അവൾ അമേയ {അപ്പൂസ്} 2085

പരസ്പരം കുറെയേറെ ഫോട്ടോസ് എടുത്തു നൽകിയശേഷം ഞാൻ പുഴയിലേക്ക് നോക്കി പാലത്തിൻറെ കൈവരിയിൽ കൈ കുത്തി നിൽകുമ്പോൾ അവളെന്റെ തോളിലേക്ക് തല ചേർത്ത് ചോദിച്ചു….

“നിങ്ങൾ… എന്നെ കൂടെ കൂട്ടിയത് അതേ ഉദ്ദേശത്തോടെ അല്ലേ….”

മറുപടി പറയാൻ അല്പം വൈകി… പക്ഷേ അവളോട് നുണ പറയാൻ കഴിയാത്ത അത്രയും അടുപ്പമുള്ളത് പോലെ..

“അതെ…”

അല്പം സമയം കഴിഞ്ഞു ആണെങ്കിലും സത്യം തന്നെ നാവിൽ നിന്ന് വന്നു…

“ജെനുവിന് റിപ്ലൈയ്ക്ക് നന്ദി…”

അതിന് മറുപടി ആയി അവളോട് തിരിച്ചു ചോദിച്ചു….

“നീയോ?? നീ കൂടെ കൂടിയത് ആ ജോലി ചെയ്ത് എന്നിൽ നിന്നും പണം വാങ്ങാൻ അല്ലേ….”

അവളെന്റെ കണ്ണിൽ നോക്കി… തിളങ്ങുന്ന നക്ഷത്രകണ്ണുകൾ

“ആണോ???”

അവൾ എന്നോട് തന്നെ തിരിച്ചു ചോദിച്ചു…

പക്ഷേ ഒരു നിമിഷം കഴിഞ്ഞു താഴെ പുഴയിൽ ചെറിയ ചുഴികൾ ഉണ്ടാവുന്നത് നോക്കി നിന്ന് കൊണ്ട് അവളെന്നോട് പറഞ്ഞു

“ഒരിക്കലും അല്ല മാൻ…. ഈ യാത്രക്ക് വേണ്ടതിലും അധികം എന്റെ കയ്യിൽ ഉണ്ട്…. അത് തീർന്ന് കഴിഞ്ഞു മതി ഇനി പണം… കൂടുതൽ സമ്പാദിച്ചു ഞാൻ എന്ത് ചെയ്യാൻ… കൂടുതൽ പണം കയ്യിൽ വച്ചു കള്ളൻമാർക്ക് ഇരയാവാൻ എനിക്ക് താല്പര്യം ഇല്ല…”

“പിന്നെ എന്തിനു എന്റെ കൂടെ കൂടി???”

അടുത്ത നിമിഷം തന്നെ എന്റെ ചോദ്യം അവൾക്ക് നേരെ നീണ്ടു…

അവളൊന്നു ആലോചിച്ച ശേഷം പറഞ്ഞു…

“നമ്മൾ പിരിയാറാവുമ്പോൾ പറയാം….”

ഇനി അവൾക്ക് എന്നോട് വല്ല താല്പര്യവും??? ആ എന്തേലും ആവട്ടെ… പതിയെ പിടിക്കാം രണ്ടു ദിവസമുണ്ടല്ലോ ടൂർ….

വീണ്ടും എന്റെ ഉള്ളിൽ ചെറിയ ദുഷ്ചിന്ത തല പൊക്കി… അറ്റ്ലീസ്റ്റ് ഒരുപാട് നല്ല ഫോട്ടോ എങ്കിലും എടുത്താൽ നാട്ടിൽ പോവുമ്പോൾ തള്ളാൻ നല്ല പവർ കിട്ടും….

“നമുക്കൊരു സെൽഫി എടുത്തുകൂടെ??”

എന്റെ മനസറിഞ്ഞപോലെ അവളുടെ ചോദ്യം…

പുറകിൽ ചാപ്പലും അതിലേക്കുള്ള നീളൻ പാലവും പശ്ചാത്തലം ആക്കി അവൾ സെൽഫി സ്റ്റാൻഡിൽ ക്യാമറ സെറ്റ് ചെയ്ത് കൊണ്ടു എന്നെ നോക്കി… ഞാൻ ആണേൽ എക്സ്ട്രാ ഹാപ്പി…

പല ആംഗിളുകളിൽ ഞങ്ങൾ ഫോട്ടോസ് എടുത്തു…. പലപ്പോളും അവളുടെ കവിളിലേക്ക് എന്റെ മുഖം ചേർക്കാൻ ശ്രമിക്കുന്ന കണ്ട് അവൾ ചോദിച്ചു..

“എന്നെ ചുംബിക്കണോ???”

“അത്രയും ചേർന്നൊരു ഫോട്ടോ???”

അവൾ ചിരിച്ചു കൊണ്ടു എന്റെ കഴുത്തിലൂടെ ഒരു കൈ കൈ ചുറ്റി ചുണ്ടിൽ ചുണ്ട് ചേർത്തു…

ഇക്കിളി എടുക്കുന്നു…

എന്റെ വളർന്ന് തുടങ്ങിയ മീശ തടഞ്ഞപ്പോൾ അവൾ ചിരിച്ചുകൊണ്ടു പറഞ്ഞു…

മീശ ഇഷ്ടമല്ല അല്ലേ…

അവൾ പറഞ്ഞാൽ ഞാനത് വടിച്ചു കളഞ്ഞേനെ…

അമേരിക്കൻസിന് പൊതുവെ അല്ല…. പക്ഷേ എനിക്ക് ഇഷ്ടമാണ്…. അവളെന്റെ മീശക്ക് മുകളിലൂടെ ചൂണ്ടുവിരൽ ഓടിച്ചുകൊണ്ട് പറഞ്ഞു…

ഞങ്ങൾ വീണ്ടും ഫോട്ടോയെടുപ്പ് തന്നെ ശ്രദ്ധിച്ചു…. പക്ഷേ എത്രയെടുത്തിട്ടും നല്ലൊരു ഫോട്ടോഗ്രാഫർ ആയ അവൾക്ക് തൃപ്തി വരാത്ത പോലെ….