“അതെ എന്താ പേര്. . . “അപ്പുറത്തെ ബെഡിൽ ഇരുന്ന പെൺകുട്ടിയോട് അഭിഷേക് ചോദിച്ചു 

ശബ്ദം കേട്ട ആ ഭാഗത്തേക്ക്‌ അവൾ തിരിഞ്ഞു നോക്കി എന്നിട്ട് ഒന്നും പറയാതെ അവൾ ജനലിലൂടെ പുറത്തേക്ക് നോക്കികൊണ്ടിരിന്നു. . .

 

“ഞാൻ അഭിഷേക് അഭി എന്ന് വിളിക്കും തന്റെ പേര് ഇത് വരെ പറഞ്ഞില്ല. . . “അവൻ വീണ്ടും ചോദിച്ചു

 

അവൾ അത് കേട്ടത് ആയി ഭാവിച്ചില്ല അവൾ ജനലിലൂടെ പുറത്തേക്ക് നോക്കി ഇരുന്നു. . .

 

“ഇത് കാൻസർ വാർഡ് ആണ് അതുകൊണ്ട് സൈലന്റ് ആയി ഇരിക്കണം. . . “ആ വാർഡിലേക്ക് വന്ന ഒരു നേഴ്സ് അഭിയെ നോക്കി പറഞ്ഞു

 

“എന്റെ ചേച്ചി  അത് വിചാരിച്ചു ഏത് നേരവും ഇങ്ങനെ മിണ്ടാതെ ഇരിക്കാൻ പറ്റോ. . . “അഭി ഇത്തിരി ഇഷ്ടകേടോടെ ചോദിച്ചു

 

“ഞാൻ നിന്നോട് ഒന്നും പറയാൻ ഇല്ല അല്ല എവിടെ നിന്റെ അനിയത്തിയും അമ്മയും. . . ”

 

“കാന്റീനിൽ പോയതാ നാളെ എങ്ങാനും വരുമായിരിക്കും. . . ”

 

അത് കേട്ട് ആ നേഴ്സ് ഒന്ന് ചിരിച്ചു എന്നിട്ട് അവന് ഒരു ഗുളികയും ഒരു ഗ്ലാസ്‌ വെള്ളവും കൊടുത്തു അത് കണ്ടതും അവന്റെ മുഖം ചുളിഞ്ഞു. . .

 

“എന്തിനാ എന്റെ ചേച്ചി ഈ ഗുളിക ഒക്കെ വല്ലാത്ത കൈപ്പ് ആണ്. . . “അഭി പറഞ്ഞു

 

“ദേ ചെക്കാ കളിക്കാതെ ഇത് കുടിക്കാൻ നോക്ക്. . . ” സോഫിയ കപടദേഷ്യത്തിൽ പറഞ്ഞു

 

മടിയോടെ ആണെങ്കിലും അവൻ അത് വാങ്ങി കുടിച്ചു എന്നിട്ട് സോഫിയയെ നോക്കി ഒന്ന് ചിരിച്ചു അവർ തിരിച്ചും. . .

 

അപ്പോൾ ആണ് അഭിയുടെ അമ്മ രാധികയും അനിയത്തി അനാമിക എന്ന അനുവും അവന്റെ അടുത്തേക്ക് വരുന്നത്. . .

 

“അമ്മേ എന്താ കഴിക്കാൻ വാങ്ങിയത്. . . “അഭി ചോദിച്ചു