“ഇതാ.. ഇവിടെവരെ…. ” [★പരമേശ്വര൯ད★] 85

അങ്ങനെ പല്ലുതേപ്പും കുളിയും കഴിഞ്ഞു നുമ്മടെ നയകൻ അങ്കത്തട്ടിലേക്ക് ചേക്കേറി.. വേറെ എങ്ങോട്ടുമല്ല അടുക്കളയിലോട്ട് ആണ് ?

ഹാ.. ഇന്നും പുട്ട് തന്നെ വേറെ ഒരു സാദനം ഈ വീട്ടിൽ ഇല്ലേ എന്നും പുട്ട് തന്നെ..

അങ്ങനെ മൃഷ്ട്ടാന്നബോജനവും കഴിഞ്ഞ് ആദി ജോലിക്ക് പോകാനായിട്ട് റെഡിയായി..

ജോലി എന്ന് പറഞ്ഞാൽ വല്യ ഉദ്യോഗം ഒന്നുമല്ല ഇവിടെ ഒരു വർക്ക്‌ഷോപ്പിൽ ഹെൽപ്പറായി നിൽക്കുകയാണ് ചെക്കൻ..

അങ്ങനെ അവൻ വീട്ടിൽ നിന്നും ഇറങ്ങി നേരെ മെയിൻ റോഡിൽ വന്നു.. വീട്ടിൽ നിന്നും കഷ്ടി ഒരു 200 മീറ്റർ നടന്നാൽ മതി മെയിൻ റോഢിൽ എത്താൻ..

ശോ.. ഇന്നും ലേറ്റ് ആണല്ലോ ഈശ്വരാ.. ബസും കാണുന്നില്ല..

ആകെ ടെൻഷൻ അടിച്ചു നിൽക്കുകയാണ് കക്ഷി..

അപ്പോൾ ഉണ്ട് പണ്ടത്തെ ഒരു സുഹൃത്തിന്റെ ചേട്ടൻ ബൈക്കിൽ വരുന്നു..അവനെ കണ്ടോണ്ട് പുള്ളി വണ്ടി നിർത്തി.

ചേട്ടൻ :വരുന്നോ..

ആദി :ഹാ..

എങ്ങോട്ടാഡാ ..

മുരളിയേട്ടന്റെ വർക്ഷോപ്പിലോട്ടാ..

ഹാ നീ കേറൂ..

അങ്ങനെ അവൻ ബൈക്കിൽ കേറി

ചേട്ടൻ :നീ അവിടയാണോ ഇപ്പോ…

ഹാ.. ഇപ്പോൾ ക്ലാസ് ഒന്നും ഇല്ലല്ലോ അതുകൊണ്ട് വെറുതെ ഇരിക്കേണ്ട എന്ന് കരുതി..

ഹാ നല്ല കാര്യം.അതൊക്കെ പോട്ടെ നീ ഇപ്പോ എന്തിനാ പടിക്കാൻ പോകുന്നതു..

Iti ആണ് ചെങ്ങന്നൂർ ….

ഹാ..

നീരജ് ഇപ്പോ ബാംഗ്ലൂർ അല്ലെ..

ആടാ.. അവൻ അവിടെ മെഡിസിൻ പഠിക്കുവാ..