എന്റെ ചെക്കൻ 2[ഭ്രാന്തൻ] 204

എല്ലാരുടെ മുഖത്തും നല്ല വിഷമം ഉണ്ട്

എന്താണെന്ന് അറിയുന്നില്ല.

അച്ഛൻ എന്നെ വിളിച്ചു മാറ്റിനിർത്തി കൊണ്ട് കാര്യങ്ങൾ എല്ലാം പറഞ്ഞു.. എല്ലാം കേട്ടു ചേട്ടനെ ഇപ്പൊ കയ്യിൽ കിട്ടിയാൽ രണ്ടെണ്ണം കൊടുക്കണമെന്ന് വിചാരിക്കുമ്പോ ആണ് അച്ഛൻ വേറൊരു കാര്യം കൂടി പറയണേ.

ചേട്ടന് പകരം ഞാൻ കെട്ടണമത്രേ!!!

എന്റെ ആഞ്ജനേയസ്വാമീ..

കേട്ടതും തലകറങ്ങുന്ന പോലെ തോന്നി…ഒന്നാമതു ഈ അടിച്ചുപൊളിച്ചു പോവുന്ന ടൈം ൽ ചങ്ങലയിടുന്ന സംഭവം ആണ് ഇത്. രണ്ടാമത് അവളുടെ അവസ്ഥ ആലോചിക്കാൻ തന്നെ പറ്റുന്നില്ല.

കേട്ട പാതി കേൾക്കാത്ത പാതി ഞാൻ പറ്റില്ലെന്ന് പറഞ്ഞു

പറഞ്ഞു ഇത്തിരി ഉറക്കെ ആയിപോയോന്നൊരു സംശയം. അമ്മയെന്നെ ദേഷ്യത്തോടെ നോക്കുന്നുണ്ട്.

അങ്ങനെ നോക്കീട്ടൊന്നും കാര്യമില്ല… ഇതെന്റെ ജീവിതമല്ലേ..
പിന്നെ ടെൻഷൻ ഇത്തിരി കുറവുള്ളതിന് കാരണം അവൾ സമ്മതിക്കില്ലെന്ന് ഉറപ്പുള്ളതായിരുന്നു.