“ഇതാ.. ഇവിടെവരെ…. ” [★പരമേശ്വര൯ད★] 85

ഏട്ടൻ എന്നാ നാട്ടിൽ വന്നേ..

കുറച്ചു ദിവസം ആയി അച്ഛന് ഒരേ നിർബന്ധം ഈ വരവിനു കല്യാണം ഒക്കെ നടത്തണമെന്ന്

പെണ്ണ് ഒക്കെ അവർ കണ്ട് വെച്ചിട്ട് ഉണ്ട് നീ ഇങ് വന്നാൽ മതി എന്ന് പിന്നെ എന്തായാലും ഫ്രീ ആയിട്ട് ഒരു പെണ്ണിനോട് സൊള്ളാൻ കിട്ടുന്ന അവസരം കളയണ്ടല്ലോ..

ഓ..എന്ന്.. എന്നാലും കെട്ടാൻ യാതൊരു ഉദ്ദേശവും ഇല്ല അല്ലെ..

എടാ ഇപ്പോഴേ കല്യാണം ഒക്കെ കഴിച്ചാൽ ശേരിയാവില്ല.. കുറച്ചു നാൾ കുടി ഒന്നു സ്വസ്ഥതയിട്ട് അടിച്ചു പൊളിച്ചു കഴിയാമല്ലോ..

ഹാ..ഏതായാലും കൊള്ളാം.. ഹാ ഇവിടെ നിർത്തിയാൽ മതി..

അതു എന്താ.. ജംഗ്ഷനിൽ അല്ലെ വർക്ക്‌ഷോപ്പ്..

ഇന്ന് ലേറ്റ് ആയി പുള്ളിയോട് പറയാമല്ലോ നടന്നാ വന്നേ..ഏത്..

ഓ ഭയങ്കരം തന്നെ..എന്നാ ശെരിഡാ..

ഹാ ഓക്കേ..

അങ്ങനെ അവൻ നടന്നു വർക്ഷോപ്പിലോട്ട് പോവാണ്..അപ്പോൾ ആണ് ഓർത്തത്..

ഈശ്വരാ ഫോൺ വീട്ടിൽ ആണല്ലോ.. ഓ കൈയിൽ ഇരുന്നിട്ടും കാര്യമൊന്നുമില്ല.. ഓഫർ തീർന്ന ഫോൺ വള്ളി പോയ നിക്കർ പോലെ ആണ് ?..

നേരെ ചെല്ലുമ്പോൾ തന്നെ വല്യ ബോർഡിൽ “പഞ്ചാജന്യം”എന്ന് എഴുതിയേക്കുന്നത് കാണാം..

പഞ്ചജന്യം :മുരളിയേട്ടന്റെ വർക്ക്‌ ഷോപ്പിന്റെ പേര് ആണ് അവിടുത്തെ തന്നെ ഏറ്റവും വലിയ ഒരു ഓട്ടോമൊബൈൽ വർക്ക്‌ ഷോപ്പ് ആണ് പഞ്ചജന്യം

അവൻ നേരെ ചെന്ന് കേറി യപ്പോൾ തന്നെ..

മുരളിയേട്ടൻ:എവിടെ ആയിരുന്നടാ.. മണി എത്ര ആയി ഇന്ന് അവന്മാർ ഒന്നും വരുത്തില്ല എന്ന് നിനക്ക് അറിയില്ലേ ഇന്നലെ ഞാൻ പറഞ്ഞതല്ലേ നേരത്തെ വരണം എന്ന്..

എന്ത് പറയാൻ ആണ് മുരളിയേട്ടാ.. വരുന്ന വഴി പള്ളിമുക്കിൽ വെച്ച് ബസ് പഞ്ചർ ആയി പിന്നെ ഞാൻ നടന്നാ വന്നേ അവിടെ നിന്നും നടന്നു വരണ്ടേ…

ഹം.. ഇനി വാചകമടിച്ചു നിൽക്കാതെ ആ ടൂൾസ് ഒക്കെ എടുത്തോണ്ട് പെട്ടന്ന് വാ.. ഇന്ന് പോയി ആ തമ്പാന്റെ വീട്ടിൽ പോകേണ്ടത് ആണ് അവിടെ ഒന്നുരണ്ട് വണ്ടി റെഡിയാക്കേണ്ടതാ..

അങ്ങനെ മുരളിയേട്ടനും ആദിയും കുടി അവിടെ നിന്നും പുറപ്പെട്ടു