[{ ഈ പ്രവിശ്യം ഇത്തിരി വൈകി എന്ന് അറിയാം… വിചാരിച്ച പോലെ എഴുതി തീര്‍ക്കാന്‍ പറ്റിയില്ല. ഇനിയിത്ര വൈകാതെ ശ്രമിക്കാം. 

ഇതൊരു കുടുംബത്തിന്‍റെ കഥയാണ്. അതുകൊണ്ട് ഒഴുവാക്കാന്‍ കഴിയാത്ത പലതും ആ കുടുംബത്തിലേക്ക് വന്നു കയറി എന്നു വരാം. അതിനാല്‍ നിങ്ങള്‍ കാത്തിരിക്കുന്ന പല കാര്യങ്ങളും അറിയാന്‍ ഇത്തിരി സമയം കുടെ എടുക്കും. എല്ലാവരും അതിന് കുടെയുണ്ടാവുമെന്ന് കരുതുന്നു. 

ഒരിക്കല്‍ കുടെ പറയുന്നു ഇത് എന്റെ സങ്കല്‍പത്തില്‍ നിന്നെടുത്ത കഥപാത്രങ്ങളും കഥയും കഥപരിസരവുമാണ്. അതിനാല്‍ തന്നെ ആരെങ്കിലുമായോ എന്തെങ്കിലും സംഭവങ്ങളുമായോ ഈ  കഥയ്ക്ക് സാമ്യം  തോന്നിയാല്‍ തികച്ചും യാദ്ദൃശ്ചികം മാത്രമാണ്. }]

✦✧━━━━━━∞༺✧༻∞━━━━━━✧✦

🌞 ഋതുഭേദങ്ങൾ 05 🌧️

RithuBhedangal Part 5| Author : Khalbinte Porali | Previous Part

✦✧━━━━━━∞༺✧༻∞━━━━━━✧✦

കഴിഞ്ഞ ദിവസം നാല്‍പതിനപ്പുറം കടക്കാത്ത സ്പീഡ് മീറ്റര്‍ ഇന്ന് അറുപതിന് താഴെയ്ക്ക് ഇറങ്ങുന്നെയുണ്ടായിരുന്നില്ല. ദേവിന്‍റെ ഡ്രൈവീംങ് അടുത്തിരുന്ന അറിയുന്നാ ഓരോ സമയത്തും അനുവില്‍ പേടി ജനിക്കുകയായിരുന്നു…

““ദേ…ദേവേട്ടാ…. മെല്ലെ പോ…. എ…. എനിക്ക് പേടിയാവുന്നു…..”” അനു സീറ്റില്‍ പിടിച്ചിരുന്നു കൊണ്ടു പറഞ്ഞു. എന്നാല്‍ ദേവ് മറുപടിയൊന്നും പറഞ്ഞില്ല….

““എന്തിനാ ഇ…. ഇത്ര ധൃതി….. മെ…മെല്ലെ പോയാ മ…… മതി….. ഇല്ലത്തേക്ക് തന്നെ അ…. അല്ലേ….. മരണത്തിലേക്കല്ലല്ലോ…..”” അനു വീണ്ടും ചോദിച്ചു.