സമയം പന്ത്രണ്ട് മണി, കൂറ്റാകൂറ്റിരുട്ട്(AM ആണോ PM ആണോന്ന് ചോദിക്കരുത് )മണികണ്ഠൻ നായർ സെർ നല്ല ഉറക്കത്തിലാണ്. അവിടെവിടെയായി ഓരിയിടുന്ന ശബ്ദം കേൾക്കുന്നുണ്ട്. ഉറങ്ങിക്കൊണ്ടിരുന്ന മണികണ്ഠൻ സാറിന് പെട്ടെന്ന് തന്റെ റൂമിൽ ആരോ വന്നിരിക്കുന്നതായി അനുഭവപ്പെടുന്നു. ഞെട്ടിയുണർന്നു എഴുന്നേറ്റു നോക്കിയ സാറിന് കാണാൻ കഴിഞ്ഞത് ഒരു ദിവ്യ വലയം ആയിരുന്നു. ആ പ്രകാശവലയത്തിനുള്ളിൽ മറ്റാരുമല്ല സാക്ഷാൽ ?ഡിങ്കഭഗവാൻ?.oh my god?.
ഭഗവാൻ അരുൾ ചെയ്തു: മകനേ, നിന്നെ നാം ഈ ഭൂമിയിലേക്ക് അയച്ചിട്ടുള്ളത് നിന്നിൽ നാം കടാക്ഷിച്ചുട്ടുള്ള ദൈവികതയെ ദിവ്യബോധനമായി ലോകരിലേക്ക് പകർന്നു നൽകാനായാണ്. നിന്റെ വാക്കുകൾ ഇനി ഈ ലോകത്തിൽ സമാധാനത്തിന്റെ ,ചിന്തയുടെ,തത്വങ്ങളുടെ പര്യായമായി മുഴങ്ങണം.
ഇത് കേട്ട് ഞെട്ടിത്തരിച്ച മണികണ്ഠൻ നായർ സാർ താൻ സ്വപ്നത്തിൽ ആണോ എന്ന് സ്വയം നുള്ളി നോക്കി ഉറപ്പു വരുത്തി.അല്ല,താൻ സ്വപ്നലോകത്തല്ല..
തന്റെ പ്രവാചകത്വത്തെ ഉറപ്പിക്കാൻ എന്നവണ്ണം മുറിയിലാകെ പരന്ന തുളസിയില കത്തിച്ച സുഗന്ധം ആഞ്ഞുവലിച് മഹാനാവർകൾ, പരിപാവനമായ തന്റെ പേനയെടുത്ത് വേദപുസ്തകത്തിലെ ആദ്യ രണ്ടു ഭാഗങ്ങൾ എഴുതി, ലോകവുമായി സംവദിക്കുവാൻ ഭഗവാൻ അനുവദിച്ചു തന്ന നൂതനമായ തന്റെ ദൂരഭാഷണശ്രവണസഹായി വഴി നമ്മിലെത്തിച്ചിരിക്കുകയാണ് സുഹൃത്തുക്കളെ.
ഈ കൃതി പ്രിന്റ് ചെയ്ത് 60 പേരിലേക്കെങ്കിലും എത്തിച്ചാൽ,അവർക്ക് ജോലിയിൽ ഉയർച്ച ഉണ്ടാകും,മംഗല്യയോഗം ഉണ്ടാകും,രോഗമുക്തി തീർച്ച.
ഇതിൽ വിശ്വാസമില്ല എന്ന് പറഞ്ഞ 99 വയസ്സുള്ള ഞങ്ങടെ നാട്ടിലെ അപ്പാപ്പൻ മൂന്ന് ദിവസങ്ങൾക്കകം കൊറോണ വന്ന് ഇഹാലോകവാസം വെടിഞ്ഞു.(2 dose vaccinated)
ഇതിനെ പുച്ഛിച്ചു തള്ളുമ്പോൾ ഒന്നോർക്കുക,നിങ്ങൾ പോകുന്നത് നാശത്തിലേക്കാണ്.

ഇതെന്താണ് ?? ഒന്നും മനസിലായില്ല എങ്കിലും കുഴപ്പം ഇല്ലാ

അല്ല ഇത്.. മ്മ്മ്.

ഒരു സ്വപ്നം കണ്ടത്പോലുണ്ട്. ഒന്നും മനസ്സിലായില്ല.

ഇതിപ്പോൾ എന്താ സംഭവം.. ???

ഒന്നും മനസ്സിലായില്ലെങ്കിലും മനോഹരമായ എഴുത്ത്…❤️❤️❤️

ശരിക്കും ഈ പട്ടി ചുരുളിയിലെ ആരും കാണാത്തൊരു പട്ടിയാണ്. പല ഇടത്തും കാണും.

താങ്കൾ എന്താണ് ഉദ്ദേശിച്ചത് എന്ന് ഒന്നു പറഞ്ഞുതരുമോ?

?????