കുഞ്ഞില [Dextercob] 100

ആരൊക്കെയോ പറയുന്നു

“വെള്ളത്തിൽ വീണതാണ്….ഇനി രെക്ഷപെടുവോ ആവോ?”

ഒരു അഞ്ചുമിനുട്ട് കഴിഞ്ഞിട്ടുണ്ടാകും.

ഞങ്ങൾ പോയിട്ടുണ്ടായിരുന്നില്ല..

ഒരു ഓട്ടോ വന്നു നിന്നു, അതിൽ നിന്നും ഒരു സ്ത്രീ പുറത്തേക്ക് വന്നു, ഇരുപത്തിയെട്ടു വയസു തോന്നിക്കും…

അവർ ഓടി ആശുപത്രിയിൽ കയറാൻ ശ്രമിച്ചെങ്കിലും അവരെ ഒരാൾ വന്നു തടഞ്ഞ് നിർത്തി….

അയാളുടെ പിടിയിൽ നിന്നും അവൾ കുതറിയോടാൻ ശ്രമിച്ചു , അയാൾ അവളെ പിടിച്ചു മാറ്റി കൊണ്ടേയിരുന്നു…

അകത്തെ കാഴ്ച്ച അവളെ വേദനിപ്പിക്കും എന്ന് അയാൾക്ക് നന്നായി അറിയുന്നതു പോലെ…

സൂക്ഷിച്ചു നോക്കിയപ്പോൾ അയാളുടെ കണ്ണുകൾ നിറഞ്ഞൊഴുകുന്നുണ്ടായിരുന്നു.

“എന്റെ കുഞ്ഞു….ഇക്കാ…..”

അവളുടെ ആരോഗ്യത്തിന്റെ പകുതിയും പ്രയോഗിച്ചു നോക്കി, പക്ഷെ അയാൾ അവളെ കടത്തി വിട്ടില്ല…

അവൾ കരഞ്ഞു കൊണ്ടേയിരുന്നു…. അവളുടെ വേദനയാർന്ന ഓരോ വിളിയും,ആ ആശുപത്രി വളപ്പു മുഴുവൻ മുഴങ്ങി കേട്ടിരുന്നു,

പക്ഷെ അവളുടെ മകൻ മാത്രം കേട്ടില്ല…!

കെട്ടിരുന്നുവെങ്കിൽ അവൻ ഓടി വരുമായിരുന്നു, അച്ഛന്റെയും അമ്മയുടെയും കണ്ണീരോപ്പാൻ…!

എല്ലാ പ്രതീക്ഷകളും സ്വപ്നങ്ങളും അസ്തമിച്ചിരുന്നു..

ആമരത്തിലെ ‘കുഞ്ഞില’ വന്നു നിലം പൊത്തിയിരുന്നു….!