അയോ : അൺടോൾഡ് സ്റ്റോറി ഓഫ് ഹീറോ ⚡️

Ayo : Untold Story of Hero | Author : Pencil Pardhasaradhi

 

സമയം രാത്രി പത്ത് മണി ആയിട്ടുണ്ടാകും….

ആകാശത്തു ചന്ദ്രന്റെ കൂടെ നക്ഷത്രങ്ങൾ ഉണ്ടായിരുന്നു…

ആ റോഡിലൂടെ അവന്റെ പൾസർ വൺ ഐറ്റി ബൈക്ക് മാക്സിമം സ്പീഡിൽ ഓടുകയായിരുന്നു.

പെട്ടെന്നാണ് ആകാശത്ത് ഇടിമുഴക്കവും നിലാ വെളിച്ചം ഇല്ലാതാവുകയും ചെയ്തത്.

അതെ മഴ പെയ്യാൻ തുടങ്ങിയിരിക്കുന്നു….

ചന്ദ്രൻ കാര്മേഘങ്ങൾക്ക് ഇടയിൽ പോയ്‌ ഒളിക്കാൻ തുടങ്ങുകയായിരുന്നു.

അവൻ ആ ബൈക്ക് അവിടെയുള്ള ഒരു മരത്തിന് അടുത്തേക്ക് നിർത്തിവെച്ചു. വലിയ മരം ആയിരുന്നതിനാൽ അടിയിൽ നല്ല സ്ഥലം ഉണ്ടായിരുന്നു.. അവൻ തന്റെ കയ്യിലുള്ള ബിയർ ബോട്ടിൽ എടുത്തു..
കുറച്ചു ബിയർ ബാക്കിയുണ്ടായിരുന്നു.അവൻ ഒറ്റവലിക്ക് കുടിച്ചു തീർത്തു…

മനസ്സിലെ തീക്കനൽ കെട്ടെരിയും  എന്ന് അവൻ കരുതി.

എന്നാൽ അത് കൂടുതൽ ആളികത്തുകയായിരുന്നു ചെയ്തത്….

അവന് ബോധം തീരെ ഇല്ലായിരുന്നു…

അവൻ വീണ്ടും ബൈക്കിൽ കയറി.

വാച്ചിൽ സമയം 10 മണി ആയിരിക്കുന്നു… പഴയ വേഗതയിൽ അവൻ പോകാൻ തുടങ്ങി. മഴ അപ്പോഴും തോർന്നിട്ടില്ല.. നടക്കാൻ പോകുന്ന സംഭവത്തെ ഓർത്ത് ചന്ദ്രൻ കാർമേഘത്തിൻ ഇടയിൽ മറഞ്ഞു തന്നെ നിന്നു….

പെട്ടെന്നാണ് അത് സംഭവിച്ചത്. ഒരു വലിയ വെളിച്ചം അവന്റെ കണ്ണിൽ അടിച്ചു…. അതെ……..
എതിർ വശത്തു കൂടെ വന്ന കാർ അവനെ ഇടിച്ചു തെറിപ്പിച്ചു… ഹെൽമറ്റ് ഇല്ലാതിരുന്ന അവന്റെ തല പോയി ഒരു മരത്തിൽ ഇടിച്ചു…

“ആഹ്……. ”
.

പ്രാണവേദനയോടെ അവൻ അലറി വിളിച്ചു……
കാറിൽ നിന്ന് പെട്ടെന്ന് ഒരു രൂപം അവന്റെ അടുത്തേക്ക് വന്നു. അവൻ ആ രൂപത്തെ ശ്രദ്ധിച്ചു നോക്കി…

“അനു…………..”

അവന്റെ ബോധം മറഞ്ഞു.
.
.
.
.
.
.
.
പയ്യേ അവൻ കണ്ണു തുറന്നു…..

അവൻ തനിക്കു ചുറ്റും നോക്കി. അതെ താനിപ്പോൾ ഹോസ്പിറ്റലിലാണ്.. എന്താണ് സംഭവിച്ചത് ?ഞാൻ എങ്ങനെ ഇവിടെ എത്തി…..
ഒന്നും ഓർമ്മ കിട്ടുന്നില്ലല്ലോ…?

“ഹലോ !!”

അവൻ ശബ്ദം കേട്ട ഭാഗത്തേക്ക് തിരിഞ്ഞു നോക്കി.

അവിടെ 20 വയസ്സ് മാത്രം തോന്നിപ്പിക്കുന്ന സുന്ദരിയായ ഒരു പെൺകുട്ടി ഉണ്ടായിരുന്നു.