ആ ഫോൺ കോൾ കാത്തറീന പെട്ടെന്നു തന്നെ അവസാനിപ്പിച്ചു. പക്ഷെ അവൻ പറഞ്ഞ അവസാന വാക്കുകൾ അവളിൽ പതിഞ്ഞിരുന്നു. ഒളിഞ്ഞിരിക്കുന്ന ആ ശത്രുവിനെ അവൾക്കും നല്ല പോലെ അറിയാം. ഏതു നിമിഷവും ഒരപകടം അവൾ മനസിൽ ഉറപ്പിച്ചു.NVയെന്ന ശത്രുവിനെ അറിയുന്ന, കളമറിഞ്ഞു പൊരുതാൻ കെൽപ്പുള്ള ആ  ശത്രുവിൻ്റെ മുഖം മനസിൽ തെളിഞ്ഞതും ഈർഷയോടെ അവൾ സ്വയം പിറുപിറുത്തു.

മുറിയിൽ വിശ്രമിക്കുന്ന വിവേകിനരികിലേക്ക് മുഖം മറച്ച ഒരു രൂപം വന്നു, നിന്നു. പിന്നിൽ ആയുധമേന്തിയ, ഒട്ടനവതി ആളുകളും.

സലാം സാബ്

സലാം… വിവേക് എന്താ… ഇവിടെ

എന്നെ, ഒരുത്തൻ തറപറ്റിച്ചു. അവൻ കാരണം മരണഭയത്താൽ ഓടേണ്ടി വന്നു എനിക്ക്.

നിനക്കോ… അപ്പോ അവൻ ചില്ലറക്കാരനല്ല. എന്താ അവൻ്റെ പേര്

ആദി, ആദിത്യൻ

ആ പേര് കേട്ടതായി പോലും ഓർമ്മയില്ല. അങ്ങനൊരുത്തൻ നിന്നെ ഭയപ്പെടുത്തിയെന്നു പറഞ്ഞാൽ…..

സാഹബ് ,അവൻ Nv എന്ന പേരിലും അറിയപ്പെടുന്നുണ്ട്.

എന്ത്,

എന്താ സാബ്…..

ഈ പേര് ഞാൻ കേട്ടിട്ടുണ്ട്

സാഹിബ്,

അതെ, ഡോൺ മൊഗൽവിച്ചിനെ കുറിച്ച് കേട്ടിട്ടുണ്ടോ….

ഉണ്ട്, സാഹിബ്

അയാളുടെ അടുത്ത ഒരു സുഹൃത്തിൻ്റെ പേരും Nv എന്നാണ്. പക്ഷെ ആ ആൾ തന്നെയാണോ താൻ പറയുന്നത് എന്നറിയില്ല.

അതറിയാൻ എന്താ വഴി

ആ Nvയ്ക്ക് എൻ്റെ അറിവിൽ ഒരേ… ഒരു ശത്രു മാത്രമാണുള്ളത്. അവനോടു ഒറ്റയ്ക്ക് പൊരുതാൻ ശക്തൻ

എവിടെയാ… അവൻ

അമേരിക്ക

എങ്കിൽ എങ്കിൽ ഞാൻ പോകും അവനെ തേടി.

അതിൻ്റെ ആവശ്യമില്ല. നമ്മുടെ അടുത്ത ഡ്രഗ് ഡീൽ ഓസ്ട്രേലിയയിൽ വെച്ചു നടക്കുന്നുണ്ട് , അതിൽ അവനുണ്ടാകും. നീ ഇത് ഡീൽ ചെയ്യുന്നോ…

ഞാൻ ചെയ്യാം