അവൾ അമേയ {അപ്പൂസ്} 2085

ഫോട്ടോ ഒളിപ്പിച്ചു കവറിലേക്ക് തന്നേ ഇട്ടു അവളുടെ മുഖത്തേക്ക് നോക്കി… കുരുപ്പ് കണ്ടൊ എന്നറിയില്ല….

“ഓ… യേ… യെസ്… ഓഫ്‌കോഴ്സ്…”

“വാടോ ഒരു ചായകുടിച്ചു വരാം….”

സ്നേഹപൂർവ്വമുള്ള ക്ഷണം നിരസിക്കാൻ തോന്നിയില്ല…. അല്ലെങ്കിലും പെണ്ണിന് ഡൗട്ട് അടിപിക്കണ്ട എന്നും മനസ്സിൽ തോന്നി അവളോടൊപ്പം ഇറങ്ങി നടന്നു….

പാപ്പൻസ് കഫേയിൽ കയറി രണ്ടു കോൾഡ് കോഫി ഓർഡർ ചെയ്ത ശേഷം അവൾ എന്നോട്‌ ചോദിച്ചു…

“ഇനി പറയ്… എന്ത് പറ്റിയെടോ….”

“ഒന്നുമില്ല പെണ്ണേ….”

അവളെന്റെ കൈ പെട്ടന്ന് കയ്യിലെടുത്തു പിടിച്ചു….

പാപ്പൻ തെണ്ടി എങ്ങാനും വരുന്നോ എന്ന് ഞാൻ ചുറ്റും നോക്കിയെങ്കിലും പെണ്ണിന് പക്ഷേ സദാചാര പോലീസിനെ പേടി ഒന്നുമില്ലെന്ന് തോന്നുന്നു… ചുറ്റും ആരെങ്കിലുമുണ്ടോ എന്നൊന്നും നോക്കാതെ എന്റെ കണ്ണിലേക്കു തന്നേ നോക്കി അവൾ ചോദിച്ചു…

“ആരാ കക്ഷി???”

“എന്ത്‌??? ഏയ്‌…. ആരൂല്യ…. ”

ആ കണ്ണിലേക്കു നോക്കാതെ കീഴോട്ട് നോക്കി ഞാൻ പറഞ്ഞു….

“ഞാൻ മുൻപൊരിക്കൽ മാത്രേ ഇത്രയും നേർവസ് ആയി ഇയാളെ കണ്ടിട്ടുള്ളു…. അന്നെന്നെ പ്രൊപ്പോസ് ചെയ്തപ്പോൾ…. അതേ വിറയൽ…. അന്നത്തെപോലെ മുഖമൊക്കെ ചുവന്ന്….”

അറിയാതെ എന്റെ കൈ ടിഷ്യു പേപ്പറിന് നേരെ നീണ്ടു….

“അന്ന് ഒരു കോഴിയായാ തോന്നിയെ ഇയാളെ…. അതോണ്ട് രണ്ടാമത് ആലോചിക്കേണ്ടി വന്നില്ല നോ എന്ന് പറയാൻ…. ബട്ട്, റ്റു മൈ മിസ്റ്റേക്ക്, യൂ ആർ സംതിങ് സ്പെഷ്യൽ…”

“സോ, ഇപ്പോൾ ഞാൻ മാന്യനാണെന്ന് സമ്മതിച്ചല്ലോ അത് മതി…..”

“മാന്യൻ… പോടാ… യൂ… യൂ ആർ റ്റൂ നോട്ടി..”

ശ്ശേ… മൂഡ് പോയി… പച്ചയായി മുഖത്ത് നോക്കി വിളിക്കുമെന്ന് കരുതിയില്ല…. സത്യത്തിൽ അത്ര ഊള ആണോ ഞാൻ????

അവളുടെ കൈക്കുള്ളിൽ ഇരിക്കുന്ന എന്റെ കൈ ഞാൻ പിടിച്ചു വലിക്കാൻ ഒന്ന് ശ്രമിച്ചെങ്കിലും, അവൾ വിടാതെ പിടിച്ചു പുഞ്ചിരിച്ചു കൊണ്ടു പറഞ്ഞു…

“ബട്ട്…. ബട്ട്… ഐ എൻജോയ്ഡ് യുവർ ജോക്ക്സ്, കുസൃതി… കള്ളത്തരം… കള്ളനോട്ടങ്ങൾ… ഐ… ഐ.. ലൈക്സ് യുവർ നോട്ടിനെസ്…..”

ഈ പെങ്കൊച്ചിന് വല്ലാത്ത കഴിവാണ്… ഏതാനും നിമിഷം കൊണ്ടു ഞാൻ അമേയയെ മറന്നു…. എന്റെ നിമകുട്ടിയെ മറന്നു…. ഞാൻ ഡയാനയുടെ മുഖത്തേക്ക് തന്നേ നോക്കി….

ഇത്തവണ അവൾക്കായി നാണം… ലജ്ജ കൊണ്ടു ആ കവിളുകൾ തുടുത്തു…..