കഥയുടെ ആദ്യ ഭാഗത്തിന് നിങ്ങൾ തന്ന സപ്പോർട്ടിന് നിങ്ങളോട് ആദ്യമേ നന്ദി പറയുന്നു . ഈ പാർട്ട് ഞാൻ പ്രതീക്ഷിച്ച സമയത്ത് പബ്ലിഷ് ചെയ്യാൻ എനിക്കായില്ല മറ്റു ചില തിരക്കുകൾ കാരണം രണ്ട് ദിവസം വീട്ടിൽ നിന്ന് മാറി നിൽക്കേണ്ടി വന്നു അതാണ് കാരണം, വൈകിയതിൽ ഞാൻ നിങ്ങളോട് ക്ഷമ ചോദിക്കുന്നു . എന്തെങ്കിലും അക്ഷര പിശക് എന്റെ ശ്രദ്ധയിൽ പെടാതെ ഉണ്ടെങ്കിൽ ക്ഷമിക്കുക കാരണം ഞാൻ എല്ലാ കഥകളും ടൈപ്പ് ചെയ്യുന്നത് ഫോണിലാണ് അതിന്റെ ചില പ്രശ്നങ്ങൾ ഉണ്ട് . എന്നാൽ ശരി ….കഥയുടെ ബാക്കി ഭാഗം ഇവിടെ തുടരുകയാണ് ..
🙏🙏🙏🙏 

💞സ്നേഹ തീരം 2💞
Snehatheeram Part 2 | Author : Chekuthane Pranayicha Malakh | Previous Part

……..

രാഘവൻ അതും പറഞ്ഞ് വീണ്ടും ചാരുകസേരയിൽ ഇരുന്ന് പത്രം വിടർത്തി . പാറുവും കൂട്ടുകാരികളും വീടിനുള്ളിലേക്ക് കയറി . അവരുടെ മനസ്സിലെ ചോദ്യങ്ങൾ ഓരോ നിമിഷവും കൂടികൊണ്ട് ഇരുന്നു . പാറുവിന്റെ മനസ്സിൽ അപ്പോഴും മായാതെ കിടന്നത് വിഷ്ണുവിന്റെ മുഖമായിരുന്നു .

……………..

 

” ആ നിങ്ങളെത്തിയോ വേഗം കുളിച്ച് വന്നേ…. പ്രാതൽ കഴിക്കാം . ”

 

പാറുവിനെയും കൂട്ടുകാരിളെയും കണ്ട ഉടനെ പാർവ്വതിയുടെ അമ്മ വസുന്തര അതും പറഞ്ഞ് തിരിച്ച് അടുക്കളയിലേക്ക് തന്നെ നടന്നു.

 

മറ്റെന്നാൾ ആണ് വിവാഹം നാളെ രാവിലെ തന്നെ പോകണം അതായിരുന്നു അവരുടെ തീരുമാനം . ഇന്ന് പോയി വിവാഹത്തിനുള്ള ഡ്രൈസ് എടുക്കണം കൂട്ടുകാരിക്ക് കൊടുക്കാൻ ഗിഫ്റ്റ് വാങ്ങണം അങ്ങനെ ഒരു പാട് തിരക്കുകൾ . കുളിച്ച് റെഡിയായി ഭക്ഷണമൊക്കെ കഴിച്ച് നിന്നപ്പോഴത്തേക്കും അവർക്ക് പോകാനുള്ള കാർ വീടിന് മുന്നിൽ എത്തി..

 

” അച്ഛാ പോയിട്ട് വരാം . അധികം വൈകില്ല കേട്ടോ . ”

 

പാറു അതും പറഞ്ഞ് കാറിൽ കയറി കൂടെ രേവതിയും അഞ്ചലിയും .

 

” ശരി മോളേ …. പിന്നെ കുമാറെ …… പതിയെ പോയാൽ മതി ദൃതി വേണ്ട കേട്ടോ . ”