” ദിയ ” എന്ന ഈ കഥ അതിന്റെ അവസാന ഭാഗങ്ങളിലേയ്ക്ക് കടക്കുകയാണ് ….. അടുത്ത ഭാഗത്തോടു കൂടി ഈ കഥ അവസാനിക്കും . തിരക്കുകൾക്കുള്ളിൽ നിന്നാണ് ഞാൻ കഥയെഴുതുന്നത് , അതുകൊണ്ട് എഴുത്തിന് വേഗത കുറവാണ് . ഈ ഭാഗം പേജ് കുറവാണ് മാത്രമല്ല ഞാൻ മനസ്സിൽ കരുതിയ ഭാഗത്തല്ല ഈ പാർട്ട് അവസാനിക്കുന്നതും , ഈ പാർട്ടിൽ ചില കാര്യങ്ങൾ വിശദമായി പറയേണ്ടി വന്നിട്ടുണ്ട് അത് കഥയുടെ പൂർണ്ണതയ്ക്ക് വേണ്ടി മാത്രമാണ് …. അടുത്ത ഭാഗം എഴുതാൻ അൽപം സമയം കൂടുതൽ വേണ്ടി വരും .

 

ഇതുവരെ എന്നെ പിന്തുണച്ച പ്രോത്സാഹിപ്പിച്ച എന്റെ എല്ലാ കൂട്ടുകാർക്കും ഹൃദയം നിറഞ്ഞ നന്ദി ….. 🙏🙏🙏

 

ഒത്തിരി സ്നേഹത്തോടെ …..,

 

 

💞 ദിയ – 5 💞

  DIYA – Part 5

Author : VICHU [ചെകുത്താനെ സ്നേഹിച്ച മാലാഖ] 

Previous Part

 

 

View post on imgur.com

 

 

***************************

 

 

” ഏട്ടൻ പറഞ്ഞ ഉടൻ അയാൾ ഇവിടെ നിന്ന് പോകുമെന്ന് ഞാൻ പ്രതീക്ഷിച്ചില്ല …. ”

 

എന്റെ അടുത്തേയ്ക്ക് വന്ന ദിയ ആ കാറുകൾ പോകുന്നത് നോക്കി നിന്നുകൊണ്ട് പറഞ്ഞു …

 

 

” അയാൾ പോയി എന്ന് കരുതി അശ്വസിക്കണ്ട ദിയേ …. സ്വത്തെല്ലാം തന്റെ പേരിൽ ആണ് എന്നുള്ള ഡോക്യുമെൻസ് നമ്മുടെ കയ്യിൽ കിട്ടി എന്ന ഒറ്റ കാരണത്താലാണ് അയാൾ ഇപ്പൊ ഇവിടെ നിന്ന് പോയത് … ഇനിയും ഇവിടെ നിന്ന് പ്രശ്നമായി പോലീസ് വന്നാൽ സ്വയം അകത്ത് പോകേണ്ടി വരുമെന്ന് അയാൾക്ക് നല്ലതു പോലെ അറിയാം …. അയാൾ അടങ്ങി ഇരിക്കില്ല … അയാൾ അടുത്ത സ്റ്റെപ് ആലോചിച്ച് തുടങ്ങുന്നതിന് മുൻപ് അയാൾക്കുള്ള അടുത്ത പണി കൊടുക്കണം …. ”

 

ഞാൻ ദിയയോട് പറഞ്ഞു ….

 

 

” എന്ത് പണി ….. ? ”

 

അവൾ ആകാംഷയോടെ ചോദിച്ചു …