എന്റെ ചെക്കൻ 2[ഭ്രാന്തൻ] 204

അത് കേട്ടതും ഞാൻ ഞെട്ടി

ഞാൻ : അച്ഛാ എന്താ ഇങ്ങനെയൊക്കെ പറയണേ?
ജയേട്ടൻ എവിടെ.. എല്ലാരും എന്തിനാ വിഷമിക്കുന്നെ. ജയേട്ടൻ വരുമല്ലോ പിന്നെന്താ?

അച്ഛൻ : ജയേട്ടൻ,ജയേട്ടൻ… ഇനിയാ പേര് മിണ്ടിപ്പോകരുത് നീ. കണ്ട പെണ്ണുങ്ങളുടെ ഒപ്പം അഴിഞ്ഞാടി നടന്നിട്ട് ഇപ്പൊ അവസാനം ഏതോ പെണ്ണിന്റെ കൂടെ ഒരു മയക്കുമരുന്ന് കേസിൽ പെട്ടേക്കുന്നു.

ഞാൻ : അച്ഛാ ജയേട്ടൻ അങ്ങനെയൊന്നും…

അച്ഛൻ : അങ്ങനെയൊന്നും ചെയ്യുമെന്ന് എനിക്കും വിശ്വാസമില്ലായിരുന്നു മോളെ.. എയർപോർട്ട് ൽ വെച്ച് അവനെ Customs arrest ചെയ്തെന്നാ ഇപ്പൊ അമ്മാവനെ ആരോ വിളിച്ചു പറഞ്ഞെ. ഇതിൽകൂടുതൽ ഇനി എന്ത് തെളിവാ വേണ്ടേ..?
നീയും ഇത് മനഃപൂർവം മറച്ചു വെച്ചതാണോ ശ്രീ.. കുറച്ചു കാലങ്ങൾക്ക് ശേഷം ഒത്തുകൂടിയത് എന്നെ ചതിക്കാനായിരുന്നോ?

അമ്മായി : ഇല്ല ഏട്ടാ.. ഏട്ടനെ ഞാൻ ഒരിക്കലും ചതിക്കില്ല അവനിങ്ങനെ ആയിപോയത് ഞങ്ങൾക്കും അറിയില്ലായിരുന്നേട്ടാ. ഇടക്ക് കോൺഫറൻസ് മീറ്റിംഗ് ഉണ്ടെന്ന് പറഞ്ഞു പോവാറുണ്ടയിരുന്നു. ജോലിക്കാര്യമല്ലേ എന്ന് വിചാരിച്ചാ അതിലധികമാരും ഇടപെടാതിരുന്നേ.. എന്നോട് ക്ഷമിക്കേട്ടാ..!

അച്ഛൻ: ഇനിയെന്ത് പറഞ്ഞിട്ടെന്താ കാര്യം? എന്റെ മോളുടെ കല്ല്യാണം മുടങ്ങണമെന്നായിരിക്കും വിധി. ഇതിനു വേണ്ടി ഞാൻ എന്ത് പാപമാണോ ചെയ്തേ ഈശ്വരാ.!

അമ്മായി : കല്ല്യാണത്തിനു ഒന്നും പറ്റില്ല ഏട്ടാ
അജുവും എന്റെ മോൻ തന്നെയല്ലേ…മോൾക്ക് സമ്മതമാണേൽ ഈ കല്ല്യാണം നടക്കും..