ആർക്ക് വേണ്ടി [ആർവി] 97

അന്ന് വാങ്ങിയ കടം എല്ലാം വീട്ടി അടുത്ത ലീവിന് പോകാൻ സ്വരുകൂട്ടിവെച്ച് വന്നപ്പോൾ ആണ് രണ്ടാമത്തേ അനിയന്റെ കല്യാണം… ആഹ് ഞാൻ ഇല്ലങ്കിൽ എന്താ അവിടെ കാര്യങ്ങൾ എല്ലാം ഗഭീരം ആകണം, ഒരു കുറവും ഉണ്ടാകാൻ പാടില്ല… കൈയിൽ ഉള്ളത് തികയില്ല, ഒരു ലോൺ കൂടെ എടുക്കാം രണ്ടു അല്ലങ്കിൽ മൂന്ന് കൊല്ലം കൊണ്ട് തീരുമെല്ലോ… ഇതെല്ലാം ആലോചിച്ചു കൊണ്ടിരുന്നപ്പോൾ ആണ് റൂം മേറ്റ്‌ ജേക്കബ് അച്ചായൻ കയറിവന്നത്… ഡസ്റ്റ് ബിന്നിൽ കിടക്കുന്ന ലീവ് ആപ്ലിക്കേഷനിലേക്കും എന്റെ കൈയിൽ ഉണ്ടായിരുന്ന ഫോണിലേക്കും മാറി മാറി നോക്കിയ ശേഷം അച്ചായൻ ചോദിച്ചു “ആർക്ക്‌ വേണ്ടി”….

അന്ന് അത് എനിക്ക് അത് മനസ്സിലായില്ല, പക്ഷെ ലോണുകൾ എല്ലാം അടച്ചു തീർത്തു നീണ്ട ആറ്ർ വർഷത്തെ ഇടവേളയ്ക്കു ശേഷം ഈ 2021ൽ നാട്ടിൽ എത്തി,  ഒരു മാസം അമ്മയുടെ ഒപ്പം കഴിഞ്ഞു… പക്ഷെ കൊറോണ എന്നാ മഹാമാരി എന്റെ അമ്മയെ എന്നിൽ നിന്ന് കൊണ്ടുപോകുമ്പോൾ ഇനി എനിക്ക് എന്റെ അനിയന്മാർ ഉണ്ടല്ലോ എന്ന് അന്ന് ആശ്വസിച്ചു… പക്ഷെ ഇന്ന് അതേ കൊറോണ കാരണം പിന്നീട് തിരിച്ചു പോകാനാകാതെ ജോലി നഷ്ടപ്പെട്ടു അനിയന്മാരുടെ മുന്നിൽ വില നഷ്ടപ്പെട്ടു നിൽക്കുമ്പോൾ റൂം മേറ്റ്‌ ജേക്കബ് അച്ചായന്റെ വാക്കുകൾ എനിക്ക് ഓർമവന്നു “ആർക്ക് വേണ്ടി”…