അവളുടെ ആ ഇഷ്ടത്തിന് ഞാൻ ‘അല്ല’ എന്ന് മറുപടി പറയുന്നതിന് മുൻപ്
“ഇപ്പൊ പറയണ്ട ആലോചിച്ച് അടുത്ത ഉത്സവത്തിന് ഞാൻ വരുമ്പോൾ പറഞ്ഞാൽ മതി”
എന്ന് സ്നേഹ എന്നോട് പറഞ്ഞു.. ഞാനും അതിന് മറുത്തൊന്നും പറയാൻ പോയില്ല..! ഒരുപക്ഷെ ഞാൻ പറയാൻ വന്നത് no ആണ് എന്ന് മനസ്സിലാക്കിയതുകൊണ്ട് ആവാം അവൾ അങ്ങനെ പറഞ്ഞത്..
/അവിടെ ചെന്ന് ഫോൺ വിളിച്ചാൽ ഞാൻ ഫോൺ എടുക്കണമെന്നും, മെസ്സേജ് അയച്ചാൽ റിപ്ലെ തരണമെന്നും പറഞ്ഞ് എന്റെ കയ്യിൽ നിന്നും നമ്പരും വാങ്ങിയാണ് അവൾ പോയത്..!!!/
ഫോൺ വിളിയിലൂടെയും മെസ്സേജ് അയക്കുന്നതിലൂടെയും പതിയെപ്പതിയെ ഒരു കെമിസ്ട്രി വർക്ഔട് ആക്കിയെടുക്കാം എന്ന അവളുടെ ക്ളീഷേ പ്ലാൻ..!!
അങ്ങനെ അവൾ തിരികെ കോട്ടയത്തേക്ക് പോയതിന് ശേഷം എന്നെ പലപ്പഴും വിളിക്കുകയും, മെസ്സേജ് അയക്കുകയും ചെയ്യുമായിരുന്നു.. ആ സമയങ്ങളിലൊന്നും സ്നേഹ ഒരിക്കൽ പോലും എന്റെ തീരുമാനം എന്താണെന്ന് ചോദിച്ചിരുന്നില്ല..! നേരിട്ട് കാണുമ്പോൾ ചോദിക്കാം എന്ന് കരുതിയിട്ടാവും..
വലിയ താല്പര്യം ഇല്ലെങ്കിലും ഞാനും ഇടക്ക് വിളിക്കുകയും മെസ്സേജ് അയക്കുകയും ചെയ്യും.. “ഓരോ വട്ട്കേസ്” എന്ന് കരുതി ഞാൻ തള്ളികളഞ്ഞു..! പതിയെ സ്നേഹ എല്ലാം മറക്കും എന്ന് ഞാൻ കരുതി.. പക്ഷെ എനിക്ക് തെറ്റി..
അതിന് ശേഷം ഇപ്പഴാണ് ഞാൻ സ്നേഹയെ കാണുന്നത്..! സത്യത്തിൽ അവൾ ഇവിടെ വരുമെന്ന് ഞാൻ ഒട്ടും പ്രതീക്ഷിച്ചിരുന്നില്ല.!🔺
ഞാൻ നേരെ സിറ്റൗട്ടിലേക്ക് കയറി ചെന്നതും ഹാളിലേക്ക് ഒന്ന് എത്തിനോക്കി, അക്കൂനേയും, ലക്ഷ്മിയേയും, അനിതയേയും കൂടാതെ മാറ്റ് മൂന്ന് പെണ്ണുങ്ങളും ഹാളിലെ സോഫയിൽ ഇരുന്ന് എന്തൊക്കെയോ കലപിലാന്ന് സംസാരിക്കുന്നത് ഞാൻ കണ്ടു, TVയും ഓണായി ഇരുപ്പുണ്ട്.. ഞാനും സ്നേഹയും നേരെ സിറ്റൗട്ടിലെ സ്ലാബിലേക്ക് കയറി ഇരുന്നു.. സ്നേഹ എന്നോട് ചേർന്ന് എന്റെ ഇടത് സൈഡിലും ഇരുന്നു.. ഇതിനിടയിൽ സ്നേഹ എന്നോട് എന്തൊക്കെയോ സംസാരിക്കാൻ ശ്രമിക്കുന്നുണ്ട് പക്ഷെ അവൾ എന്നോട് ഒന്നും മിണ്ടിയില്ല..
അപ്പഴാണ് അനഘ സിറ്റൗട്ടിലേക്ക് വന്നത്, അവളുടെ കയ്യിൽ ഉണ്ടായിരുന്ന കോഫി അവൾ എന്റെ നേരെ നീട്ടി, ഞാൻ അത് വാങ്ങി, മാറുകയ്യിൽ ഉണ്ടായിരുന്ന പേപ്പർപ്ലേറ്റിലെ പക്കാവടയും എന്റെ ഫ്രണ്ടിലെ ടീപ്പൊയിലേക്ക് വച്ച ശേഷം അനഘ ഭിത്തിയോട് ചേർന്നുള്ള ചെയറിലേക്ക് ചാരി ഇരുന്നു..
“നിനക്കിന്ന് ഓട്ടം ഒണ്ടാരുന്നൊ..? ഉച്ചക്ക് നി കവലയിലൂടെ വിട്ടുപോകുന്നത് കണ്ടല്ലൊ ”
ടീപ്പൊയിൽ കിടന്നിരുന്ന ഒരു മാസിക കയ്യിൽ എടുത്ത് വട്ടത്തിൽ ചുരുട്ടികൊണ്ട് അവൾ ചോദിച്ചു..