എന്റെ ചെക്കൻ 2[ഭ്രാന്തൻ] 204

ഇനി നമുക്ക് കുറച്ചു അജുവിന്റെ ഭാഗത്തു നിന്ന് കേൾക്കാം!!!

കല്യാണത്തിന്റെ ഒരുക്കങ്ങൾ എല്ലാം നന്നായി നടക്കുന്നുണ്ട്. ഏട്ടൻ എത്താൻ പുലർച്ചെ ആവുമെന്നാ പറഞ്ഞെ.. ഫ്ലൈറ്റ് നു എന്തോ delay ആണ് പോലും. ഇവന് കല്യാണത്തിനെങ്കിലും ഈ ജോലി കുറച്ചു മാറ്റിവെച്ചൂടെ.

അതെങ്ങനാ.എല്ലാരുടേം പോന്നോമനയല്ലേ. അപ്പൊ അത് അങ്ങനെ തന്നെ കൊണ്ട് നടക്കണ്ടെ.

കല്യാണം ആയിട്ട് കൂടി എനിക്ക് മുന്നിലേക്ക് പോവാൻ പറ്റിയിട്ടില്ല. സൂര്യയെ കണ്ടിട്ട് തന്നെ കുറെ നാളായി. ഞങ്ങളൊക്കെ കുഞ്ഞാവുമ്പോ കണ്ടതാ.

എല്ലാ കാര്യങ്ങളും ഞാൻ ഏറ്റേന്ന് പറഞ്ഞപ്പോൾ ഇതിത്ര തലവേദനയാകുമെന്ന് വിചാരിച്ചില്ല

ചെറിയ സഹായം ഒക്കെ എന്തേലും ചെയ്തു നിന്നാൽ മതിയെന്നാണ് കരുതിയെ. ഇതിപ്പോ ഭക്ഷണത്തിന്റെ മുതൽ മണ്ഡലത്തിലെ കാര്യങ്ങൾ വരെ എല്ലാരും എന്നോടാണ് പറയുന്നേ. എനിക്കിതൊക്കെ കേൾക്കുമ്പോ ദേഷ്യം വരുന്നുണ്ട്. എന്ത് ചെയ്യാനാ. ചേട്ടൻ തെണ്ടിയുടെ കല്യാണമായി പോയില്ലേ.

അപ്പോഴാണ് മണ്ഡപത്തിൽ നിന്ന് അമ്മ വിളിക്കുന്നെന്ന് ആരോ പറഞ്ഞത്.
ചെന്ന് നോക്കിയപ്പോ ആണ് കേൾക്കണേ രണ്ടു യുടെയും പൂക്കളുടെ കളർ മാറിപോയെന്ന്. ഞാൻ അന്നേരമേ പറഞ്ഞാൽ താമരമൊട്ട് കൊണ്ടുള്ളത് മതിയെന്ന്. അപ്പൊ ഇവർക്കാണ് നിർബന്ധം അത് പറ്റില്ല. നല്ല mixed flowers ന്റെ തന്നെ വേണം പോലും.