അവൾ അമേയ {അപ്പൂസ്} 2085

എന്റെ ഉള്ളിൽ മായയോട് ഒരു ഇഷ്ടം തോന്നുന്ന പോലെ…. കാമമല്ല പ്രണയം…

“നീ സുന്ദരിയാണ് മായാ…. ഒരുപക്ഷെ ഞാൻ കണ്ടതിലേക്കും വച്ചു….”

ഞങ്ങൾ നടക്കുമ്പോൾ അവളുടെ മുഖം ഫോക്കസ് ആയ ഒരു ചിത്രത്തിൽ തന്നെ കണ്ണു നട്ടു അറിയാതെ പറഞ്ഞു പോയി….

അവളെന്റെ മുൻപിൽ കയറി നിന്നു… ഫോട്ടോയിൽ നോക്കി നടന്ന ഞാൻ അവളുടെ മേലേ ഇടിച്ചു നിന്നു….

കരിങ്കല്ല് പാകിയ നടപ്പാതയിൽ ഒരു വശത്തു വളർന്നു പൂത്തു നിൽക്കുന്ന ബോഗൻ വില്ലയ്ക്ക് മുകളിലേക്കു എന്നെ ചേർത്ത് നിറുത്തി അവളെന്നെ നോക്കി…

ഏതാനും സെന്റിമീറ്റർ മാത്രം അകലെ എന്നിലേക്ക് നോക്കുന്ന നക്ഷത്രകണ്ണുകൾ…. അതിൽ നോക്കാനാവാതെ ഞാൻ മുഖം കുനിച്ചു… അവൾ എന്റെ താടിയിൽ പിടിച്ചു മുഖം ഉയർത്തി കൊണ്ടു ചോദിച്ചു….

“ശരിക്കും?? ശരിക്കും ജയ്???”

അടുത്ത നിമിഷവൾ എന്റെ കഴുത്തിലൂടെ കൈ ചുറ്റി എന്നെ അവളിലേക്ക് അമർത്തി…. അവളുടെ ജീൻസിന്റെ ഹുക്ക് എന്റെ വയറിലമരുന്നത് പോലും അറിയാവുന്നത്ര എന്നെ അവളിലേക്ക് ചേർത്തമർത്തി….

എന്റെ കണ്ണിൽ നോക്കികൊണ്ട് തന്നെ അവൾ ഒരു കാൽ വായുവിൽ ഉയർത്തി എന്നെ ഗാഢമായി ചുംബിച്ചു….ശരിക്കുമൊരു പ്രണയചുംബനത്തിന്റെ ഫീൽ…

പക്ഷേ അല്പം കഴിഞ്ഞു അതു പൂർണമാക്കാതെ പെട്ടെന്ന് അകന്നുമാറി തല കുനിച്ചു കൊണ്ടു അവൾ പറഞ്ഞു….

“നമുക്ക് പോവാം… തണുത്തു തുടങ്ങി…”

നിശബ്ദരായി ഞങ്ങൾ നടന്നു ഹോട്ടലിന്റെ മുൻപിലെത്തി…

“സോറി ജയ്… ”

താമസിക്കുന്ന ഹോട്ടലിലേക്കുള്ള സ്റ്റെപ് കയറുമ്പോൾ എന്റെ കയ്യിൽ പിടിച്ചു കൊണ്ടവൾ സോറി പറഞ്ഞു…. ശേഷം കൈ വിട്ട് നടന്നു….

“എന്തിനാ മായാ??? എന്ത്‌ പറ്റി??? ”

“പാതിയിൽ നിറുത്തിയ ചുംബനത്തിന്…. രണ്ടുപേരും ഒരുമിച്ച് തുടങ്ങിയത് ഒരുമിച്ച് വേണമായിരുന്നു അവസാനിപ്പിക്കാൻ…. സോറി ജയ്…”

” നോ മൈ ഗേൾ…. പാതിയിൽ ചുംബനം നിറുത്തിയ മായയേക്കാൾ അത്രയും എന്നെ ചുംബിച്ച മായ… അങ്ങനെ കരുതാനാണ് എനിക്കിഷ്ടം… ആൻഡ് താങ്ക്സ് മായാ…. ”

ഞാൻ പ്രതീക്ഷിച്ചതിലും അധികം തന്ന അവളോട്‌ നന്ദി തന്നെ പറഞ്ഞു…

“മൈ റൂം നമ്പർ മുന്നൂറ്റി എട്ട്..”

റൂമിലേക്ക് തിരിയാൻ നേരം അവൾ പറഞ്ഞു….

“മൈൻ ഇരുന്നൂറ്റി പതിനാറു…”

എന്റെ റൂമും തിരിച്ചു പറഞ്ഞു ഒരു നിമിഷം കഴിഞ്ഞാണ് അവൾ പറഞ്ഞതിന്റെ അർത്ഥം ഞാൻ ഊഹിച്ചത്…

“അങ്ങനെ ഒരുദ്ദേശത്തിൽ അല്ലെന്ന് പറഞ്ഞിട്ട്???”

അവളോട്‌ അത് തുറന്നു ചോദിക്കുക തന്നെ ചെയ്തു…

“ഞാൻ എന്റെ റൂം നമ്പർ മാത്രമാണ് പറഞ്ഞത്….”

“ഷുവർ…. വിൽ മീറ്റ്…”