ഋതുഭേദങ്ങളുടെ പുതിയ ഭാഗവുമായി ഞാന്‍ വീണ്ടും എത്തി.  കഴിഞ്ഞ ഭാഗങ്ങളില്‍ നല്ല വാക്കുകളിലുടെ കഥയ്ക്ക് പ്രചോദനവും അഭിനന്ദനങ്ങളും അയച്ച എല്ലാവര്‍ക്കും ഒരിക്കല്‍ കൂടെ സന്തോഷം അറിയിക്കുന്നു. ഈ ഭാഗത്തിനും നിങ്ങളുടെ പിന്തുണ പ്രതിക്ഷിച്ചുകൊണ്ടു പുതിയ ഭാഗം നിങ്ങള്‍ക്ക് മുന്നില്‍ സമര്‍പ്പിക്കുന്നു. 

ഒരിക്കല്‍ കുടെ കുറച്ച് കാര്യങ്ങള്‍ ഓര്‍മ്മിപ്പിക്കുന്നു. ഈ കഥ മുഴുവനായും സങ്കല്‍പികമാണ്. കുടെ എഴുതുമ്പോള്‍ തെറ്റുകുറ്റങ്ങള്‍ ഉണ്ടാവാനും സാധ്യതയുണ്ട്. എല്ലാവരും അതെല്ലാം ക്ഷമിച്ചുകൊള്ളുമെന്ന് പ്രതീക്ഷിക്കുന്നു.

◆ ━━━━━━━━ ◆ ❃ ◆━━━━━━━━◆

🌞 ഋതുഭേദങ്ങൾ 🌧️ 03

RithuBhedangal Part 3 | Author : Khalbinte Porali | Previous Part

◆ ━━━━━━━━ ◆ ❃ ◆━━━━━━━━◆

ഹേമന്തം അതിന്‍റെ അത്യുന്നതങ്ങളിലെത്തി. തണുപ്പ് രാത്രികളെ കുടുതല്‍ നിഗുഡമാക്കി. നെന്മണിക്കരയുടെ അന്തരീക്ഷവും തണുപ്പിന്‍റെ പിടിയില്‍ പെട്ടിരുന്നു.

ദേവിന്‍റെയും അനുവിന്‍റെയും വേളി കഴിഞ്ഞ് ആഴ്ചകള്‍ കഴിഞ്ഞിരിക്കുന്നു.
ദേഷ്യവും സ്വരചേര്‍ച്ചകളുമായി അവരുടെ ദാമ്പത്യം ഇരുകരകളിലേക്ക് തുഴഞ്ഞുകൊണ്ടിരുന്നു. രാത്രി സ്ഥിരം ദേവ് തന്‍റെ പ്രിയപ്പെട്ടവളെ വിളിക്കുന്നത് തുടര്‍ന്നു. അതിന്‍റെ പേരില്‍ ചെറിയ വാക്ക്പോരുകളും ശുണ്ഠികളുമായി ദിനങ്ങള്‍ കൊഴിഞ്ഞുപോയി.