ തുടങ്ങി

ഞെട്ടലോടെ കൂടി രാധാകൃഷ്ണനും സഞ്ജുവിന്റെ അച്ഛൻനും കണ്ടു – ജനിച്ചു ദിവസങ്ങൾ മാത്രം പ്രായമുള്ള ഒരു പെണ്കുഞ്ഞു

ചിരിച്ചു കൊണ്ട് – ആ കുഞ്ഞു അവിടെ മുഴുവൻ നോക്കുന്നുണ്ടായിരുന്ന –

ഒരു പക്ഷെ തുണി കൊണ്ട് മൂടി തണുപ്പ് ഇല്ലാതെ ഇരുന്നേടത്തു നിന്നും പെട്ടെന്ന് തുണി ഒക്കെ മാറി തണുപ്പടിച്ചപ്പോൾ ഉണർന്നത് ആകാം

എന്നാൽ ആ കുട്ടി കരയുന്നുണ്ടായിരുന്നില്ല.